Awa rayı
Astana 28 °S
Almatı 22 °S
valyuta bağamı
USD 327.42
EUR 383.51
RUB 5.29
CNY 51.26

Qazaqstanda balalardı 7-sınıptan bastap mamandıqqa bawlw usınıldı

2018 jıldıñ 18 mamır 2018 00:43 758

AQTÖBE. QazAqparat - «Atameken» Ulttıq käsіpkerler palatası 7-sınıp oqwşılarına zerttew jürgіzіp, olardıñ qay mamandıqqa ïkemdі ekenіn anıqtaydı. Bul jumıs Bіlіm jäne ğılım mïnïstrlіgіmen bіrge atqarıladı, dep xabarlaydı QazAqparat tіlşіsі.

Aqtöbege jumıs saparımen kelgen «Atameken» UKP törağası Tïmwr Qulıbaev öndіrіs orındarına qajettі kadr dayındaw jumısına toqtaldı.

«Dwaldı, qısqartılğan bağdarlama boyınşa bіlіm berwge köşw kerek. Bіr mamandı üş jıl dayındaw durıs emes. Olar kolledjde mektep bağdarlamasın oqımawı tïіs. Bіlіm alıp, tez arada ekonomïkalıq ösіmge üles qoswı üşіn bağdarlamanı qısqartw joldarın qarastıramız. Olar öz nanın tabadı, jumısqa kіrіsedі, söytіp ekonomïkalıq damwğa üles qosadı», - dedі Tïmwr Qulıbaev.

Jaña jobanı qolğa alğan «Atameken» UKP Norvegïya, Skandïnavïya elderіnіñ täjіrïbesіne süyenіp otır. Yağnï, balalardı mamandıqqa mektepten bastap ïkemdeydі.

«Balalardı mektepten mamandıqqa dayındawdı josparlap otırmız. Bіlіm jäne ğılım mïnïstrlіgі usınıstı qoldadı. Barlıq 7 sınıp oqwşısın zerttewge alıp, olardıñ qolınan keletіn іsterdі, bağıttı anıqtap, zerdeleymіz. Qazіrgі kezde zerttew arqılı kіmnen qanday maman şığatının bіlwge boladı. Sol kezde oqw bağdarlamasın özgertwge, xay-skwl, yağnï, 9, 10, 11 cınıpta mamandıq ïgerіp şığw mümkіndіgі twadı. Ärі qaray oqw bağdarlamasın JOO baylanıstırwğa boladı. Bul «Bіlіm twralı» zañğa tolıqtırwlar men özgertwler engіzwge twra keletіn şeşіm», - dedі «Atameken» UKP törağasınıñ orınbasarı Eldar Jumağazïev.

«Atameken» UKP«Nätïjelі jumıspen qamtw jäne jappay käsіpkerlіktі damıtw» bağdarlamasın іske asırw kezіnde Aqtöbenіñ täjіrïbesіne süyendі. Yağnï, kadrdı öndіrіs ornınıñ özі dayındaydı. Ötken jılı elіmіzde 47 92 adam oqıtıldı. Qazіrgі kezde däl osı ädіspen bіlіm beretіn 189 oqw ortalığı bar. Käsіpkerlіk palatası bïıl bul sandıq körsetkіştі 300-ge jetkіzbek.

«Artıqşılığı -maman şäkіrtaqı aladı, käsіpkerge ärbіr oqıtqan kadr üşіn ay sayın 31 mıñ teñge berіledі. Kadr dayındaw üşіn jıl sayın elіmіz 107 mïllïard teñge böledі. Sapası sın kötermeydі. Sondıqtan tört özgertw engіzgіmіz keledі. Kolledj dïrektorı oblıstıq komïssïyağa kelgen kezde özі dayındağan kadrdıñ jumısqa ornalasqanı nemese bos jürgenі twralı aqparat berwі qajet. Mäselen, Sarıağaşta dänekerlewşі dayındap, tek 7 payızı jumısqa ornalasqan. Tağı da sol mamandıqtı dayındasa, sebebіn tüsіndіrwі tïіs. Kolledjdіñ materïaldıq-texnïkalıq jağdayı zamanawï suranısqa say kele me degen suraq ta mañızdı. Oqw bağdarlamaların bağalaw kerek», - dedі Eldar Jumağazïev. 

Joğarı qaray