Aýa raıy
Astana 18 °S
Almaty 34 °S
valıýta baǵamy
USD 384.52
EUR 431.32
RUB 6.10
CNY 55.89

Qazaqstanda jańadan eki mınıstrlik quryldy

2019 jyldyń 17 maýsym 2019 16:49 3145

NUR-SULTAN. QazAqparat - Qazaqstan Respýblıkasynyń memlekettik basqarý júıesin odan ári jetildirý maqsatynda Prezıdent Qasym-Jomart Toqaevtyń Jarlyǵymen jańadan eki mınıstrlik quryldy. Bul týraly Aqordanyń resmı saıtynda habarlandy.

QazAqparat Jarlyqtyń tolyq mátinin taratady.

* * *

Qazaqstan  Respýblıkasy  Konstıtýtsııasynyń 44-babynyń 3) tarmaqshasyna sáıkes memlekettik  basqarý júıesin jańǵyrtý jáne  tıimdiligin arttyrý maqsatynda QAÝLY ETEMІN:

1. Mynalar:

1) Qazaqstan Respýblıkasynyń Saýda jáne ıntegratsııa mınıstrligi:

Qazaqstan Respýblıkasy Ulttyq ekonomıka mınıstrliginiń ishki jáne syrtqy saýda saıasatyn qalyptastyrý jáne iske asyrý, halyqaralyq ekonomıkalyq ıntegratsııa, tutynýshylardyń quqyqtaryn qorǵaý salasyndaǵy;

Qazaqstan Respýblıkasy Indýstrııa jáne ınfraqurylymdyq damý mınıstrliginiń tehnıkalyq retteý, standarttaý jáne ólshem birligin qamtamasyz etý salasyndaǵy;

Qazaqstan Respýblıkasy Syrtqy ister mınıstrliginiń eksportty ilgeriletý salasyndaǵy qyzmetti úılestirý jónindegi fýnktsııalary men ókilettikteri berile otyryp;

2) Qazaqstan Respýblıkasynyń Ekologııa, geologııa jáne tabıǵı resýrstar mınıstrligi:

Qazaqstan Respýblıkasy Energetıka mınıstrliginiń qorshaǵan ortany qorǵaýdyń, turmystyq qatty qaldyqtarmen jumys isteýdiń memlekettik saıasatyn qalyptastyrý jáne iske asyrý, tabıǵı resýrstardy qorǵaý, olardy utymdy paıdalanýdy baqylaý jáne qadaǵalaý salasyndaǵy;

Qazaqstan Respýblıkasy Aýyl sharýashylyǵy mınıstrliginiń sý qoryn paıdalaný jáne qorǵaý, sýmen jabdyqtaý, sý burý, orman sharýashylyǵy salasyndaǵy;

Qazaqstan Respýblıkasy Indýstrııa jáne ınfraqurylymdyq damý mınıstrliginiń memlekettik geologııalyq zertteý, mıneraldyq-shıkizat bazasyn molaıtý salasyndaǵy fýnktsııalary men ókilettikteri berile otyryp qurylsyn.

2. Qazaqstan Respýblıkasynyń Úkimeti:

1) Qazaqstan Respýblıkasy  Prezıdentiniń Ákimshiligimen kelisim boıynsha memlekettik organdardyń jáne olarǵa vedomstvolyq baǵynysty uıymdardyń shtat sanyn qaıta bólýdi;

2) osy Jarlyqty iske asyrý boıynsha ózge de sharalar qabyldaýdy qamtamasyz etsin.

3. Qazaqstan Respýblıkasynyń Saýda jáne ıntegratsııa mınıstrligi men Qazaqstan Respýblıkasy Ekologııa, geologııa jáne tabıǵı resýrstar mınıstrligi Ulttyq ekonomıka, Syrtqy ister, Energetıka, Aýyl sharýashylyǵy, Indýstrııa jáne ınfraqurylymdyq damý mınıstrlikteriniń beriletin fýnktsııalary men ókilettikteri sheginde quqyqtary men mindettemeleriniń quqyq mırasqory bolyp aıqyndalsyn. 

4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı tolyqtyrýlar engizilsin:

1-tarmaq mynadaı mazmundaǵy joldarmen tolyqtyrylsyn:

«Qazaqstan Respýblıkasynyń Saýda jáne ıntegratsııa mınıstrligi;

Qazaqstan Respýblıkasynyń Ekologııa, geologııa jáne tabıǵı resýrstar mınıstrligi».

5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

6. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

           Prezıdenti                                                                                                      Q.Toqaev

 

 

Nur-Sultan, Aqorda, 2019 jylǵy  17  maýsym

                             № 17

 

 

Joǵary qaraı