Aýa raıy
Astana 5 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstandaǵy jańa kadrlyq taǵaıyndaýlar

2019 jyldyń 21 sáýir 2019 12:50

NUR-SULTAN. QazAqparat - Ótip bara jatqan aptada birqatar mınıstrlikterde jáne oblys ákimdikterinde taǵaıyndaýlar boldy. QazAqparat apta ishindegi osy jáne ózge de taǵaıyndaýlar sholýyn oqyrman nazaryna usynady.

***

QR Premer-Mınıstriniń birinshi orynbasary, Qarjy mınıstri Álıhan Smaıylov Eýrazııalyq ekonomıkalyq komıssııa keńesindegi Qazaqstan ókili bolyp taǵaıyndaldy.

Aıta keteıik, Komıssııa keńesi Odaq sheńberindegi ıntegratsııalyq protsestterdi retteıdi jáne Komıssııa jumysyna jetekshilik etedi. Komıssııa keńesiniń quramyna zań júzinde tıisti quzyretteri bar Odaqqa- múshe memleketterdiń Premer-Mınıstrleriniń orynbasarlary kiredi.

***

Memleket basshysy Qasym-Jomart Toqaevtyń Ókimimen Áltaıyr Ahmetov QR Prezıdentiniń janyndaǵy Memlekettik basqarý akademııasynyń rektory bolyp taǵaıyndaldy.

Áltaıyr Amangeldiuly Ahmetov 1979 jyly 10 maýsymda Mańǵystaý oblysy Aqtaý qalasynda dúnıege kelgen. Zań ǵylymdarynyń kandıdaty. 2000 jyly Qazaq Memlekettik Zań akademııasyn bitirgen, quqyqtanýshy. Eńbek jolyn 2000 jyly Qazaqstan Respýblıkasy Syrtqy ister mınıstrliginiń zań bóliminiń referenti, attashe retinde bastaǵan. 2016 jyldyń qarashasynan bastap Qazaqstan Respýblıkasy Prezıdentiniń janyndaǵy Memlekettik basqarý akademııasynyń oqý jumysy jáne aqparattyq tehnologııalar jónindegi vıtse-rektory bolyp jumys istedi.

***

Osy aptada QR Úkimetiniń Qaýlysymen Talǵat Jeńisuly Janjúmenov QR tsıfrlyq damý, qorǵanys jáne aeroǵarysh ónerkásibi birinshi vıtse-mınıstri bolyp taǵaıyndaldy. T. Janjúmenov 1968 jyly Shyǵys Qazaqstan oblysynda dúnıege kelgen. Lenın komsomoly atyndaǵy Volsk Joǵary áskerı tyl ýchılıesin, RF Qorǵanys mınıstrliginiń Áskerı tyl jáne kólik akademııasyn, RF Qarýly kúshteri Bas shtabynyń Áskerı akademııasyn támamdaǵan. Joǵary arnaıy áskerı, operatıvti-strategııalyq bilimi bar ofıtser.

***

QR Indýstrııa jáne ınfraqurylymdyq damý mınıstriniń buıryǵymen Saıranbek Soltanbekuly Barmaqov Avtomobıl joldary komıtetiniń tóraǵasy bolyp taǵaıyndaldy.

S. Barmaqov 1963 j. Shyǵys Qazaqstan oblysynda týǵan. Óskemen jol-qurylys ınstıtýtyn bitirgen. Mamandyǵy - ınjener-mehanık. Eńbek jolyn 1986 j. Taldyqorǵa oblysynda Bórlitóbe aýdandyq avtomobıl joldary mekemesinde jelilik mehanık, bas ınjener bolyp bastady. 2015 jyldan 2019 jylǵa deıin QR Investıtsııalar jáne damý mınıstrliginiń Avtomobıl joldary komıteti tóraǵasynyń orynbasary. 2019 jyldyń aqpan aıynan bastap qazirge deıin QR Indýstrııa jáne ınfraqurylymdyq damý mınıstrliginiń Avtomobıl joldary komıtetiniń tóraǵasynyń orynbasary boldy.

***

Aqparat jáne qoǵamdyq damý mınıstriniń buıryǵymen Madııar Dúısenbaıuly Qojahmet Jastar jáne otbasy isteri komıtetiniń tóraǵasy bolyp taǵaıyndaldy.

M. Qojahmet 1984 jyly Qaraǵandy qalasynda dúnıege kelgen. L. Gýmılev atyndaǵy Eýrazııa ulttyq ýnıversıtetin, «Bolashaq» prezıdenttik baǵdarlamasy boıynsha Chehııa qoǵamdyq ǵylymdar ýnıversıtetin támamdaǵan. 2003-2008 jyldary - «Qazaqstannyń jastar kongresi» respýblıkalyq jastar uıymynda jumys istedi. Jobalardy úılestirýshiden bastap atqarýshy dırektorǵa deıingi eńbek jolynan ótti.

2014-2017 jyldar aralyǵynda Soltústik Qazaqstan oblysy ákimi apparatynyń basshysy qyzmetin atqarǵan. 2017 jylǵy qazannan bastap qazirgi kezge deıin Soltústik Qazaqstan oblysy ákiminiń orynbasary laýazymyn atqardy.

***

QR Bilim jáne ǵylymı mınıstriniń buıryǵymen Talǵat Іlııasuly Eshenqulov Bilim jáne ǵylym salasyndaǵy baqylaý komıtetiniń tóraǵasy bolyp taǵaıyndaldy.

T. Eshenqulov 1978 jyly Jambyl oblysynda dúnıege kelgen. 1999 jyly M. H. Dýlatı atyndaǵy Taraz memlekettik ýnıversıtetin úzdik, 2010 jyly Qazaqstan Respýblıkasynyń Prezıdenti janyndaǵy Memlekettik basqarý akademııasynyń Ulttyq memlekettik saıasat mektebin támamdaǵan. Ekonomıka jáne ıýrısprýdentsııa salalaryndaǵy maman biliktiligine, sondaı-aq «Memlekettik jáne jergilikti basqarý» beıini boıynsha PhD doktory dárejesine ıe.

Eńbek jolyn 2000 jyly sot júıesi organdarynda bastaǵan. Qazaqstan Respýblıkasynyń Qarjy mınıstrliginde, Qazaqstan Respýblıkasynyń Joǵarǵy Sotynda, Respýblıkalyq bıýdjettiń atqarylýyn baqylaý jónindegi esep komıtetinde túrli basqarýshylyq qyzmetter atqarǵan.

2018 jyldyń naýryzynan osy jyldyń qyrkúıegine deıin áleýmettik demalysy kezinde Qazaqstan Respýblıkasy bilim jáne ǵylym vıtse-mınıstri laýazymyn atqardy. 2018 jylǵy 14 qyrkúıekten bastap Bilim jáne ǵylym salasyndaǵy baqylaý komıtetiniń tóraǵasy qyzmetin atqarǵan. 2019 jylǵy aqpannan bastap Qazaqstan Respýblıkasy Bilim jáne ǵylym vıtse-mınıstri qyzmetinde boldy.

***

Rýslan Qanathanuly Álishev SQO ákiminiń áleýmettik máseleleri jónindegi orynbasary bolyp taǵaıyndaldy.

Rýslan Álishev M. Qozybaev atyndaǵy Soltústik Qazaqstan memlekettik ýnıversıtetin, A. Myrzahmetov atyndaǵy Kókshetaý ýnıversıtetin támamdaǵan. 2004-2013 jyldar aralyǵynda Soltústik Qazaqstan oblysy ákiminiń ınspektory, Іshki saıasat basqarmasynyń orynbasary jáne basshysy, Maǵjan Jumabaev aýdany ákiminiń orynbasary bolyp eńbek etti.

2018 jyldan bastap osy taǵaıyndaýǵa deıin QR Aqparat jáne kommýnıkatsııalar mınıstrliginiń «Ortalyq kommýnıkatsııalar qyzmetiniń» basshysy bolyp jumys istedi.

***

Bul aptanyń ortasynda Shyǵys Qazaqstan oblysy ákiminiń orynbasary qyzmetine Baqytjan Kákenqajyuly Baıahmetov taǵaıyndaldy. Baqytjan Kákenqajyuly 1970 jyldyń 29 tamyzynda Semeı oblysy Aıagóz qalasynda týǵan. 1992 jyly Qazaqtyń Eńbek Qyzyl Tý ordeni aýylsharýashylyq ınstıtýtyn ınjener-elektrık mamandyǵy boıynsha, 2008 jyly Almaty Ortalyq Azııa ýnıversıtetin ekonomıst mamandyǵy boıynsha bitirgen. Eńbek jolyn 1992-1999 jyldary «Altaıenergo» mekemesinde Aıagóz elektr torabynyń ınjeneri retinde bastap, 1999-2000 jyldary jergilikti avtomatıkalyq relelik qorǵaý qyzmetiniń bastyǵy bolyp taǵaıyndalady.

2009 jyldyń maýsymynda Qorshaǵan ortany qorǵaý mınıstrliginiń bıýdjettik josparlaý jáne memlekettik satyp alý basqarmasynyń bas eksperti bolyp taǵaıyndaldy. 2009 jylǵy qazanynan bastap Óskemen qalasynyń qurylys bóliminiń bastyǵy qyzmetine aýysty. 2010 jyldyń qarashasynan Aıagóz qalasynyń ákimi bolyp jumys istedi. 2014 jyldyń shildesinen Ulan aýdanynyń ákimi qyzmetin atqarsa, osy jyldyń jeltoqsan aıynan 2019 jyldyń sáýirine deıin Aıagóz aýdanyn basqardy.

***

Shyǵys Qazaqstan oblysynda Aıagóz, Zaısan jáne Tarbaǵataı aýdandaryna jańa ákimder taǵaıyndaldy,

Dildábek Tájibaıuly buǵan deıin Tarbaǵataı aýdanynyń ákimi bolǵan. Osy aptadan bastap Aıagóz aýdanyn basqarady.

Zaısan aýdanyna tájirıbeli basshy, osy óńirdiń týmasy Serik Qasymbekuly Aqtanov ákim bolyp keldi. Ol uzaq jyldar boıy jol qurylysy salasynda eńbek etken.

Tarbaǵataı aýdanynyń jańa ákimi Serikqazy Qusaıynuly Sádýaqasov 2014 jyldan bastap Úrjar aýdany ákiminiń orynbasary laýazymyn ıelendi.

***

Osy aptanyń sońynda Jambyl oblysy ákiminiń jańa orynbasary bolyp Kalenderov Nurjan Sábıtuly taǵaıyndaldy.

Nurjan Sábıtuly 1976 jyly týǵan. Bilimi joǵary, 1997 jyly Jambyl jeńil jáne tamaq ónerkásibi tehnologııalyq ınstıtýtyn «halyqaralyq ekonomıkalyq qatynastar»» mamandyǵy boıynsha bitirgen. Óz eńbek jolyn 1997 jyly «Arnabol» jaýapkershiligi shekteýli seriktestiginiń býhgalteri bolyp bastaǵan.

2017 jylǵy naýryzdan bastap Jambyl oblysy ákimi apparatynyń basshysy qyzmetin atqaryp keldi. Aıta keteıik, N. Sábıtuly endigi jerde ındýstrıaldy-ınnovatsııalyq damytý, ónerkásip, kásipkerlik, týrızm, eńbekti qorǵaý salalaryna jetekshilik jasaıtyn bolady.

***

«Qazaqstandyq ındýstrııany damytý ınstıtýty» AQ basqarma tóraǵasy retinde Álisher Elisulyn Ábdiqadyrov bekitildi.

Ol eńbek jolyn Indýstrııa jáne ınfraqurylymdyq damý mınıstrliginde bastaǵan. Ár jyldary Pavlodar oblysynyń, Nur-Sultan qalasynyń ındýstrııalyq-ınnovatsııalyq damý basqarmalaryna basshylyq etti.

***

Óńirlerdegi qylmystyq-atqarý júıesinde kadrlyq aýys-túıister boldy.

Qyzylorda oblysy boıynsha QAJ departamentiniń basshysy laýazymyna SQO QAJ deparatmentin basqarǵan ádilet polkovnıgi Nákenov Murat Sabyruly taǵaıyndaldy.

Ádilet polkovnıgi Nákenov M. S. 1974 jyly Kókshetaý oblysynda týǵan, zańgerlik boıynsha joǵary bilim alǵan. Penıtentsıarlyq júıedegi qyzmetin 1997 jyly SQO ІІB QAJ basqarmasynyń mamandandyrylǵan medıtsınalyq-profılaktıkalyq mekemesi bóliminiń meńgerýshisi qyzmetin atqardy. Túrli jyldary ol oblystyq QAJ deparatmentiniń basshysynyń orynbasary, mekemeler basshysy qyzmetterin atqardy.

Dál osyndaı buıryqpen Ádilet podpolkovnıgi Basarov Jastalap Ersaıynuly Mańǵystaý oblysy QAJ departamentiniń basshysy bolyp taǵaıyndaldy. Buǵan deıin J. Basarov Atyraý oblysyndaǵy QAJ departamenti basshysynyń orynbasary qyzmetin atqarǵan. Basarov J.E. 1972 jyly Aqtóbe oblysynda týǵan. Qylmystyq-atqarý júıesindegi eńbek jolyn Aqtóbe oblysyndaǵy QAJ basqarmasynyń QA-168/3 mekemesinde sottalǵandar arasyndaǵy tárbıe jumysy jónindegi bólim tárbıeshisi bolyp bastaǵan.

***

Prezıdent Ákimshiliginiń kelisimimen Qyzylorda oblysy Polıtsııa departamentiniń bastyǵy laýazymyna polıtsııa polkovnıgi Arystanǵanı Rasylhanuly Zapparov taǵaıyndaldy.

Arystanǵanı Rasylhanuly ál-Farabı atyndaǵy Qazaq ulttyq ýnıversıtetin, Qazaqstan Respýblıkasy Іshki ister mınıstrligi akademııasynyń Zań ınstıtýtyn bitirgen. Іshki ister organdarynda 1993 jyldyń qarasha aıynan beri qyzmet atqarady. Orta jáne joǵarǵy basshylyq quramdaǵy qyzmetterdi atqardy. Jergilikti bólinisterdegi basshylyq qyzmette mol tájirıbesi bar. Ár jyldary Almaty oblysy Polıtsııa departamenti Eńbekshi qazaq aýdanynyń Polıtsııa basqarmasyn, Almaty qalasy Alataý aýdany Polıtsııa basqarmasyn, Aqmola oblysy Polıtsııa departamenti Stepnagorsk qalasy Polıtsııa basqarmasyn basqardy, Aqtóbe oblysy Polıtsııa departamenti bastyǵynyń birinshi orynbasary boldy. 2018 jyldyń qańtar aıynan Qazaqstan Respýblıkasy Іshki ister mınıstrligi Esirtki qylmysyna qarsy is-qımyl departamentiniń bastyǵy qyzmetin atqarady.

***

Aptanyń ortasynda QR Bas prokýratýrasynyń buıryǵymen Almaty qalasy prokýrorynyń orynbasary bolyp Nursultan Raqyshev, Medeý aýdandy prokýrory bolyp Ashat Jaqypov taǵaıyndaldy.

Nursultan Raqyshev 1984 jyly týǵan. Qazaq gýmanıtarlyq zań ýnıversıtetin quqyqtaný mamandyǵy boıynsha bitirgen. Eńbek jolyn 2004 jyly Astana prokýratýrasy basqarmasynan bastaǵan. Ár jyldary QR Bas prokýratýrasynyń departament bóliminiń prokýrory, basqarmanyń bas prokýrory, Almaty qalasy prokýrorynyń kómekshisi bolyp qyzmet etken. 2017 jylǵy shildeden bastap QR Bas prokýratýrasynyń Reseı Federatsııasyndaǵy ókili bolǵan.

Jaqypov Ashat 1977 jyly týǵan. Qazaq gýmanıtarlyq zań ýnıversıtetin quqyqtaný mamandyǵy boıynsha bitirgen. Eńbek jolyn 1999 jyly Almaty prokýratýrasy janyndaǵy Quqyqtyq statıstıka jáne aqparat ortalyǵy bóliminiń bas mamany bolyp bastaǵan. Ár jyldary Medeý, Jetisý aýdandary prokýrorlarynyń orynbasary bolyp qyzmet etken. 2018 jyldan bastap Almaty prokýratýra basqarmasynyń basshysy bolyp istegen.

***

Bısaqaev Órken Serikqalıuly «Kazakh Tourism» ulttyq kompanııasynyń basqarma tóraǵasy bolyp taǵaıyndaldy.

Bısaqaev Órken 1977 jylǵy 24 shildede Batys Qazaqstan oblysynda dúnıege keldi. Eki joǵary bilimi bar. 1999 jyly Qazaq ulttyq tehnıkalyq ýnıversıtetin (Ekonomıka jáne menedjment, ınjener-ekonomıst), 2010 jyly Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin (Zań mamandyǵy) támandaǵan.

2000-2007 jyldary qazaqstandyq jáne sheteldik kompanııalarda túrli laýazymdarda qyzmet etti. Túrli jyldary Aqtaý qalasy ákiminiń orynbasary qyzmetinde boldy. Mańǵystaý oblysy Jolaýshylar kóligi jáne avtomobıl joldary basqarmasynyń jáne Týrızm basqarmasynyń basshysy boldy. Sońǵy laýazymy - Mańǵystaý oblysy ákiminiń orynbasary.

***

«NUR Media» holdıngtiń jańa bas dırektory bolyp belgili jýrnalıst Álııa Bórıeva taǵaıyndaldy.

Álııa Bórıeva eńbek jolyn Shymkenttegi «Otyrar» telearnasynan bastaǵan. Ár jyldary KTK, Qazaqstan jáne «Astana» telearnalarynda, túrli memlekettik organdardyń baspasóz qyzmetterinde jumys istedi. 2006 jyldan bastap Álııa Bórıeva «Nur Otan» partııasy ortalyq apparaty men «NUR Media» holdınginiń qurylymynda basshylyq laýazymdardy atqardy.

***

Belgili telejýrnalıst, bilikti maman Bıbigúl Jeksenbaı «Astana» telearnasynyń bas dırektory bolyp taǵaıyndaldy.

Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin bitirgen. Sondaı-aq bıznes-basqarý magıstri. Eńbek jolyn qatardaǵy korrespondentten bastap elimizdegi iri buqaralyq aqparat quraldarynyń top-menedjerine deıin kóterildi.

«Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10-jyldyǵy», «Astananyń 10-jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri.

Joǵary qaraı