Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Qazaqstanda qamaýda ustaý merzimin esepteýdiń tártibi ózgertilmek

2019 jyldyń 23 mamyr 2019 18:27 1065

NUR-SULTAN. QazAqparat - Qazaqstanda bas bostandyǵynan aıyrý mekemelerinde sottalǵandardy qamaýda ustaý tártibi ózgertilmek.

Bul týraly Ádilet mınıstrliginde Zań jobalaý qyzmeti máseleleri jónindegi vedomstvoaralyq komıssııanyń otyrysynda QR Bas prokýrorynyń orynbasary Bolat Dembaev málim etti, dep habarlaıdy QazAqparat tilshisi.

Aıta keteıik, komıssııa otyrysynda Qazaqstan Respýblıkasynyń keıbir zańnamalyq aktilerine qylmystyq jáne qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý» týraly zań jobasynyń tujyrymdamasy qaraldy.

«Alǵash ret sottalǵandardy budan buryn bas bostandyǵynan aıyrylǵan ári sotty bolǵandardan bólek ustaý eskerilgen. Bizde bul tártip osyǵan deıin isti bolǵan adamdardy tergeý ızolıatorlarynda ustaǵan kezde iske asyryldy. Qazirgi kezde endi tıisti norma engizilip jatyr, ıaǵnı erterekte bas bostandyǵynan aıyrylǵandar alǵash ret bas bostandyǵynan aıyrýǵa sottalǵandardan bólek bolady» - dep túsindirdi B. Dembaev.

Budan bólek, zań jobasy boıynsha usynylǵan tujyrymdamada qamaýda ustaý merzimin esepke alý tártibin ózgertý qarastyrylǵan.

«Bizde tergeý ızolıatorynda bir kún ustaý merzimi bas bostandyǵynan aıyrýdyń bir kúnine teń bolǵan edi. Qazirgi kezde bul másele qaıta qaralyp jatyr. Osy oraıda bas bostandyǵynan aıyrýdyń bir kúni ortasha qaýipsiz mekemesinde bir jarym kúnge, sondaı-aq qaýipsizdigi barynsha tómen mekemede 2 kúnge teń bolady. Óıtkeni tergeý ızolıatoryndaǵy tártip óte qatań. Eger de kúdikti tergeý amaldary kezinde 6 aı qamaýda bolsa, úkim kúshine engennen keıin sáıkesinshe 9 aı nemese bir jyl bolyp esepteledi», - dedi Bas prokýrordyń orynbasary.

 

 

Joǵary qaraı