Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Qazaqstanda Nyundai markalı jeñіl avtokölіk şığaratın zawıt salınadı

2019 jıldıñ 26 nawrız 2019 11:08 670

 NUR-SULTAN. QazAqparat - Qazaqstanda Nyundai markalı jeñіl avtokölіk şığaratın zawıt salınadı. Bul twralı bügіn Ükіmet otırısında QR 2015-2019 jıldarğa arnalğan ïndwstrïaldı-ïnnovacïyalıq damw memlekettіk bağdarlamasınıñ orındalw barısı jayında bayandağan QR Ïndwstrïya jäne ïnfraqurılımdıq damw mïnïstrі Roman Sklyar ayttı, dep xabarlaydı QazAqparat tіlşіsі.

«Maşïna jasawda avtokölіk quraldarı öndіrіsіn 32 mıñ bіrlіkten 60 mıñ bіrlіkke deyіn arttırwdı josparlap otırmız. Önerkäsіptіk kooperacïya ayasında bіz üşіn Ewrazïyalıq odaq narıqtarı basımdıqqa ïe. Bïıl Hyundai markalı jeñіl avtokölіk öndіretіn zawıt qurılısın bastaymız. «KAMAZ» köpşіlіk akcïonerlіk qoğamımen bіrlesken önerkäsіp qurıladı. Sonday-aq awıl şarwaşılığı texnïkasınıñ komponentterіn öndіretіn texnologïyalardı beretіn «Kïrovec» zawıtımen odan ärі ıntımaqtasw josparlanğan», - dedі mïnïstr.

Sonımen qatar ol öñdew sektorına Elbasınıñ tapsırması boyınşa "qarapayım zattar ekonomïkasınıñ" salasın jeñіldіkpen nesïelew bağdarlamasına bölіngen 600 mlrd  teñge jaña serpіn berwі tïіs ekendіgіn ayttı. Onıñ 400 mlrd  teñgesі önerkäsіptіk tawarlar öndіrіsі men jekelegen qızmet türlerіn damıtwğa bağıttaladı.

«Bul jeñіl, jïhaz jäne azıq-tülіk önerkäsіbі men qurılıs ïndwstrïyası salalarınıñ kündelіktі qoldanılatın 250-ge jwıq önerkäsіptіk tawar öndіrіsіn іske qoswğa mümkіndіk beredі. 2025 jılğa qaray bïznestі jeñіldіkpen qarjılandırw 16 mıñğa jwıq turaqtı jumıs ornın qurwğa, byudjetke tüsetіn salıqtı 1,1 trln teñgege deyіn ösіrwge, "qarapayım zattar ekonomïkası" önіmіnіñ ïmporttıñ ülesіn 59-dan 37 payızğa deyіn tömendetwge mümkіndіk beredі. Bïıl jeñіl önerkäsіptegі іrі jobalar jañğırtıladı jäne awqımı keñeytіletіn boladı», - dedі ol.

Onıñ aytwınşa, "Qarapayım zattar ekonomïkası" bağdarlamasın іske asırw boyınşa "Atameken" Ulttıq käsіpkerler palatası bazasında qurılğan jobalıq keñse bağdarlama ayasında qoldaw bіldіrw üşіn bïzneske kömek körsetwge jäne aqparattandırwğa mümkіndіk beredі.

 

 

Joğarı qaray