Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Qazaqstandaǵy apta ishindegi jańa kadrlyq taǵaıyndaýlar

2019 jyldyń 19 mamyr 2019 10:09

NUR-SULTAN. QazAqparat - Ótip bara jatqan aptada birqatar taǵaıyndaýlar syrtqy ister jáne memlekettik kirister salasynda boldy. «QazAqparat» HAA apta ishindegi osy jáne ózge de taǵaıyndaýlar sholýyn oqyrman nazaryna usynady.

***

Osy aptada Memleket basshysy Qasym-Jomart Toqaevtyń Jarlyǵymen syrtqy ister organdarynda birqatar aýys-túıister boldy.

Sonymen, Erlan Saparuly Baıjanov Qazaqstan Respýblıkasynyń Vetnam Sotsıalıstik Respýblıkasyndaǵy Tótenshe jáne Ókiletti Elshisi qyzmetine;

Najmedın Muhametáli Qazaqstan Respýblıkasynyń Oman Sultandyǵyndaǵy Tótenshe jáne Ókiletti Elshisi qyzmetine;

Danııar Qabıdollauly Sarekenov Qazaqstan Respýblıkasynyń Indonezııa Respýblıkasyndaǵy Tótenshe jáne Ókiletti Elshisi qyzmetine;

Janna Sábıtqyzy Sartbaeva Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.

***

Memleket basshysynyń Ókimimen Tımýr Turaruly Dándibaev Qazaqstan Respýblıkasy Qorǵanys mınıstriniń orynbasary qyzmetine taǵaıyndaldy.

***

Bul apatada QR Qarjy mınıstrligi Memlekettik kirister komıteti júıesinde birqatar taǵaıyndaý boldy.

Isaqov Qulmuhanbet Myrzahmetuly Astana qalasy boıynsha Memlekettik kirister departamentiniń basshysy bolyp taǵaıyndaldy.

Q. Isaqov 1969 jyly týǵan, bilimi joǵary. Eńbek jolyn 1992 jyly salyq organdarynda bastady. Almaty qalasy boıynsha Salyq komıtetinde ár túrli laýazymdar atqarǵan. Almaty oblysy boıynsha Salyq departamenti basshysynyń orynbasary, Almaty oblysy boıynsha Memlekettik kirister departamentiniń basshysy. 2017 jyldan bastap qazirgi ýaqytqa deıin QR Qarjy mınıstrligi Memlekettik kirister komıtetiniń Jambyl oblysy boıynsha Memlekettik kirister departamentiniń basshysy boldy.

Budan bólek, Orqashbaev Qaırat Murzasalyquly Qaraǵandy oblysy boıynsha Memlekettik kirister departamentiniń basshysy bolyp qyzmetke kiristi.

Q. Orqashbaev 1974 jyly týǵan, bilimi joǵary. Eńbek jolyn 1998 jyly salyq organdarynda bastaǵan. Qostanaı oblysy boıynsha Salyq komıtetinde ártúrli laýazymdar atqarǵan. Qostanaı oblysy boıynsha Salyq departamenti basshysynyń orynbasary. 2014 jyldan bastap qazirgi ýaqytqa deıin QR Qarjy mınıstrligi Memlekettik kirister komıtetiniń Qaraǵandy oblysy boıynsha Memlekettik kirister departamenti basshysynyń orynbasary qyzmetin atqardy.

Sonymen qatar, Aınabekov Baýyrjan Qazbekuly Pavlodar oblysy boıynsha Memlekettik kirister departamenti basshysynyń mindetin atqarýshy bolyp taǵaıyndaldy.

B. Aınabekov 1971 jyly týǵan, joǵary bilimdi. Eńbek jolyn 1994 jyly salyq organdarynda bastaǵan. Almaty oblysy jáne Almaty qalasy boıynsha Salyq komıtetterinde ár túrli laýazymdarda qyzmet etken. Almaty oblysy boıynsha Salyq departamenti bastyǵynyń orynbasary, Shyǵys Qazaqstan oblysy boıynsha Memlekettik kirister departamentiniń basshysy. 2018 jyldan bastap qazirgi ýaqytqa deıin QR Qarjy mınıstrligi Memlekettik kirister komıtetiniń Astana qalasy boıynsha Memlekettik kirister departamentiniń basshysy boldy.

Shyńǵys Ánýarbekov Aqmola oblysy boıynsha Memlekettik kirister departamentiniń basshysy bolyp taǵaıyndaldy.

Sh. Álibekuly 1979 jyly týǵan. Joǵary bilimdi. Eńbek jolyn 1998 jyly salyq organdarynda bastaǵan. Almaty qalasy boıynsha Salyq komıtetinde ártúrli qyzmetterde istedi. Almaty qalasy boıynsha Salyq departamenti, Qostanaı oblysy boıynsha Memlekettik kirister departamentteri basshysynyń orynbasary, 2015 jyldan bastap búgingi kúnge deıin QR Qarjy mınıstrligi Memlekettik kirister komıtetiniń Kameraldyq baqylaý basqarmasynyń basshysy, odan keıin Qashyqtan monıtorıng júrgizý basqarmasynyń basshysy laýazymynda boldy.

Jolmuhambetov Qaırat Basǵarauly Atyraý oblysy boıynsha Memlekettik kirister departamentiniń basshysy bolyp taǵaıyndaldy.

Q. Basǵarauly, 1976 jyly týǵan. Joǵary bilimdi. Eńbek jolyn 1997 jyly salyq organdarynda bastaǵan. Qostanaı oblysy boıynsha Salyq komıtetinde ártúrli laýazymdar atqarǵan. Atyraý oblysy boıynsha Salyq departamenti basshysynyń orynbasary, Batys Qazaqstan oblysy, Soltústik Qazaqstan oblystary boıynsha Salyq departamentiniń basshysy. 2017 jyldan bastap qazirgi ýaqytqa deıin QR Qarjy mınıstrligi Memlekettik kirister komıtetiniń Salyq salý ádisnamasy departamentiniń dırektory.

Nýrmýldın Dýlat Nurahmetuly Túrkistan oblysy boıynsha Memlekettik kirister departamenti basshysynyń mindetin atqarýshy bolyp taǵaıyndaldy.

D. Nurahmetuly, 1967 jyly týǵan. Omby memlekettik aýyl sharýashylyǵy ınstıtýtyn, Máskeý zamanaýı gýmanıtarlyq ınstıtýtyn, Kokshetaý gýmanıtarlyq-ekonomıkalyq ýnıversıtetin bitirgen.

Salyq organdarynda 1992 jyldan bastap jumys istep keledi.

Soltústik Qazaqstan oblysy boıynsha salyq komıtetinde salyq ınspektorynan bastap, tóraǵa orynbasary, sosyn Ońtústik Qazaqstan oblysy boıynsha salyq departamentiniń basshysy, Aqmola oblysy boıynsha salyq departamentiniń basshysy laýazymdaryn atqardy.

2014 -2015 jyldar aralyǵynda Aqmola oblysynyń ákiminiń orynbasary, 2015 - 2019 jyldar aralyǵyndaAqmola oblystyq maslıhatynyń hatshysy qyzmetinde boldy.

Sársembaev Tólegen Qapsalyquly Almaty oblysy boıynsha Memlekettik kirister departamenti basshysynyń mindetin atqarýshy bolyp taǵaıyndaldy.

T. Qapsalyquly 1968 jyly týǵan. Almaty halyq sharýashylyǵy ınstıtýtyn, ıAssaýı atyndaǵy Qazaq-Túrik ýnıversıtetin bitirgen.

Qarjy salasynda eńbek jolyn 1993 jyly bastady. Almaty qalasy, Almaty oblysy boıynsha memlekettik qarjy baqylaý basqarmalarynda, sosyn Almaty qalasy Túrksib, Bostandyq aýdandary boıynsha komıtetinde jumys atqardy. Qyzylorda, Jambyl, Shyǵys Qazaqstan, Pavlodar oblystary boıynsha salyq departamentteriniń basshysy, 2017 jyldan 2018 jylǵa deıin Ońtústik Qazaqstan oblysy ákiminiń orynbasary, 2018 jyldan 2019 jylǵa deıin Túrkistan oblysy ákiminiń orynbasary laýazymdaryn atqardy.

***

Elorda ákiminiń ókimimen Nurlan Ýranhaev sáýlet, qala qurylysy jáne jer qatynastary basqarmasynyń basshysy bolyp taǵaıyndady.

N. Telmanuly 1965 jyldyń 4 mamyrynda týǵan. Bilimi - joǵary. «Injener-mehanık», «ekonomıst-menedjer», «ınjener-qurylysshysy» mamandyǵy boıynsha bilim alǵan. Eńbek jolyn 1987 jyly slesar-montajshy bolyp bastady. Budan keıingi jyldarda ol Semeıdegi «Kazpromtehmontaj» tresinde master bolyp jumys istedi. 1995 jyldan 1997 jylǵa deıin - Semeı qalasyndaǵy «Sary-Arqa» AÓK basqardy.

2003 jyldan 2005 jylǵa deıin Shyǵys Qazaqstan oblysynyń energetıka, turǵyn úı-kommýnaldyq sharýashylyq, qurylys jáne kólik barqarmasynyń basshysy. 2005 - 2006 jyldary Shyǵys Qazaqstan oblysy kúrdeli qurylys basqarmasynyń bastyǵy. 2006 - 2007 jyldary Shyǵys Qazaqstan oblysy ákiminiń orynbasary.

2007 jyly - Astana qalasynyń TJM memlekettik materıaldyq rezervi komıtetiniń tóraǵasy. 2008 jyly QR Prezıdentiniń ákimshilik ınspektory. 2009 - 2010 jyldary «Ertis» ÁKK-niń basqarma basshysynyń orynbasary. 2010 - 2013 jyldary Qyzylorda oblysy ákiminiń orynbasary. 2013-2014 jyldary Semeı qalasy gýmanıtarlyq zań ýnıversıteti prezıdentiniń keńesshisi. 2014 jyly Tutynýshylardyń quqyqtaryn qorǵaý agenttigi tóraǵasynyń orynbasary. 2015-2017 jyldary Ulttyq ekonomıka mınıstrliginiń ««QazQSǴZJI» AQ bas dırektory. 2017 -2018 jyldaryAlmaty qalasy sáýlet jáne qala qurylysy basqarmasynyń basshysy. 2018 jyly QR Ulttyq ekonomıka mınıstrligi Qurylys jáne turǵyn úı-kommýnaldyq sharýashylyq isteri jónindegi komıteti «QazQSǴZJI» AQ-nyń bas dırektorynyń keńesshisi.

***

Osy aptada Aqtóbe oblysynda eki basqarmanyń jańa basshylary tanystyryldy. Atap aıtqanda, aımaqtyq Indýstrııalyq- ınnovatsııalyq damý basqarmasynyń basshysy bolyp Darhan Ermaǵanbetov, Kásipkerlik basqarmasynyń basshysy laýazymyna Erlan Nazarov taǵaıyndaldy.

Ermaǵanbetov Darhan Janyshanuly 1986 jyly týǵan. Q.Jubanov atyndaǵy Aqtóbe memlekettik ýnıversıtetin «Memlekettik jáne jergilikti basqarý» mamandyǵy boıynsha bitirgen. 2012 jyly Batys Qazaqstan ınjenerlik-gýmanıtarlyq ýnıversıtetinde ekonomıka magıstri dárejesin aldy.

2008 jyldan bastap memlekettik qyzmet salasyna kelip, bilim jáne kásipkerlik basqarmalarynda túrli qyzmetter atqardy. 2014 jyldyń qyrkúıek aıynan bastap, qazirgi ýaqytqa deıin Indýstrııalyq-ınnovatsııalyq damý basqarmasy basshysynyń orynbasary qyzmetin atqardy.

Nazarov Erlan Asylbekuly 1983 jyly týǵan. Qorqyt ata atyndaǵy Qyzylorda memlekettik ýnıversıtetin, QR Prezıdenti janyndaǵy Memlekettik basqarý akademııasyn, Memlekettik saıasattyń ulttyq mektebin, Dıýka ýnıversıtetin (AQSh) bitirgen.

Eńbek jolyn 2004 jyly Qyzylorda oblystyq Statıstıka basqarmasynda maman bolyp bastady. Keıin Qyzylorda, Soltústik Qazaqstan, Aqtóbe oblystarynda memlekettik qyzmet salasynda túrli laýazymdarda jumys istedi. 2017 jyldyń qańtar aıynan 2019 jyldyń aqpanyna deıin Aqtóbe oblystyq Indýstrıalyq-ınnovatsııalyq damý basqarmasynyń basshysy qyzmetin atqardy.

***

Tımýr Qulybaev HOK komıssııasynyń múshesi bolyp taǵaıyndaldy. Bul týraly QazAqparat QR UOK silteme jasap habarlaıdy.

Halyqaralyq Olımpıada komıtetiniń basshysy, doktor Tomas Bah Qazaqstan UOK prezıdenti Tımýr Qulybaevqa hat joldap, ony qoǵammen baılanys jáne sport arqyly áleýmettik damý jónindegi (Public Affairs and Social Development through Sport Commission, PASD) HOK Komıssııasynyń múshesi atanýymen quttyqtady.

Atalǵan komıssııa buǵan deıin halyqaralyq qatynastar jónindegi Komıssııa dep atalatyn. PASD negizgi mindetteri qataryna HOK sessııalaryn ótkizý, uıymnyń atqarýshy komıteti men HOK prezıdentine álemdegi Sport pen Olımpızm rólin damytý strategııalaryn túsindirý, Olımpıadalyq qozǵalysty damytý, BUU jáne Olımpıadalyq oıyndardan bólek ózge de uıymdarmen baılanys ornatý jóninde keńes berý jatady.

Aıta ketý kerek, Qazaqstan UOK prezıdenti alǵash ret 2017 jyldyń sáýir aıynda atalǵan Komıssııa qataryna engen. 2018 jyldyń tamyzynda HOK basshysy PASD quramyn qaıta qarap, T. Qulybaevty qaıtadan taǵaıyndady. 2019 jyly álemdegi genderlik jáne qurlyqtyq teńdikti saqtaý maqsatynda Tomas Bah jetekshi mamandarmen birge komıssııa quramyn qaıta qarady. Búginde PASD quramynda 10 áıel adam jáne 18 er adam bar.

***

QR Ulttyq banki tóraǵasynyń orynbasary Esjan Birtanov KASE dırektorlar keńesiniń tóraǵasy bolyp saılandy.

Mundaı sheshimdi Qazaqstan qor bırjasynyń (KASE) dırektorlar keńesi qabyldady.

Sondaı-aq, KASE dırektorlar keńesiniń tóraǵasy bolmaǵan jaǵdaıda, onyń mindetin atqarýshy retinde dırektorlar keńesiniń múshesi - «Biryńǵaı jınaqtaýshy zeınetaqy qory» AQ táýelsiz dırektory, «Qazaqstan qarjygerler qaýymdastyǵy» ZTB keńesiniń múshesi Qadyrjan Damıtov taǵaıyndaldy.

Aıta keteıik, bıylǵy jyldyń 28 naýryzynda Memleket basshysynyń jarlyǵymen Esjan Birtanov Qazaqstan Respýblıkasy Ulttyq banki tóraǵasynyń orynbasary bolyp taǵaıyndalǵan bolatyn.

***

Tájııaqov Ǵalymjan Bısenǵalıuly 2019 jyldyń 15 mamyrynan bastap «Qazaqstan Ulttyq Bankiniń Ulttyq ınvestıtsııalyq korporatsııasy» AQ-nyń Basqarma tóraǵasy jáne Dırektorlar keńesiniń múshesi bolyp saılandy.

Ǵ. Tájııaqov saılaýǵa deıin «Báıterek» holdıngi basqarmasy tóraǵasynyń orynbasary qyzmetinde boldy. Onda aktıvterdi basqarý, korporatıvtik qarjy, strategııa men korporatıvtik damý, taldaý jáne zertteý máselelerimen aınalysty. Ǵalymjan Tájııaqovtyń bank jáne korporatıvtik basqarý salasynda 15 jyldan astam basqarýshylyq tájirıbesi bar, sonyń ishinde «Sıtıbank Qazaqstan» AQ, «HSBC Bank Kazaqstan» AQ, «ABN AMRO Bank Qazaqstan» AQ-da ártúrli basshylyq qyzmetterdi atqardy.

Qazaq ulttyq basqarý akademııasyn, Darem Ýnıversıtetiniń bıznes-mektebin (Ulybrıtanııa) bitirgen.

Avtor Rýslan Ǵabbasov
Basty sózder: Taǵaıyndaý,
Joǵary qaraı