Awa rayı
Nur-Sultan 0 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

Qazaqstandağı apta іşіndegі jaña kadrlıq tağayındawlar

2019 jıldıñ 19 mamır 2019 10:09 3165

NUR-SULTAN. QazAqparat - Ötіp bara jatqan aptada bіrqatar tağayındawlar sırtqı іster jäne memlekettіk kіrіster salasında boldı. «QazAqparat» XAA apta іşіndegі osı jäne özge de tağayındawlar şolwın oqırman nazarına usınadı.

***

Osı aptada Memleket basşısı Qasım-Jomart Toqaevtıñ Jarlığımen sırtqı іster organdarında bіrqatar awıs-tüyіster boldı.

Sonımen, Erlan Saparulı Bayjanov Qazaqstan Respwblïkasınıñ Vetnam Socïalïstіk Respwblïkasındağı Tötenşe jäne Ökіlettі Elşіsі qızmetіne;

Najmedïn Muxametälі Qazaqstan Respwblïkasınıñ Oman Sultandığındağı Tötenşe jäne Ökіlettі Elşіsі qızmetіne;

Danïyar Qabïdollaulı Sarekenov Qazaqstan Respwblïkasınıñ Ïndonezïya Respwblïkasındağı Tötenşe jäne Ökіlettі Elşіsі qızmetіne;

Janna Säbïtqızı Sartbaeva Qazaqstan Respwblïkasınıñ Fïnlyandïya Respwblïkasındağı Tötenşe jäne Ökіlettі Elşіsі qızmetіne tağayındaldı.

***

Memleket basşısınıñ Ökіmіmen Tïmwr Turarulı Dändіbaev Qazaqstan Respwblïkası Qorğanıs mïnïstrіnіñ orınbasarı qızmetіne tağayındaldı.

***

Bul apatada QR Qarjı mïnïstrlіgі Memlekettіk kіrіster komïtetі jüyesіnde bіrqatar tağayındaw boldı.

Ïsaqov Qulmuxanbet Mırzaxmetulı Astana qalası boyınşa Memlekettіk kіrіster departamentіnіñ basşısı bolıp tağayındaldı.

Q. Ïsaqov 1969 jılı twğan, bіlіmі joğarı. Eñbek jolın 1992 jılı salıq organdarında bastadı. Almatı qalası boyınşa Salıq komïtetіnde är türlі lawazımdar atqarğan. Almatı oblısı boyınşa Salıq departamentі basşısınıñ orınbasarı, Almatı oblısı boyınşa Memlekettіk kіrіster departamentіnіñ basşısı. 2017 jıldan bastap qazіrgі waqıtqa deyіn QR Qarjı mïnïstrlіgі Memlekettіk kіrіster komïtetіnіñ Jambıl oblısı boyınşa Memlekettіk kіrіster departamentіnіñ basşısı boldı.

Budan bölek, Orqaşbaev Qayrat Murzasalıqulı Qarağandı oblısı boyınşa Memlekettіk kіrіster departamentіnіñ basşısı bolıp qızmetke kіrіstі.

Q. Orqaşbaev 1974 jılı twğan, bіlіmі  joğarı. Eñbek jolın 1998 jılı salıq organdarında bastağan. Qostanay oblısı boyınşa Salıq komïtetіnde ärtürlі lawazımdar atqarğan. Qostanay oblısı boyınşa Salıq departamentі basşısınıñ orınbasarı. 2014 jıldan bastap qazіrgі waqıtqa deyіn QR Qarjı mïnïstrlіgі Memlekettіk kіrіster komïtetіnіñ Qarağandı oblısı boyınşa Memlekettіk kіrіster departamentі basşısınıñ orınbasarı qızmetіn atqardı.

Sonımen qatar, Aynabekov Bawırjan Qazbekulı Pavlodar oblısı boyınşa Memlekettіk kіrіster departamentі basşısınıñ mіndetіn atqarwşı bolıp tağayındaldı.

B. Aynabekov 1971 jılı twğan, joğarı bіlіmdі. Eñbek jolın 1994 jılı salıq organdarında bastağan. Almatı oblısı jäne Almatı qalası boyınşa Salıq komïtetterіnde är türlі lawazımdarda qızmet etken. Almatı oblısı boyınşa Salıq departamentі bastığınıñ orınbasarı, Şığıs Qazaqstan oblısı boyınşa Memlekettіk kіrіster departamentіnіñ basşısı. 2018 jıldan bastap qazіrgі waqıtqa deyіn QR Qarjı mïnïstrlіgі Memlekettіk kіrіster komïtetіnіñ Astana qalası boyınşa Memlekettіk kіrіster departamentіnіñ basşısı boldı.

Şıñğıs Änwarbekov Aqmola oblısı boyınşa Memlekettіk kіrіster departamentіnіñ basşısı bolıp tağayındaldı.

Ş. Älіbekulı 1979 jılı twğan. Joğarı bіlіmdі. Eñbek jolın 1998 jılı salıq organdarında bastağan. Almatı qalası boyınşa Salıq komïtetіnde ärtürlі qızmetterde іstedі. Almatı qalası boyınşa Salıq departamentі, Qostanay oblısı boyınşa Memlekettіk kіrіster departamentterі basşısınıñ orınbasarı, 2015 jıldan bastap bügіngі künge deyіn QR Qarjı mïnïstrlіgі Memlekettіk kіrіster komïtetіnіñ Kameraldıq baqılaw basqarmasınıñ basşısı, odan keyіn Qaşıqtan monïtorïng jürgіzw basqarmasınıñ basşısı lawazımında boldı.

Jolmuxambetov Qayrat Basğaraulı Atıraw oblısı boyınşa Memlekettіk kіrіster departamentіnіñ basşısı bolıp tağayındaldı.

Q. Basğaraulı, 1976 jılı twğan. Joğarı bіlіmdі. Eñbek jolın 1997 jılı salıq organdarında bastağan. Qostanay oblısı boyınşa Salıq komïtetіnde ärtürlі lawazımdar atqarğan. Atıraw oblısı boyınşa Salıq departamentі basşısınıñ orınbasarı, Batıs Qazaqstan oblısı, Soltüstіk Qazaqstan oblıstarı boyınşa Salıq departamentіnіñ basşısı. 2017 jıldan bastap qazіrgі waqıtqa deyіn QR Qarjı mïnïstrlіgі Memlekettіk kіrіster komïtetіnіñ Salıq salw ädіsnaması departamentіnіñ dïrektorı.

Nwrmwldïn Dwlat Nuraxmetulı Türkіstan oblısı boyınşa Memlekettіk kіrіster departamentі basşısınıñ mіndetіn atqarwşı bolıp tağayındaldı.

D. Nuraxmetulı, 1967 jılı twğan. Ombı memlekettіk awıl şarwaşılığı ïnstïtwtın, Mäskew zamanawï gwmanïtarlıq ïnstïtwtın, Kokşetaw gwmanïtarlıq-ekonomïkalıq wnïversïtetіn bіtіrgen.

Salıq organdarında 1992 jıldan bastap jumıs іstep keledі.

Soltüstіk Qazaqstan oblısı boyınşa salıq komïtetіnde salıq ïnspektorınan bastap, törağa orınbasarı, sosın Oñtüstіk Qazaqstan oblısı boyınşa salıq departamentіnіñ basşısı, Aqmola oblısı boyınşa salıq departamentіnіñ basşısı lawazımdarın atqardı.

2014 -2015 jıldar aralığında Aqmola oblısınıñ äkіmіnіñ orınbasarı, 2015 - 2019 jıldar aralığındaAqmola oblıstıq maslïxatınıñ xatşısı qızmetіnde boldı.

Särsembaev Tölegen Qapsalıqulı Almatı oblısı boyınşa Memlekettіk kіrіster departamentі basşısınıñ mіndetіn atqarwşı bolıp tağayındaldı.

T. Qapsalıqulı 1968 jılı twğan. Almatı xalıq şarwaşılığı ïnstïtwtın, Yassawï atındağı Qazaq-Türіk wnïversïtetіn bіtіrgen.

Qarjı salasında eñbek jolın 1993 jılı bastadı. Almatı qalası, Almatı oblısı boyınşa memlekettіk qarjı baqılaw basqarmalarında, sosın Almatı qalası Türksіb, Bostandıq awdandarı boyınşa komïtetіnde jumıs atqardı. Qızılorda, Jambıl, Şığıs Qazaqstan, Pavlodar oblıstarı boyınşa salıq departamentterіnіñ basşısı, 2017 jıldan 2018 jılğa deyіn Oñtüstіk Qazaqstan oblısı äkіmіnіñ orınbasarı, 2018 jıldan 2019 jılğa deyіn Türkіstan oblısı äkіmіnіñ orınbasarı lawazımdarın atqardı.

***

Elorda äkіmіnіñ ökіmіmen Nurlan Wranxaev säwlet, qala qurılısı jäne jer qatınastarı basqarmasınıñ basşısı bolıp tağayındadı.

N. Telmanulı 1965 jıldıñ 4 mamırında twğan. Bіlіmі - joğarı. «Ïnjener-mexanïk», «ekonomïst-menedjer», «ïnjener-qurılısşısı» mamandığı boyınşa bіlіm alğan.   Eñbek jolın 1987 jılı slesar-montajşı bolıp bastadı. Budan keyіngі jıldarda ol Semeydegі «Kazpromtexmontaj» tresіnde master bolıp jumıs іstedі. 1995 jıldan 1997 jılğa deyіn - Semey qalasındağı «Sarı-Arqa» AÖK basqardı.

2003 jıldan 2005 jılğa deyіn  Şığıs Qazaqstan oblısınıñ energetïka, turğın üy-kommwnaldıq şarwaşılıq, qurılıs jäne kölіk barqarmasınıñ basşısı. 2005 - 2006 jıldarı  Şığıs Qazaqstan oblısı kürdelі qurılıs basqarmasınıñ bastığı. 2006 - 2007 jıldarı  Şığıs Qazaqstan oblısı äkіmіnіñ orınbasarı.

2007 jılı - Astana qalasınıñ TJM memlekettіk materïaldıq rezervі komïtetіnіñ törağası. 2008 jılı  QR Prezïdentіnіñ äkіmşіlіk ïnspektorı. 2009 - 2010 jıldarı «Ertіs» ÄKK-nіñ basqarma basşısınıñ orınbasarı. 2010 - 2013 jıldarı Qızılorda oblısı äkіmіnіñ orınbasarı. 2013-2014 jıldarı Semey qalası gwmanïtarlıq zañ wnïversïtetі prezïdentіnіñ keñesşіsі. 2014 jılı  Tutınwşılardıñ quqıqtarın qorğaw agenttіgі törağasınıñ orınbasarı. 2015-2017 jıldarı Ulttıq ekonomïka mïnïstrlіgіnіñ ««QazQSĞZJÏ» AQ bas dïrektorı. 2017 -2018 jıldarıAlmatı qalası säwlet jäne qala qurılısı basqarmasınıñ basşısı. 2018 jılı QR Ulttıq ekonomïka mïnïstrlіgі Qurılıs jäne turğın üy-kommwnaldıq şarwaşılıq іsterі jönіndegі komïtetі «QazQSĞZJÏ» AQ-nıñ bas dïrektorınıñ keñesşіsі.

***

Osı aptada Aqtöbe oblısında  ekі basqarmanıñ jaña basşıları tanıstırıldı. Atap aytqanda, aymaqtıq Ïndwstrïyalıq- ïnnovacïyalıq damw basqarmasınıñ basşısı bolıp Darxan Ermağanbetov, Käsіpkerlіk basqarmasınıñ basşısı lawazımına Erlan Nazarov tağayındaldı.

Ermağanbetov Darxan Janısxanulı 1986 jılı twğan. Q.Jubanov atındağı Aqtöbe memlekettіk wnïversïtetіn «Memlekettіk jäne jergіlіktі basqarw» mamandığı boyınşa bіtіrgen. 2012 jılı Batıs Qazaqstan ïnjenerlіk-gwmanïtarlıq wnïversïtetіnde ekonomïka magïstrі därejesіn aldı.

2008 jıldan bastap memlekettіk qızmet salasına kelіp, bіlіm jäne käsіpkerlіk basqarmalarında türlі qızmetter atqardı. 2014 jıldıñ qırküyek ayınan bastap, qazіrgі waqıtqa deyіn Ïndwstrïyalıq-ïnnovacïyalıq damw basqarması basşısınıñ orınbasarı qızmetіn atqardı.

Nazarov Erlan Asılbekulı 1983 jılı twğan. Qorqıt ata atındağı Qızılorda memlekettіk wnïversïtetіn, QR Prezïdentі janındağı Memlekettіk basqarw akademïyasın, Memlekettіk sayasattıñ ulttıq mektebіn, Dyuka wnïversïtetіn (AQŞ) bіtіrgen.

Eñbek jolın 2004 jılı Qızılorda oblıstıq Statïstïka basqarmasında maman bolıp bastadı. Keyіn Qızılorda, Soltüstіk Qazaqstan, Aqtöbe oblıstarında memlekettіk qızmet salasında türlі lawazımdarda jumıs іstedі. 2017 jıldıñ qañtar ayınan 2019 jıldıñ aqpanına deyіn Aqtöbe oblıstıq Ïndwstrïalıq-ïnnovacïyalıq damw basqarmasınıñ basşısı qızmetіn atqardı.

***

Tïmwr Qulıbaev XOK komïssïyasınıñ müşesі bolıp tağayındaldı. Bul twralı QazAqparat QR UOK sіlteme jasap xabarlaydı.

Xalıqaralıq Olïmpïada komïtetіnіñ basşısı, doktor Tomas Bax Qazaqstan UOK prezïdentі Tïmwr Qulıbaevqa xat joldap, onı qoğammen baylanıs jäne sport arqılı älewmettіk damw jönіndegі (Public Affairs and Social Development through Sport Commission, PASD) XOK Komïssïyasınıñ müşesі atanwımen quttıqtadı.

Atalğan komïssïya buğan deyіn xalıqaralıq qatınastar jönіndegі Komïssïya dep atalatın. PASD negіzgі mіndetterі qatarına XOK sessïyaların ötkіzw, uyımnıñ atqarwşı komïtetі men XOK prezïdentіne älemdegі Sport pen Olïmpïzm rölіn damıtw strategïyaların tüsіndіrw, Olïmpïadalıq qozğalıstı damıtw, BUU jäne Olïmpïadalıq oyındardan bölek özge de uyımdarmen baylanıs ornatw jönіnde keñes berw jatadı.

Ayta ketw kerek, Qazaqstan UOK prezïdentі alğaş ret 2017 jıldıñ säwіr ayında atalğan Komïssïya qatarına engen. 2018 jıldıñ tamızında XOK basşısı PASD  quramın qayta qarap, T. Qulıbaevtı qaytadan tağayındadı. 2019 jılı älemdegі genderlіk jäne qurlıqtıq teñdіktі saqtaw maqsatında Tomas Bax jetekşі mamandarmen bіrge komïssïya quramın qayta qaradı. Bügіnde PASD quramında 10 äyel adam jäne 18 er adam bar.

***

QR Ulttıq bankі törağasınıñ orınbasarı Esjan Bіrtanov KASE dïrektorlar keñesіnіñ törağası bolıp saylandı.

Munday şeşіmdі Qazaqstan qor bïrjasınıñ (KASE) dïrektorlar keñesі qabıldadı.

Sonday-aq, KASE dïrektorlar keñesіnіñ törağası bolmağan jağdayda, onıñ mіndetіn atqarwşı retіnde dïrektorlar keñesіnіñ müşesі - «Bіrıñğay jïnaqtawşı zeynetaqı qorı» AQ täwelsіz dïrektorı, «Qazaqstan qarjıgerler qawımdastığı» ZTB keñesіnіñ müşesі Qadırjan Damïtov tağayındaldı.

Ayta keteyіk, bïılğı jıldıñ 28 nawrızında Memleket basşısınıñ jarlığımen Esjan Bіrtanov Qazaqstan Respwblïkası Ulttıq bankі törağasınıñ orınbasarı bolıp tağayındalğan bolatın.

***

Täjïyaqov Ğalımjan Bïsenğalïulı 2019 jıldıñ 15 mamırınan bastap «Qazaqstan Ulttıq Bankіnіñ Ulttıq ïnvestïcïyalıq korporacïyası» AQ-nıñ Basqarma törağası jäne Dïrektorlar keñesіnіñ müşesі bolıp saylandı.

Ğ. Täjïyaqov saylawğa deyіn «Bäyterek» xoldïngі basqarması törağasınıñ orınbasarı qızmetіnde boldı. Onda aktïvterdі basqarw, korporatïvtіk qarjı, strategïya men korporatïvtіk damw, taldaw jäne zerttew mäselelerіmen aynalıstı. Ğalımjan Täjïyaqovtıñ bank jäne korporatïvtіk basqarw salasında 15 jıldan astam basqarwşılıq täjіrïbesі bar, sonıñ іşіnde «Sïtïbank Qazaqstan» AQ, «HSBC Bank Kazaqstan» AQ, «ABN AMRO Bank Qazaqstan» AQ-da ärtürlі basşılıq qızmetterdі atqardı.

Qazaq ulttıq basqarw akademïyasın, Darem Wnïversïtetіnіñ bïznes-mektebіn (Ulıbrïtanïya) bіtіrgen.

 

 

 

 

Avtor: Rwslan Ğabbasov
Bastı sözder: Tağayındaw,
Joğarı qaray