Aýa raıy
Astana 14 °S
Almaty 24 °S
valıýta baǵamy
USD 384.87
EUR 432.52
RUB 6.11
CNY 55.95

Qazaqstanda 600-ge jýyq adam lańkestik qylmys jasaǵany úshin sottalǵan

2019 jyldyń 18 maýsym 2019 11:42 1188

NUR-SULTAN. QazAqparat - Qazaqstan túrmelerinde lańkestik pen ekstremızm úshin sottalǵan 600-ge jýyq adam jazasyn ótep jatyr. Bul týraly búgin QR ІІM Qylmystyq atqarý júıesi komıtetiniń basqarma bastyǵy Bekbolat Shákirov aıtty, dep habarlaıdy QazAqparat tilshisi.

«Qazaqstanda qylmystyń bul sanatymen sottalǵan shamamen 600 adam jazasyn ótep jatyr. Ótken jyly biz BUU-nyń Esirtki jáne qylmys jónindegi basqarmasymen birlesken josparǵa qol qoıǵan edik. Atalǵan jospardy júzege asyrý 3 jylǵa eseptelip otyr. Bul birlesken josparǵa Qazaqstan, Týnıs jáne Ýganda elderi qatysady», - dedi ol.

Basqarma basshysynyń aıtýynsha, qazirgi ýaqytta Memleket basshysynyń tapsyrmasyn oryndaý úshin bas bostandyǵynan aıyrý oryndarynda maqsatty túrde teologııalyq úgit jumystary júrgizilip jatyr. Bul jumystar óziniń nátıjesin de berip otyr.

«Qazirdiń ózinde jumystyń oń nátıjeleri baıqalyp otyr. Sottalǵandardyń negizgi bóligi, tipti basym bóligi bizge kelip jatyr», - dedi Bekbolat Shákirov.

Aıta keteıik, elordada BUU Esirtki jáne qylmys jónindegi basqarmasy men QR ІІM Qylmystyq atqarý júıesi komıtetiniń «2018-2021 jyldarǵa arnalǵan ektremıstik jáne lańkestik baǵyttaǵy qylmystar úshin sottalǵandarmen jumysty kúsheıtýge, penıtentsıarlyq mekemelerde radıkaldyq zorlyq-zombylyqtyń aldyn alýǵa qoldaý kórsetý» birlesken baǵdarlamasyn  júzege asyrýdy úılestirý keńesiniń birinshi otyrysy ótip jatyr. Sharaǵa QR SІM, , AQDM, BǴM, UQK, Bas prokýratýra, Eýropalyq odaq ókildigi, Qazaqstandaǵy Nıderlandy koroldigi, Japonııa, Germanııa elshilikteriniń ókilderi qatysýda.

 

 

Joǵary qaraı