Aýa raıy
Astana 4 °S
Almaty 0 °S
valıýta baǵamy
USD 388.96
EUR 432.21
RUB 6.09
CNY 54.99

Qazaqstanda gazdandyrylǵan kásiporyndar sany 86% ósti

2018 jyldyń 18 qarasha 2018 17:12

ASTANA. QazAqparat - Qazaqstanda jyl saıyn tabıǵı gaz paıdalanatyn kommýnaldyq-turmystyq nysandar, óndiristik jáne kommertsııalyq kásiporyndar, ózge de óndiris oryndarynyń sany artyp keledi, dep habarlaıdy «QazTransGaz» AQ baspasóz qyzmeti.

Ulttyq operatordyń málimeti boıynsha, sońǵy 5 jylda gazdandyrylǵan otandyq kásiporyndar sany 23 725-ten 44 189-ǵa, ıaǵnı 86%-ǵa artty. Onyń ishinde iri óndiristik kásiporyndar sany 2013 jyly 1 635 bolsa, 2018 jyldyń qarashasynda bul kórsetkish 82.8%-ǵa ósip, 2 990 kásiporynǵa jetti.

«Sonymen qatar gazǵa qosylǵan bala baqshalar, mektep, aýrýhana, ózge de áleýmettik jáne kommýnaldyq nysandar sany artyp keledi. 5 jylda gazǵa qosylǵan kommýnaldyq-turmystyq kásiporyndar sany 22 090-nan 41 189-ǵa, ıaǵnı 86.5%-ǵa ósti», - delingen habarlamada.

2018 jyldyń 10 aıynda ótkizilgen gaz kólemi 19,2 mlrd tekshe metrdi qurady. Bul ótken jyldyń osy merzimimen salystyrǵanda 6 mlrd tekshe metrge nemese 46%-ǵa kóp. Osy rette eksportqa shyǵarylǵan gaz kólemi 4,3 mlrd tekshe metrdi qurady. Magıstraldyq gaz qubyrlary arqyly tasymaldanǵan gaz kólemi 93,2 mlrd tekshe metrge jetti.

Avtor Jánibek Amangeldi
Basty sózder: Aımaq, Energetıka, Ónerkásip,
Joǵary qaraı