Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Qazaqstanda múgedektikti patsıenttiń qatysýynsyz syrttaı anyqtaıdy

2018 jyldyń 18 qarasha 2018 14:32

ASTANA. QazAqparat - Elimizde azamattardyń múgedektigin patsıenttiń qatysýynsyz syrttaı anyqtaıtyn bolady. Bul týraly QR Eńbek jáne halyqty áleýmettik qorǵaý vıtse-mınıstri Narıman Muqyshev málim etti, dep habarlaıdy QazAqparat tilshisi.

«Búginde múgedektikti syrttaı anyqtaý birneshe aımaqta, atap aıtqanda Aqmola, Qaraǵandy, BQO jáne Qostanaı oblystarynda pılottyq joba retinde júzege asyrylýda. Aldymen jergilikti emhanada emdelýshi (patsıent) týraly málimetter jınaqtalyp, ol bizdiń mınıstrlikke aqparattyq júıe arqyly jiberiledi», - dedi Narıman Muqyshev.

Onyń aıtýynsha, múgedek jandardyń ótinimi mekenjaıyn kórsetpeı ortalyqtandyrylǵan táýelsiz mamandar arqyly iske asyrylady. ıAǵnı dárigerler men sarapshy mamandar ótinimniń qaı jaqtan kelgenin bilmeıdi, tek emdelýshiniń aýrýyna qatysty málimetterdi biledi.

«Bul óz kezeginde adamı jáne jemqorlyqtyń oryn alý faktoryn joıady. Qazirde atalǵan joba boıynsha 345 ótinimge qyzmet kórsetildi», - deıdi ol.

Vıtse-mınıstr óz sóziniń sońynda áleýmettik-medıtsınalyq sarapshylar emdelýshiniń múgedektigin anyqtaý kezinde, odan memleket tarapynan beriletin tólemaqy men memlekettik qordan áleýmettik saqtandyrý úshin tıisti qujattardyń qosa qabyldanatynyn aıtyp ótti.

Buǵan deıin habarlaǵanymyzdaı, búgin Astanada múmkindigi shekteýli jandardyń tabys tabý múmkindikteri qaralyp jatyr.

Joǵary qaraı