Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstanda benzın baǵasy ósýi múmkin be

2019 jyldyń 17 qazan 2019 13:43

NUR-SULTAN. QazAqparat – Qazaqstanda benzınge aktsız kóterilýi múmkin. Bul týraly QR Ulttyq ekonomıka mınıstri Rýslan Dálenov málim etti, dep habarlaıdy QazAqparat tilshisi.

«Búginde benzınniń árbir lıtrinde aktsız bar, onyń somasy - 8 teńge. Qazirgi kezde aktsızdi taǵy 10 teńgege kóterý talqylanyp otyr. Bul qadam ne úshin usynylyp otyr? Ózderińiz bilesizder, bıýdjettik shyǵystar eleýli kólemde ósti, onyń ishinde áleýmettik mindettemeler artty. Respýblıkalyq bıýdjette áleýmettik salaǵa arnalǵan shyǵystar 45 paıyzdan asty. Bul turǵyda bıýdjettik konsolıdatsııa qajettigi bar, onyń ishinde aktsızderdiń fıskaldy qyzmeti arqyly. Qaýlynyń jobasy qazir buqarada talqylanýda, osy oraıda túrli usynystar jasalyp jatyr», - dedi Rýslan Dálenov Senatta tilshiler saýalyna jaýap bere otyryp.

Onyń sózine qaraǵanda, aktsızdi arttyrýdyń aldyn ala datasy bıylǵy jyldyń 1 jeltoqsanyna josparlanyp otyr. Búginde AI-92 benzıniniń lıtri shamamen 150 teńge, keı jerlerde 149-152 teńge aralyǵynda.

«Aktsızdiń stavkasy tek 8 teńge, kórshiles eldermen salystyrǵanda bul kórsetkish óte tómen. Shetelde benzınniń jarty qunyn aktsız quraıdy. Bizde atalǵan usynys áli de talqylaý barysynda», - dedi mınıstr.

Vedomstvo basshysy atalǵan usynysqa baılanysty benzın baǵasynyń ósýi múmkindigine pikir bildirdi.

«Eger de aktsız qosylsa, benzın alty paıyzǵa qymbattaıdy dep oılaımyn. Al eger sol deńgeıde qalsa, burynǵy baǵa saqtalady. Shamamen 10 teńgege qymbattaýy yqtımal», - dedi Rýslan Dálenov.

Joǵary qaraı