Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstanda «Bala daýysy» baıqaýy bastalady

2019 jyldyń 26 naýryz 2019 01:21

ALMATY. QazAqparat - 29 naýryz kúni Qazaqstanda jyl saıynǵy dástúrli «Bala daýysy» baıqaýy bastalady, dep habarlaıdy QazAqparat baıqaý uıymdastyrýshylaryna silteme jasap.

Álııa Nazarbaevanyń «Jandaný álemi» qorynyń biregeı jobasy - ulttyq «Bala daýysy» balalar án baıqaýynyń tórtinshi maýsymy bastalady. Elimizdegi eń aýqymdy balalar án baıqaýy osy jyly Qazaqstan Respýblıkasynyń Tuńǵysh Prezıdenti-Elbasy qory jáne Qazaqstan Respýblıkasynyń Mádenıet jáne sport Mınıstrliginiń qoldaýymen ótedi.

«Baıqaýdyń negizgi maqsaty - mýzykalyq jáne shyǵarmashylyq daryny bar balalardy anyqtaý jáne olarǵa qoldaý kórsetý, olardyń shyǵarmashylyq áleýetin júzege asyrýǵa jáne bolashaqta olardyń qabiletterin damytýǵa kómektesý. Baıqaýdyń birinshi maýsymynan bastap balabaqsha men mektepterge syılaǵan 56 jańa án jazyldy; irikteý kezeńderine 20 156 bala qatysyp, televızııalyq efırlerde 12 kontserttik shoý, 24 kúndelik, 128 beınerolık kórsetildi. «Bala daýysynyń» kóptegen túlekteri qazirgi tańda «Jandaný álemi» Qorynyń qoldaýymen mýzykalyq mektepter men kolledjderinde tálim alýda. Baıqaýdyń irikteý kezeńderiniń elimizdiń barlyq óńirlerinde ótýi - «Bala daýysynyń» biregeıligi» delingen habarlamada.

Bıyl «Bala daýysy» baıqaýy jańa formatta ótedi. 29 naýryz ben 22 mamyr aralyǵynda shyǵarmashylyq top 8 jáne 12 jas aralyǵyndaǵy naǵyz talanttardy tańdaıdy. 17 eń úzdik balalar daýysy ǵana baıqaýdyń Sýper fınalyna joldama alady. Elimizdiń barlyq oblys ortalyqtary men Shymkent, Almaty, Nur-Sultan qalalarynda búldirshinderdi ádil-qazy quramyna kiretin qazaq estradasynyń áıgili juldyzdary, tanymal prodıýserler men horegraftar kútedi. Іrikteýge kelgen árbir bala estelik syılyqtar men dıplomdarǵa ıe bolyp, baıqaýdyń kúndelikteri túsirilimine qatysady. Balalardyń ata-analary men tálimgerleri de shette qalmaıdy, olardyń qalaýymen baldyrǵandardyń shyǵarmashylyǵyn damytý boıynsha master-klastar jáne bala psıhologııasy máseleleri boıynsha konsýltatsııa ótkiziledi.




null

Kúzde elimizdiń úzdik 17 daýysy «Juldyzdy arman úıinde», Alataý taýlarynyń baýraıynda ornalasqan «Bóbek» ulttyq ortalyǵynda bas qosady. Kúndelikti, kásibı mýzykanttar, horeograftar, stılıster balalardy Sýper-fınaldyń televızııalyq túsirilimderine daıyndaıdy.

24-26 qazan aralyǵynda Almaty qalasynyń «Respýblıka saraıynda» ótetin baıqaýdyń sýper-fınalynda baıqaý aıasynda jazylǵan jańa ánder shyrqalyp, «Balalyq shaqtyń meıirimdi ǵalamshary» atty spektakl-mıýzıkldiń tusaýkeseri ótedi. Kórermender fınalısterdiń qatysýymen ótetin qaıtalanbas shoýdyń kýágeri bola alady. Baıqaýdyń barlyq aqtyq kezeńderin kásibı qazylar alqasy jáne onlaın-daýys berý arqyly telekórermender baǵalaıdy.

Barlyq fınalıster arnaıy syılyqpen marapattalyp, al, eń úzdik dep tanylǵan Bala daýysy elimizdiń tańdaýly mýzykalyq bilim ordasynda oqýǵa grant jáne ertegi álemi - Dısneılendke joldama alady.

Aıta keteıik, eń alǵashqy irikteý 29 naýryz kúni Almatydaǵy Oqýshylar saraıynda ótedi.

Basty sózder: Almaty, Mádenıet, Óner,
Joǵary qaraı