Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Qazaqstanda qyzylsha men qyzamyqqa qarsy qosymsha vaktsına egiledi

2019 jyldyń 20 aqpan 2019 18:18 1521

ASTANA. QazAqparat - QR Densaýlyq saqtaý mınıstrligi qyzylsha men qyzamyqqa qarsy qosymsha jappaı ımmýnızatsııa júrgizedi, dep habarlaıdy QazAqparat tilshisi.

Bul týraly Qazaqstannyń bas sanıtar dárigeri, Qoǵamdyq densaýlyq saqtaý komıtetiniń tóraǵasy Jandarbek Bekshın Astanada ótken baspasóz máslıhatynda aıtty.

«Vaktsına satyp alǵan soń, qosymsha egý jumystaryn júrgizýdi josparlap otyrmyz. Qazirgi ýaqytta qyzylsha, qyzamyq, parotıtke qarsy qosymsha 480 myń vaktsına dozasyn alý máselesi sheshilip jatyr. ıAǵnı, bir vaktsınamen úsh aýrýdyń aldyn alýǵa bolady», - dedi Jandarbek Bekshın.

Onyń aıtýynsha, Qazaqstandaǵy qyzylsha men qyzamyq aýrýlarynyń aınalymyn toqtatý qajet.

«Qalyptasqan jaǵdaıdy eskere otyryp, erte jastan aýyrýdyń aldyn alý úshin toǵyz aılyq balalardy vaktsınalaımyz. Bul topqa 40 jasqa deıingi medıtsınalyq qyzmetkerler de kiredi. Jáne 20-30 jas aralyǵyndaǵy 2 mln adamǵa vaktsına egemiz», - dep sózin tolyqtyrdy ol.

 

 

Joǵary qaraı