Aýa raıy
Astana 13 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Notice: Undefined offset: 1 in /home/admin/web/lenta.inform.kz/public_html/application/views/Lenta/article.php on line 13

Qazaqstanda zańsyz aınalymnan 3 myńnan astam qarý alyndy

2019 jyldyń 15 shilde 2019 04:21 191

NUR-SULTAN. QazAqparat - Atys qarýyn paıdalaný arqyly jasalatyn qylmystardy azaıtý maqsatynda polıtsııa qyzmetkerleri qarý, oq-dárilerdi zańsyz aınalymnan alý boıynsha is-sharalardy júrgizýde, dep habarlaıdy QR ІІM baspasóz qyzmeti.

Jalpy, Qazaqstan boıynsha 84 maqsatty jedel-profılaktıkalyq is-shara (41 «QARÝ» JPІSh jáne 45 «Quqyqtyq tártip» JPІSh) ótkizildi, onyń barysynda zańsyz aınalymnan 3277 birlik qarý tárkilendi.

Onyń ishinde aǵymdaǵy jyldyń sáýir aıynan beri júrgizilip jatqan qarýdy qaıtarýsyz tapsyrý aktsııalary sheńberinde azamattardan 1973 birlik atys qarýy satyp alyndy.

Jyl basynan beri atys qarýynyń zańsyz aınalymymen baılanysty qylmystar boıynsha 844 qylmystyq is qozǵaldy.

Krımınaldyq polıtsııa bólinisteri arnaıy is-sharalar júrgizý kezinde
53 birlik qysqa uńǵyly atys qarýyn, avtomat, 12 oıyq karabın, 157 tegis uńǵyly qarý, 60 sholaq myltyq, sondaı-aq oq-dáriler aldy.

Máselen, naýryzda Polıtsııa departamentteri men Ulttyq qaýipsizdik komıteti qyzmetkerleri Shyǵys Qazaqstan oblysynda sot sarapshysyn ustady, ony tintý barysynda 18 jarylǵysh qural, «TOZ» vıntovkasy, 3 myńnan artyq patron, 3 sholaq myltyq, 3 tapansha, sondaı-aq jarylǵysh qondyrǵylar men atys qarýynyń 232 bólshegi alyndy.

Jasyryn proksı serverlerdi ınternet jelisinde, sondaı-aq krıptovalıýtany jáne «Kiwi» ámııandy paıdalanýmen qarý men oq-dárilerdi satýdy monıtorıngileý kezinde polıtsııa qyzmetkerleri qarý men oq-dáriler satatyn 34 sheteldik ınternet-resýrsty anyqtady, olardyń jartysy bloktaldy, basqalary boıynsha jumys jalǵasýda.

Atalǵan resýrstardyń basym bóligi «Vkontakte» áleýmettik jelisinde jáne habarlandyrýlar saıtynda, jartysy jabyq jelilerde anyqtaldy. Bul baǵytta jumys jalǵasýda.

Basty sózder: QR ІІM, Qylmyspen kúres,
Joǵary qaraı