Awa rayı
Nur-Sultan 6 °S
Almatı 12 °S
valyuta bağamı
USD 379.36
EUR 424.47
RUB 5.88
CNY 54.95

Qazaqstandağı jaña kadrlıq tağayındawlar

2019 jıldıñ 21 säwіr 2019 12:50 1641

NUR-SULTAN. QazAqparat - Ötіp bara jatqan aptada bіrqatar mïnïstrlіkterde jäne oblıs äkіmdіkterіnde tağayındawlar boldı. QazAqparat apta іşіndegі osı jäne özge de tağayındawlar şolwın oqırman nazarına usınadı.

***

QR Premer-Mïnïstrіnіñ bіrіnşі orınbasarı, Qarjı mïnïstrі Älïxan Smayılov Ewrazïyalıq ekonomïkalıq komïssïya keñesіndegі Qazaqstan ökіlі bolıp tağayındaldı.

Ayta keteyіk, Komïssïya keñesі Odaq şeñberіndegі ïntegracïyalıq procestterdі retteydі jäne Komïssïya jumısına jetekşіlіk etedі. Komïssïya keñesіnіñ quramına zañ jüzіnde tïіstі quzıretterі bar Odaqqa- müşe memleketterdіñ Premer-Mïnïstrlerіnіñ orınbasarları kіredі. 

***

Memleket basşısı Qasım-Jomart Toqaevtıñ Ökіmіmen Ältayır Axmetov QR Prezïdentіnіñ janındağı Memlekettіk basqarw akademïyasınıñ rektorı bolıp tağayındaldı.

Ältayır Amangeldіulı Axmetov 1979 jılı 10 mawsımda Mañğıstaw oblısı Aqtaw qalasında dünïege kelgen. Zañ ğılımdarınıñ kandïdatı. 2000 jılı Qazaq Memlekettіk Zañ akademïyasın bіtіrgen, quqıqtanwşı. Eñbek jolın 2000 jılı Qazaqstan Respwblïkası Sırtqı іster mïnïstrlіgіnіñ zañ bölіmіnіñ referentі, attaşe retіnde bastağan. 2016 jıldıñ qaraşasınan bastap Qazaqstan Respwblïkası Prezïdentіnіñ janındağı Memlekettіk basqarw akademïyasınıñ oqw jumısı jäne aqparattıq texnologïyalar jönіndegі vïce-rektorı bolıp jumıs іstedі.

***

Osı aptada QR Ükіmetіnіñ Qawlısımen Talğat Jeñіsulı Janjümenov QR cïfrlıq damw, qorğanıs jäne aeroğarış önerkäsіbі bіrіnşі vïce-mïnïstrі bolıp tağayındaldı. T. Janjümenov 1968 jılı Şığıs Qazaqstan oblısında dünïege kelgen. Lenïn komsomolı atındağı Volsk Joğarı äskerï tıl wçïlïşesіn, RF Qorğanıs mïnïstrlіgіnіñ Äskerï tıl jäne kölіk akademïyasın, RF Qarwlı küşterі Bas ştabınıñ Äskerï akademïyasın tämamdağan. Joğarı arnayı äskerï, operatïvtі-strategïyalıq bіlіmі bar ofïcer.

***

QR Ïndwstrïya jäne ïnfraqurılımdıq damw mïnïstrіnіñ buyrığımen Sayranbek Soltanbekulı Barmaqov Avtomobïl joldarı komïtetіnіñ törağası bolıp tağayındaldı.

S. Barmaqov 1963 j. Şığıs Qazaqstan oblısında twğan. Öskemen jol-qurılıs ïnstïtwtın bіtіrgen. Mamandığı - ïnjener-mexanïk. Eñbek jolın 1986 j. Taldıqorğa oblısında Börlіtöbe awdandıq avtomobïl joldarı mekemesіnde jelіlіk mexanïk, bas ïnjener bolıp bastadı. 2015 jıldan 2019 jılğa deyіn QR Ïnvestïcïyalar jäne damw mïnïstrlіgіnіñ Avtomobïl joldarı komïtetі törağasınıñ orınbasarı.   2019 jıldıñ aqpan ayınan bastap qazіrge deyіn QR Ïndwstrïya jäne ïnfraqurılımdıq damw mïnïstrlіgіnіñ Avtomobïl joldarı komïtetіnіñ törağasınıñ orınbasarı boldı. 

***

Aqparat jäne qoğamdıq damw mïnïstrіnіñ buyrığımen Madïyar Düysenbayulı Qojaxmet Jastar jäne otbası іsterі komïtetіnіñ törağası bolıp tağayındaldı.

M. Qojaxmet 1984 jılı Qarağandı qalasında dünïege kelgen. L. Gwmïlev atındağı Ewrazïya ulttıq wnïversïtetіn, «Bolaşaq» prezïdenttіk bağdarlaması boyınşa Çexïya qoğamdıq ğılımdar wnïversïtetіn tämamdağan. 2003-2008 jıldarı - «Qazaqstannıñ jastar kongresі» respwblïkalıq jastar uyımında jumıs іstedі. Jobalardı üylestіrwşіden bastap atqarwşı dïrektorğa deyіngі eñbek jolınan öttі.

2014-2017 jıldar aralığında Soltüstіk Qazaqstan oblısı äkіmі apparatınıñ basşısı qızmetіn atqarğan. 2017 jılğı qazannan bastap qazіrgі kezge deyіn Soltüstіk Qazaqstan oblısı äkіmіnіñ orınbasarı lawazımın atqardı. 

***

QR Bіlіm jäne ğılımï mïnïstrіnіñ buyrığımen Talğat Іlïyasulı Eşenqulov Bіlіm jäne ğılım salasındağı baqılaw komïtetіnіñ törağası bolıp tağayındaldı.

T. Eşenqulov 1978 jılı Jambıl oblısında dünïege kelgen. 1999 jılı M. X. Dwlatï atındağı Taraz memlekettіk wnïversïtetіn üzdіk, 2010 jılı Qazaqstan Respwblïkasınıñ Prezïdentі janındağı Memlekettіk basqarw akademïyasınıñ Ulttıq memlekettіk sayasat mektebіn tämamdağan. Ekonomïka jäne yurïsprwdencïya salalarındağı maman bіlіktіlіgіne, sonday-aq «Memlekettіk jäne jergіlіktі basqarw» beyіnі boyınşa PhD doktorı därejesіne ïe.

Eñbek jolın 2000 jılı sot jüyesі organdarında bastağan. Qazaqstan Respwblïkasınıñ Qarjı mïnïstrlіgіnde, Qazaqstan Respwblïkasınıñ Joğarğı Sotında, Respwblïkalıq byudjettіñ atqarılwın baqılaw jönіndegі esep komïtetіnde türlі basqarwşılıq qızmetter atqarğan.

2018 jıldıñ nawrızınan osı jıldıñ qırküyegіne deyіn älewmettіk demalısı kezіnde Qazaqstan Respwblïkası bіlіm jäne ğılım vïce-mïnïstrі lawazımın atqardı. 2018 jılğı 14 qırküyekten bastap Bіlіm jäne ğılım salasındağı baqılaw komïtetіnіñ törağası qızmetіn atqarğan. 2019 jılğı aqpannan bastap Qazaqstan Respwblïkası Bіlіm jäne ğılım vïce-mïnïstrі qızmetіnde boldı.  

***

Rwslan Qanatxanulı Älіşev SQO äkіmіnіñ älewmettіk mäselelerі jönіndegі orınbasarı bolıp tağayındaldı.

Rwslan Älіşev M. Qozıbaev atındağı Soltüstіk Qazaqstan memlekettіk wnïversïtetіn, A. Mırzaxmetov atındağı Kökşetaw wnïversïtetіn tämamdağan. 2004-2013 jıldar aralığında Soltüstіk Qazaqstan oblısı äkіmіnіñ ïnspektorı,  Іşkі sayasat basqarmasınıñ orınbasarı jäne basşısı, Mağjan Jumabaev awdanı äkіmіnіñ orınbasarı bolıp eñbek ettі.

2018 jıldan bastap osı tağayındawğa deyіn QR Aqparat jäne kommwnïkacïyalar mïnïstrlіgіnіñ «Ortalıq kommwnïkacïyalar qızmetіnіñ» basşısı bolıp jumıs іstedі.

***

Bul aptanıñ ortasında Şığıs Qazaqstan oblısı äkіmіnіñ orınbasarı qızmetіne  Baqıtjan Käkenqajıulı Bayaxmetov tağayındaldı. Baqıtjan Käkenqajıulı 1970 jıldıñ 29 tamızında Semey oblısı Ayagöz qalasında twğan. 1992 jılı Qazaqtıñ Eñbek Qızıl Tw ordenі awılşarwaşılıq ïnstïtwtın ïnjener-elektrïk mamandığı boyınşa, 2008 jılı Almatı Ortalıq Azïya wnïversïtetіn ekonomïst mamandığı boyınşa bіtіrgen. Eñbek jolın 1992-1999 jıldarı «Altayenergo» mekemesіnde Ayagöz elektr torabınıñ ïnjenerі retіnde bastap, 1999-2000 jıldarı jergіlіktі avtomatïkalıq relelіk qorğaw qızmetіnіñ bastığı bolıp tağayındaladı.

2009 jıldıñ mawsımında Qorşağan ortanı qorğaw mïnïstrlіgіnіñ byudjettіk josparlaw jäne memlekettіk satıp alw basqarmasınıñ bas ekspertі bolıp tağayındaldı. 2009 jılğı qazanınan bastap Öskemen qalasınıñ qurılıs bölіmіnіñ bastığı qızmetіne awıstı.  2010 jıldıñ qaraşasınan Ayagöz qalasınıñ äkіmі bolıp jumıs іstedі. 2014 jıldıñ şіldesіnen Ulan awdanınıñ äkіmі qızmetіn atqarsa, osı jıldıñ jeltoqsan ayınan 2019 jıldıñ säwіrіne deyіn Ayagöz awdanın basqardı.

***

Şığıs Qazaqstan oblısında Ayagöz, Zaysan jäne Tarbağatay awdandarına jaña äkіmder tağayındaldı,

Dіldäbek Täjіbayulı buğan deyіn Tarbağatay awdanınıñ äkіmі bolğan. Osı aptadan bastap Ayagöz awdanın basqaradı.

Zaysan awdanına täjіrïbelі basşı, osı öñіrdіñ twması Serіk Qasımbekulı Aqtanov äkіm bolıp keldі. Ol uzaq jıldar boyı jol qurılısı salasında eñbek etken.

Tarbağatay awdanınıñ jaña äkіmі Serіkqazı Qusayınulı Sädwaqasov 2014 jıldan bastap Ürjar awdanı äkіmіnіñ orınbasarı lawazımın ïelendі.

***

Osı aptanıñ soñında Jambıl oblısı äkіmіnіñ jaña orınbasarı bolıp Kalenderov Nurjan Säbïtulı tağayındaldı.

Nurjan Säbïtulı 1976 jılı twğan. Bіlіmі joğarı, 1997 jılı Jambıl jeñіl jäne tamaq önerkäsіbі texnologïyalıq ïnstïtwtın «xalıqaralıq ekonomïkalıq qatınastar»» mamandığı boyınşa bіtіrgen. Öz eñbek jolın 1997 jılı «Arnabol» jawapkerşіlіgі şektewlі serіktestіgіnіñ bwxgalterі bolıp bastağan.

2017 jılğı nawrızdan bastap Jambıl oblısı äkіmі apparatınıñ basşısı qızmetіn atqarıp keldі. Ayta keteyіk, N. Säbïtulı endіgі jerde ïndwstrïaldı-ïnnovacïyalıq damıtw, önerkäsіp, käsіpkerlіk, twrïzm, eñbektі qorğaw salalarına jetekşіlіk jasaytın boladı.

***

«Qazaqstandıq ïndwstrïyanı damıtw ïnstïtwtı» AQ basqarma törağası retіnde Älіşer Elіsulın Äbdіqadırov bekіtіldі.

Ol eñbek jolın Ïndwstrïya jäne ïnfraqurılımdıq damw mïnïstrlіgіnde bastağan. Är jıldarı Pavlodar oblısınıñ, Nur-Sultan qalasınıñ ïndwstrïyalıq-ïnnovacïyalıq damw basqarmalarına basşılıq ettі.

***

Öñіrlerdegі qılmıstıq-atqarw jüyesіnde kadrlıq awıs-tüyіster boldı.

Qızılorda oblısı boyınşa QAJ departamentіnіñ basşısı lawazımına SQO QAJ deparatmentіn basqarğan ädіlet polkovnïgі Näkenov Murat Sabırulı tağayındaldı.

 Ädіlet polkovnïgі Näkenov M. S. 1974 jılı Kökşetaw oblısında twğan, zañgerlіk boyınşa  joğarı bіlіm alğan. Penïtencïarlıq jüyedegі qızmetіn 1997 jılı SQO ІІB QAJ basqarmasınıñ mamandandırılğan medïcïnalıq-profïlaktïkalıq mekemesі bölіmіnіñ meñgerwşіsі qızmetіn atqardı. Türlі jıldarı ol oblıstıq QAJ deparatmentіnіñ basşısınıñ orınbasarı, mekemeler basşısı qızmetterіn atqardı.

Däl osınday buyrıqpen Ädіlet podpolkovnïgі Basarov Jastalap Ersayınulı Mañğıstaw oblısı QAJ departamentіnіñ basşısı bolıp tağayındaldı. Buğan deyіn J. Basarov Atıraw oblısındağı QAJ departamentі basşısınıñ orınbasarı qızmetіn atqarğan. Basarov J.E. 1972 jılı Aqtöbe oblısında twğan. Qılmıstıq-atqarw jüyesіndegі eñbek jolın Aqtöbe oblısındağı QAJ basqarmasınıñ QA-168/3 mekemesіnde sottalğandar arasındağı tärbïe jumısı jönіndegі bölіm tärbïeşіsі bolıp bastağan. 

***

Prezïdent Äkіmşіlіgіnіñ kelіsіmіmen Qızılorda oblısı Polïcïya departamentіnіñ bastığı lawazımına polïcïya polkovnïgі Arıstanğanï Rasılxanulı Zapparov  tağayındaldı.

Arıstanğanï Rasılxanulı äl-Farabï atındağı Qazaq ulttıq wnïversïtetіn, Qazaqstan Respwblïkası Іşkі іster mïnïstrlіgі akademïyasınıñ Zañ ïnstïtwtın bіtіrgen.      Іşkі іster organdarında 1993 jıldıñ qaraşa ayınan berі qızmet atqaradı. Orta jäne joğarğı basşılıq quramdağı qızmetterdі atqardı. Jergіlіktі bölіnіsterdegі basşılıq qızmette mol täjіrïbesі bar.    Är jıldarı Almatı oblısı Polïcïya departamentі Eñbekşі qazaq awdanınıñ Polïcïya basqarmasın, Almatı qalası Alataw awdanı Polïcïya basqarmasın, Aqmola oblısı Polïcïya departamentі Stepnagorsk qalası Polïcïya basqarmasın basqardı, Aqtöbe oblısı Polïcïya departamentі bastığınıñ bіrіnşі orınbasarı boldı.        2018 jıldıñ qañtar ayınan Qazaqstan Respwblïkası Іşkі іster mïnïstrlіgі Esіrtkі qılmısına qarsı іs-qïmıl departamentіnіñ bastığı qızmetіn atqaradı.      

***

Aptanıñ ortasında QR Bas prokwratwrasınıñ buyrığımen Almatı qalası prokwrorınıñ orınbasarı bolıp Nursultan Raqışev, Medew awdandı prokwrorı bolıp Asxat Jaqıpov tağayındaldı.

Nursultan Raqışev 1984 jılı twğan. Qazaq gwmanïtarlıq zañ wnïversïtetіn quqıqtanw mamandığı boyınşa bіtіrgen. Eñbek jolın 2004 jılı Astana prokwratwrası basqarmasınan bastağan. Är jıldarı QR Bas prokwratwrasınıñ departament bölіmіnіñ prokwrorı, basqarmanıñ bas prokwrorı, Almatı qalası prokwrorınıñ kömekşіsі bolıp qızmet etken. 2017 jılğı şіldeden bastap QR Bas prokwratwrasınıñ Resey Federacïyasındağı ökіlі bolğan.

Jaqıpov Asxat 1977 jılı twğan. Qazaq gwmanïtarlıq zañ wnïversïtetіn  quqıqtanw mamandığı boyınşa bіtіrgen. Eñbek jolın 1999 jılı Almatı prokwratwrası janındağı Quqıqtıq statïstïka jäne aqparat ortalığı bölіmіnіñ bas mamanı bolıp bastağan. Är jıldarı Medew, Jetіsw awdandarı prokwrorlarınıñ orınbasarı bolıp qızmet etken. 2018 jıldan bastap Almatı prokwratwra basqarmasınıñ basşısı bolıp іstegen. 

***

Bïsaqaev Örken Serіkqalïulı «Kazakh Tourism» ulttıq kompanïyasınıñ basqarma törağası bolıp tağayındaldı.

Bïsaqaev Örken 1977 jılğı 24 şіldede Batıs Qazaqstan oblısında dünïege keldі. Ekі joğarı bіlіmі bar. 1999 jılı Qazaq ulttıq texnïkalıq wnïversïtetіn (Ekonomïka jäne menedjment, ïnjener-ekonomïst), 2010 jılı Ş. Esenov atındağı Kaspïy memlekettіk texnologïyalar jäne ïnjïnïrïng wnïversïtetіn (Zañ mamandığı) tämandağan.

2000-2007 jıldarı qazaqstandıq jäne şeteldіk kompanïyalarda türlі lawazımdarda qızmet ettі. Türlі jıldarı Aqtaw qalası äkіmіnіñ orınbasarı qızmetіnde boldı. Mañğıstaw oblısı Jolawşılar kölіgі jäne avtomobïl joldarı basqarmasınıñ jäne Twrïzm basqarmasınıñ basşısı boldı. Soñğı lawazımı - Mañğıstaw oblısı äkіmіnіñ orınbasarı.

***

 «NUR Media» xoldïngtіñ jaña bas dïrektorı bolıp belgіlі jwrnalïst Älïya Börïeva tağayındaldı.

Älïya Börïeva eñbek jolın Şımkenttegі «Otırar» telearnasınan bastağan. Är jıldarı KTK, Qazaqstan jäne «Astana» telearnalarında, türlі memlekettіk organdardıñ baspasöz qızmetterіnde jumıs іstedі. 2006 jıldan bastap Älïya Börïeva «Nur Otan» partïyası ortalıq apparatı men «NUR Media» xoldïngіnіñ qurılımında basşılıq lawazımdardı atqardı.

***

Belgіlі telejwrnalïst, bіlіktі maman Bïbіgül Jeksenbay «Astana» telearnasınıñ bas dïrektorı bolıp tağayındaldı.

Äl-Farabï atındağı Qazaq Ulttıq wnïversïtetіnіñ jwrnalïstïka fakwltetіn bіtіrgen. Sonday-aq bïznes-basqarw magïstrі. Eñbek jolın qatardağı korrespondentten bastap elіmіzdegі іrі buqaralıq aqparat quraldarınıñ top-menedjerіne deyіn köterіldі.

«Qurmet» ordenі, BAQ salasındağı Qazaqstan Respwblïkasınıñ Prezïdentі sıylığınıñ lawreatı, «Qazaqstan Täwelsіzdіgіnіñ 10-jıldığı», «Astananıñ 10-jıldığı» merekelіk medaldarımen marapattalğan jäne «Mädenïet qayratkerі» atağınıñ ïegerі.

 

 

Avtor: Rwslan Ğabbasov
Bastı sözder: Basqa memorgandar, Tağayındaw,
Joğarı qaray