Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Qazaqstanda emdik qymbat preparattar qoljetimdi bolady

2019 jyldyń 19 mamyr 2019 15:50

NUR-SULTAN. QazAqparat - Qazaqstan S gepatıtine qarsy ınnovatsııalyq preparattyń erikti lıtsenzııasyna qosyldy, dep habarlaıdy QazAqparat tilshisi.

Endi Qazaqstan S gepatıtine qarsy Sofosbývır, Ledıpasvır jáne Velpatasvır syndy qymbat dárilerdiń túpnusqasyn ǵana emes, generıkalyq preparattardyń balamasyn satyp alady. Patent ıesi buǵan ruqsat berdi.

«Elimiz atalǵan lıtsenzııaǵa QR Densaýlyq saqtaý mınıstrligi men Gilead farmkompanııasy arasyndaǵy memorandým aıasynda qol jetkizdi. Taraptar qujatqa qol qoıdy. Bul kelisim Qazaqstannyń S gepatıtine qarsy arzan ári sapaly dári satyp alýyna múmkindik beredi. Osylaısha, elimizdegi naýqastarǵa S gepatıtin emdeıtin ınnovatsııalyq preparat qoljetimdi bolyp otyr. Eger buryn Sofosbývır, Ledıpasvır jáne Velpatasvırdiń quny myń dollarǵa deıin jetse, qazir onyń baǵasy 100 dollardan tómendeıdi. Al atalǵan dárilerdi paıdalanǵan patsıentterdiń 90 paıyzy aýrýynan aıyǵady», - delingen QR DSM málimetinde.

Aıta ketý kerek, elimizde 2018 jylǵa deıin vırýsty S gepatıtin juqtyrǵan naýqas tórt túrli preparat paıdalanyp keldi. Al ár patsıenttiń bir rettik emdik kýrsyna 5 myń 800 dollar jumsalatyn.

TMKKK aıasynda birińǵaı dıstrıbıýtormen kelisimniń jáne BUU Damý baǵdarlamasy aıasynda byltyrdan beri elimizdegi naýqastar Sofosbývır jáne Daklatasvır generıkalyq preparatymen emdeledi. Bul preparattarmen belgilengen bir kýrstyq em úsh aıǵa sozylady. Arnaıy kelisimnen keıin Qazaqstanda vırýsty S gepatıtin juqtyryp tirkeýde turǵandardy tegin dárimen qamtý úshin generıkalyq dáriniń emdik kýrsy 86 dollar bolady. Sóıtip, qazynadan qaralǵan 1,5 mlrd teńgege osy aýrý boıynsha dıspanserlik tirkeýdegi patsıenttiń bárine jetedi.

«2018 jyly 4 myń 204 naýqas em aldy. Bıyl elimizdegi medıtsınalyq mekemelerde 476,6 mln teńgege Sofosbývırdiń 41 663 oramy berildi, al búginde 6 myń 343 patsıent em aldy. QR Densaýlyq saqtaý mınıstrligi men Gilead kompanııasy arasyndaǵy memorandým arqasynda qymbat preparattar qoljetimdi bolady», - dep atap ótilgen vedomstvo habarlamasynda.

Joǵary qaraı