Aýa raıy
Astana 11 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstanda terrorızm úshin sottalǵandardy ońaltýǵa birneshe mıllıon dollar bólinedi

2019 jyldyń 26 naýryz 2019 13:13

Nur-Sultan. QazAqparat - QR Іshki ister mınıstrligi men BUU-nyń arnaıy basqarmasy qylmystyq atqarý júıesine qarasty mekemelerde ekstremızmge qarsy kúres jónindegi jospardy rásimdedi, dep xabarlaıdy QazAqparat tilshisi.

Atalǵan jospar ekstremızm men terrorızm úshin sottalǵandarmen jumysty uıymdastyrý jáne olardyń arasynda radıkalızatsııanyń aldyn alý týraly birlesken jahandyq baǵdarlamasy aıasynda ázirlendi. Baǵdarlamanyń jalpy bıýdjeti - 9,1 mıllıon AQSh dollary. Ony Eýropalyq odaq (4,7 mln), Nıderlandy Koroldigi (1,4 mln) jáne BUU Terrorızmge qarsy basqarmasy (3 mln) usynyp otyr. Baǵdarlama benefıtsıarlary - Qazaqstan, Týnıs jáne Ýganda, ıaǵnı osy úsh memlekette birlesken jospardy iske asyrý josparlanǵan.

QR ІІM Qylmystyq atqarý júıesi komıtetiniń tóraǵasy Azamat Bazylbekovtiń aıtýynsha, baǵdarlamany BUU Esirtki jáne qylmys jónindegi basqarmasymen birlese ázirlendi. Sonyń negizinde qylmystyq atqarý júıesiniń qyzmetkerleri arnaıy daıyndyqtan ótedi.

"Osy baǵdarlamanyń arqasynda biz óz mamandarymyzdyń kásibı biliktiligin arttyra alamyz degen senim bar. Sebebi dál osy qyzmetkerler ekstremızm men terrorızm úshin sottalǵandarmen jumys isteıdi, ondaı azamattardyń qoǵam ómirine aralasyp ketýine kómektesip otyrady. Árıne, sheteldik tájirıbeniń mańyzy zor. Óıtkeni baǵdarlamaǵa xalyqaralyq sarapshylar da qatysady. Osynyń bári jaqsy nátıje beredi dep senemiz", - dedi A.Bazylbekov jýrnalısterge bergen suxbatynda.

Onyń sózine qaraǵanda, búginde Qazsqtanda 500-den astam adam ekstremızm men terrorızm úshin jazany ótep júr. Olardyń úshten birin radıkalızatsııadan shyǵarý qajet. "Qazirgi kezde biz naqty mekemeni anyqtap jatyrmyz. Bálkim, erler men áıelder otyratyn eki mekeme bolady. Sebebi atalǵan baǵdarlama ázirshe pılottyq rejımde qolǵa alynady. Tájirıbeni jınaqtaǵannan keıin ony barlyq mekemelerge taratamyz", - dep atap kórsetti A.Bazylbekov.

Aıta keteıik, baǵdarlama aıasynda ІІM Qostanaıdaǵy akademııasy negizinde arnaıy ortalyq ashylady. Sol jerde qylmystyq atqarý júıesiniń qyzmetkerleri teologııalyq ońaltý negizderin meńgeredi. Budan bólek, arnaıy áleýmettik zertteýler júrgiziledi. Ekstremızm men terrorızm úshin sottalǵandardy qoǵam ómirine qanshalyqty beıimdelip jatqanyna da baǵa beriledi.

Joǵary qaraı