Aýa raıy
Astana 8 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Qazaqstandaǵy jańa kadrlyq taǵaıyndaýlar

2018 jyldyń 9 jeltoqsan 2018 11:06

ASTANA. QazAqparat - Ótken apta ishinde elimizde birqatar kadrlyq taǵaıyndaýlar boldy, dep habarlaıdy QazAqparat tilshisi.

Apta basynda, ıaǵnı 4 jeltoqsan kúni belgili bıznesmen Keńes Raqyshev Qazaqstan boks federatsııasynyń halyqaralyq baılanystar boıynsha vıtse-prezıdenti bolyp saılandy.

Boks federatsııasynyń jańa vıtse-prezıdenti federatsııa jumysynyń jyldyq qorytyndysyna baılanysty Astanada ótken jıynda tanystyryldy. Al oǵan deıin atalmysh qyzmetti Almasadam Satqalıev atqarǵan bolatyn. Atap óterligi, 2018 jyly elimizde birinshi otandyq boks uıymynyń qurylǵanyna týra 85 jyl tolyp otyr.

Sol kúni SQO ákimi Qumar Aqsaqalovtyń ókimimen aýyl sharýashylyǵy basqarmasyna Erbolat Bekshenov basshy bolyp taǵaıyndaldy. Erbolat Muratuly buǵan deıin oblystyq jer qatynastary basqarmasynyń jetekshisi bolyp eńbek etti. Ol 1973 jyly týǵan, Ortalyq Azııa ýnıversıtetin ekonomıst mamandyǵy boıynsha bitirgen. Eńbek jolyn «Bekshenov» sharýa-fermerlik qojalyǵy basshysynyń orynbasary bolyp bastady. «Et» JShS-de marketıng bóliminiń meńgerýshisi, Taıynsha aýdanyndaǵy Donetsk aýyldyq okrýginiń ákimi, Mamlıýtka qalasy ákiminiń orynbasary, Mamlıýt aýdany ákiminiń orynbasary qyzmetterin atqardy. 2014-2018 jyldary Mamlıýt aýdanynyń ákimi bolyp jumys istedi.

Sonymen qatar, ótken apta ishinde Aqtóbe oblysy ákiminiń orynbasary qyzmetine Marat Toqjanov taǵaıyndaldy.

Marat Toǵjanov 1965 jyly Batys Qazaqstan oblysynda týǵan. Bilimi joǵary, Qaraǵandy memlekettik ýnıversıtetin, Qazaq memlekettik zań akademııasy men Batys Qazaqstan ınjenerlik-gýmanıtarlyq ýnıversıtetin tarıh jáne qoǵamtaný pániniń muǵalimi, zańger mamandyqtary boıynsha bitirgen.

Odan bólek, 4 jeltoqsan kúni «Teńizshevroıl» JShS basshylyq quramynda ózgeris boldy. 2018 jyldyń 1 jeltoqsanynan bastap óndiris bóliminiń bas menedjeri Imer Bonner bas dırektor bolyp taǵaıyndaldy.

«Teńizshevroıl» JShS-niń bas dırektory Ted Etchıson Shevron korporatsııasyndaǵy 38 jyldyq eńbek ótilinen keıin zeınetke shyǵyp otyr. Ted Indonezııa, Nıgerııa, Qazaqstan jáne AQSh-tyń túrli bıznes bólimshelerinde jobalaý, óndiris, basqarý salalarynda ár alýan basshylyq qyzmetterdi atqardy.

Imer Belfasttaǵy Kvıns ýnıversıtetinde hımııa ınjeneri mamandyǵy boıynsha bakalavr dárejesin aldy. Keıin Londonnyń Imperııalyq kolledjinde ilgerilengen hımııa ónerkásibi jáne munaı óndirý tehnologııalary boıynsha eki magıstr dárejesin ıemdengen. Imer Bonner 2015 jyldan bastap osy ýaqytqa deıin TShO-nyń óndiris jónindegi bas menedjeri bolyp qyzmet atqardy. 2012-2013 jyldar aralyǵynda Almatydaǵy Shevron korporatsııasynyń Eýrazııa bólimshesiniń basqarýshy dırektorynyń orynbasary boldy. Imer Shevron korporatsııasymen Ulybrıtanııada, Amerıka Qurama Shtattarynda, Taılandta jáne Qazaqstanda jaýapkershilik júgi birtindep salmaqtana túsken tehnıkalyq jáne basqarý qyzmetterin atqardy.

Sondaı-aq, dál osy kúni «Mýzart» tobynyń ánshisi Sáken Maıǵazıev jańa qyzmetke taǵaıyndaldy.

Bul týraly T.Júrgenov atyndaǵy Qazaq Ulttyq óner akademııasynyń rektory Asqat Maemırov óziniń Instagramdaǵy paraqshasy arqyly jarııa etti.

5 jeltoqsan kúni QR Prezıdenti Ákimshiliginiń kelisimimen, oblys ákiminiń ókimine sáıkes, Mańǵystaý oblysy ákiminiń orynbasarlary bolyp Nurdaýlet Qılybaı jáne Órken Bısaqaev taǵaıyndaldy.

Nurdáýlet Igilikuly Qılybaı 1978 jyly Mańǵystaý oblysy Beıneý aýdanynda dúnıege kelgen, bilimi joǵary. 2018 jyly AQSh Boston qalasynda Stafford House halyqaralyq mektebinde bilim alǵan. «Tasymaldaýdy uıymdastyrý jónindegi ınjener», «qarjy jáne qarjy quqyǵy» mamandyqtary boıynsha bitirgen. Eńbek jolyn 1999 jyly Mańǵystaý tasymaldaý bólimshesi stansasynyń kezekshisi qyzmetinen bastaǵan. Keıin Astana stansasynda kirme joldary boıynsha júkterdi qabyldap-tapsyrýshy, «QTJ» UK» aktsıonerlik qoǵamynyń bas mamany, bólim bastyǵy, magıstraldy jeliler dırektsııasy basqarýshysynyń kómekshisi qyzmetterinde boldy.

Kelesi oblys basshysynyń orynbasary Órken Serikqalıuly Bısaqaev 1977 jyly Batys Qazaqstan oblysy, Qaztalov aýdanynda dúnıege kelgen, bilimi joǵary.

1999 jyly Qazaq ulttyq tehnıkalyq ýnıversıtetin (ınjener-ekonomıst), 2010 jyly Kaspıı memlekettik tehnologııalar jáne ınjınırıng ýnıversıtetin (quqyqtaný), 2015 jyly Almaty Menedjment ýnıversıtetin (iskerlik ákimshilik) mamandyǵy boıynsha támamdaǵan. Eńbek jolyn 1999 jyly Batys Qazaqstan oblysyndaǵy «Intergazstroı» AAQ-da ekonomıst bolyp bastady. KTK jobasy dırektorynyń orynbasary, Teńizshevroıl joba basqarmasynyń ınjener-jobalaýshysy, «Intergazstroı» joba - ekonomıkalyq bólimi bastyǵynyń orynbasary qyzmetterin atqardy.

Sonymen qatar, apta ishinde QTJ-da birqatar kadrlyq aýys-túıister boldy. Atap aıtqanda «Qazaqstan Temir joly» UK» AQ-nyń Basqarma tóraǵasy Saýat Myńbaevtyń 4 jeltoqsandaǵy buıryǵymen jańa orynbasarlar men dırektorlar taǵaıyndaldy.

Qanat Álmaǵambetov «QTJ» UK» AQ Basqarma tóraǵasynyń birinshi orynbasary, Serik Ábdenov Basqarma tóraǵasynyń korporatıvti máseleler jónindegi orynbasary, Daır Kósherov Basqarma tóraǵasynyń qarjy jónindegi orynbasary bolyp taǵaıyndaldy. Sondaı-aq Ardaq Muqyshev Quqyqtyq qamtamasyz etý jáne sot-aıyptaýlar jumysy departamentiniń dırektory, Baýyrjan Orynbasarov «QTJ» UK» AQ-nyń «Magıstraldy jeli dırektsııasy» fılıalynyń dırektory - ınfraqurylym jónindegi basqarýshy dırektory boldy.

Kúni keshe Baýyrjan Baıbek Qazaq kúresi federatsııasynyń qurmetti prezıdenti bolyp taǵaıyndaldy. Bul týraly «Qazaqstan barysy» qazaq kúresin damytý qorynyń qamqorshylyq keńesiniń tóraǵasy Arman Shoraev Feısbýktegi paraqshasynda málim etti.

Avtor Álı Ibraev
Basty sózder: Taǵaıyndaý,
Joǵary qaraı