Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

Qazaqstanda eń qoljetimdi jańa kólikter qandaı

2019 jyldyń 25 sáýir 2019 16:01

NUR-SULTAN. QazAqparat - Bıylǵy birinshi toqsanda Qazaqstan azamattary 120,8 mlrd teńgege 13 289 jańa jeńil kólik jáne jeńil kommertsııalyq avtomobıl satyp aldy. Bul týraly «QazAvtoÓnerkásip» avtokólik salasyndaǵy kásiporyndar odaǵynan málim etti, dep habarlaıdy QazAqparat tilshisi.

«Jeńil kóliktiń ortasha quny 8,4 mln teńgeni qurap, ótken jyldyń sáıkes kezeńine qaraǵanda 9 paıyzǵa ósti. Belgili bolǵandaı, Qazaqstanda shyǵarylǵan kólikter segmentinde bul kórsetkish ortasha naryqtyq deńgeıden aıtarlyqtaı tómen bolyp, 6,5 mln teńge shamasynda qalyptasty. Al ımporttyq kólikterdiń ortasha quny 10,3 mln teńge somasynda tirkeldi. Qańtar-naýryz aılarynyń qorytyndysy boıynsha satyp alýshylardyń úshten birine jýyǵy (31,1%) 5 mln teńgeden qymbat emes avtomobılderdi tańdady. 5-7 mln teńgege baǵalanyp, satylǵan kóliktiń úlesi 18,7 paıyzdy (2 490 avtomobıl) qurady», - delingen habarlamada.

Kólik satyp alǵandardyń 12,4 paıyzy (1 647 kólik) 7-10 mln teńge aralyǵyndaǵy avtomashınalarǵa tańdaý jasady.

«Sonymen qatar, bıznes (10-15 mln teńge) ári premıým sanattaǵy (15 mln teńgeden joǵary) segmentter jańa kólikter naryǵynda sáıkesinshe 26,7 paıyzdy (3 542 kólik) jáne 11,2 paıyzdy (1 483 kólik) qamtydy», - delingen «QazAvtoÓnerkásip» málimetinde.

Eń qoljetimdi jeńil modelder reıtınginde usynystardyń jartysy Qazaqstandaǵy avtoóndirýshilerge tıesili.

Máselen, baǵasy tómen kólikter arasynda 3,1 mln teńgeden bastalatyn Lada Granta kósh bastap tur.

Munymen qosa, qoljetimdi TOR-10 quramyna Lada 4x4 (3,52 mln teńge), Ravon Nexia (3,82 mln), Renault Logan (3,94 mln), Chevrolet Niva (3,99 mln), Lifan Solano II (4,41 mln), Lifan X50 (4,61 mln), Lada Largus (4,25 mln), Renault Sandero (4,63 mln) jáne Lifan X60 (5,1 mln) kólikteri endi.

Al eń qymbat modelder reıtınginde Porsche 911 Turbo (61,8 mln teńge), BMW i8 (60,9 mln), BMW 8 serııa (50 mln), Audi A7/A8 (49,2 mln) jáne Mercedes-Benz G-klass (47,1 mln teńge) aldyńǵy qatardan kórindi.

Avtor Rýslan Ǵabbasov
Basty sózder: Kólik, Ekonomıka,
Joǵary qaraı