Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Qazaqstanda 225 myń medıtsına qyzmetkeriniń jalaqysy kóbeıedi - Eljan Birtanov

2019 jyldyń 13 naýryz 2019 20:28

ORAL. QazAqparat - Qazaqstanda aldaǵy 1 shildeden bastap 225 myń medıtsına qyzmetkeriniń jalaqysy 30 paıyzǵa kóbeıedi. QR Densaýlyq saqtaý mınıstri Eljan Birtanov Úkimettik jumys toby quramynda BQO-ǵa kelgen saparynda osylaı aıtty, dep habarlaıdy QazAqparat tilshisi.

Onyń aıtýynsha, Elbasymyz «Nur Otan» partııasynyń HVІІІ sezinde densaýlyq saqtaý salasynyń aldyna da úlken mindetter júktegeni belgili.

Elimizde, ásirese, aýyldyq jerlerde medıtsına kadrlarynyń tapshylyǵy sezilip otyrǵany jasyryn emes. Sondyqtan olardyń jalaqysyn kóterý - suranysqa ıe mamandardy saqtap qalýdyń bir joly. Óıtkeni jyl saıyn medıtsınalyq JOO-lardy túlekter bitirip jatqanymen, olardyń birazy jeke klınıkalarǵa ketip qalyp jatady.

Mınıstrdiń sózine qaraǵanda, emhanalarǵa barǵanda, medbıkelerdiń qarsy alatyny belgili. Olar orta eseppen 70 myń teńgedeı jalaqy alady. Endi bul kórsetkish 100 myń teńgege jetedi. Sol sekildi sanıtarlar men jumysshylar odan da tómen eńbekaqy alady.

Sondaı-aq ýchaskelik dárigerler jetispeıdi. 1 dáriger eki adamnyń jumysyn atqarady. Sonyń saldarynan kezek kóbeıedi, sapaǵa da áser etedi. Eger olardyń jalaqysy joǵary bolsa, mamandar jetkilikti bolar edi.

«Ana men bala saýlyǵy da aıryqsha nazarda. Sondyqtan pedıatrlardyń da jalaqysyn kóterý kerek. Áleýmettik kesel sanalatyn týberkýlez, psıhıkalyq aýrýlardy emdeıtin dárigerler de umyt qalmaýy qajet», dedi Eljan Amantaıuly.

«Memleket basshysy alǵa qoıyp otyrǵan taǵy bir mindet - aldaǵy úsh jylda elimizde 595 medıtsına nysany boı kóteretin bolsa, sonyń 90 paıyzy aýyldarda salynbaq. Mundaǵy maqsat - medıtsınalyq qyzmettiń barlyq jerde qoljetimdi bolýy. Batys Qazaqstan oblysynda 22 nysan turǵyzylmaqshy. Oblys ákimdiginiń bastamasymen Oralda kardıohırýrgııa ortalyǵyn salý da kózdelýde», dedi mınıstr.

Joǵary qaraı