Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstandyq áýe kompanııalary jańa halyqaralyq reıster ashpaq

2019 jyldyń 18 qazan 2019 18:03

NUR-SULTAN. QazAqparat – Jaqynda qazaqstandyq áýe kompanııalary jańa halyqaralyq reısterdi ashady.

Bul týraly «QazAqparat» agenttigine QR IIDM Azamattyq avıatsııa komıtetinen málim etti, dep habarlaıdy QazAqparat tilshisi.

«Búginde Qazaqstan shet memlekettermen 99 halyqaralyq baǵdardy qamtyp otyr. Nur-Sultan qalasynan 34 halyqaralyq baǵdar boıynsha turaqty reıster oryndalyp keledi», - delingen vedomstvo málimetinde.

Belgili bolǵandaı, búginde 14 ishki áýe baǵdary, sondaı-aq «Nur-Sultan – Tokıo» baǵytyndaǵy halyqaralyq baǵdary sýbsıdııalanýda.

«Orta merzimdi perspektıvada qazaqstandyq áýe kompanııalary Shanhaı (2020 jyly), Sıngapýr (2020 jyly), Nıý-Iork (2023 jyly) baǵyttarynda reıs ashýdy josparlap otyr», - dep atalyp ótken komıtet aqparatynda.

Budan buryn habarlanǵandaı, birqatar sheteldik áýe kompanııalary Qazaqstanǵa jańa reısterdi ashýǵa qyzyǵýshylyq tanytyp otyr.

Joǵary qaraı