Aýa raıy
Astana 8 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Qazaqstanda aıyppul mólsheri tómendeıdi

2019 jyldyń 24 sáýir 2019 10:41

NUR-SULTAN. QazAqparat - «QR Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy aıasynda aıyppul mólsherin azaıtý qarastyrylyp otyr. Bul týraly Parlament Májilisiniń jalpy otyrysynda QR Ádilet mınıstri Marat Beketaev málim etti, dep habarlaıdy QazAqparat tilshisi.

«Ádilet mınıstrligi múddeli memlekettik organdarmen birlesip, quqyq qoldaný tájirıbesi negizinde ákimshilik quqyq buzýshylyq týraly zańnamany odan ári jetildirý, sonyń ishinde ony izgilendirý jáne ásire qatańdyǵyn tómendetý boıynsha máselelerdi pysyqtady», - dep toqtaldy M. Beketaev.

Osy oraıda, ákimshilik quqyq buzýshylyqtardyń keıbir quramdaryn alyp tastaý eskerilip otyr.

«Retteýshi organdardyń ustanymyna sáıkes, ákimshilik quqyq buzýshylyqtardyń keıbir quramdaryn azamattyq nemese tártiptik is júrgizý arqyly qaraýǵa bolady. Sondaı-aq, qazirgi ýaqytta, memlekettik organdardyń baqylaý-qadaǵalaý fýnktsııalaryn ońtaılandyrý jáne olardy avtomattandyrý sııaqty is-sharalar oryndalýda. Bul rette zań jobasymen ákimshilik quqyq buzýshylyqtardyń otyz eki quramdaryn alyp tastaý usynylady», - dedi mınıstr.

Budan bólek, ákimshilik quqyq buzýshylyqtardyń jekelegen sanktsııalaryn jeńildetý jáne tómendetý qarastyrylyp otyr.

«Ákimshilik quqyq buzýshylyq sanktsııalaryna júrgizgen taldaý olardy ákimshilik jaýapkershilikti odan ári izgilendirý aıasynda jeńildetýge jáne tómendetýge múmkindik bar ekenin kórsetti. Memlekettik organdardyń jáne úkimettik emes uıymdardyń usynystary negizinde, sondaı-aq taldaý men statıstıkalyq derekterdi eskere otyryp, zań jobasymen qyryq tórt quram boıynsha aıyppul mólsherin azaıtý, on quram boıynsha ásire qatańdyqty tómendetý, alty quram boıynsha eskertý engizý usynylady», - dedi Marat Beketaev.

Avtor Rýslan Ǵabbasov
Basty sózder: KAZMEDIA, Parlament,
Joǵary qaraı