Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qazaqstanda 1 mln astam adamnyń jalaqysy ósedi - Berdibek Saparbaev

2019 jyldyń 13 naýryz 2019 18:55

ORAL. QazAqparat - Bıylǵy shilde aıynan bastap Qazaqstanda 1 mln astam adamnyń jalaqysy ósedi. Úkimettik jumys toby quramynda BQO-ǵa kelgen QR Eńbek jáne halyqty áleýmettik qorǵaý mınıstri Berdibek Saparbaev osylaı aıtty, dep habarlaıdy QazAqparat tilshisi.

Onyń aıtýynsha, Elbasy tapsyrmasyna sáıkes qolǵa alynyp jatqan áleýmettik sıpattaǵy baǵdarlamalar halyqtyń ál-aýhatyn, turmysyn jaqsartýǵa arnalyp otyr.

Osy oraıda eń birinshi másele jalaqy ekeni belgili. Bıylǵy 1 shildeden bastap bıýdjettik mekemede jumys jasaıtyndardyń, sonyń ishinde eń tómengi jalaqy alatyndardyń eńbekaqysy orta eseppen 15-ten 30 paıyzǵa deıin ósedi.

Kem degende, 1 mln astam qazaqstandyqtardyń jalaqysy kóbeıedi. Bul negizinen bilim, densaýlyq saqtaý, mádenıet, sport, áleýmettik qorǵaý syndy salalarda jumys jasaıtyndardy qamtıdy. Atap aıtqanda, buǵan ádistemeshiler, tárbıeshiler, psıhologtar, sanıtarlar, medbıkeler jáne basqa qyzmetkerler kiredi.

Slesar, santehnık, elektr monterler de tys qalmaıdy. Olardyń jalaqysy orta eseppen 25 paıyzǵa ósedi. Oǵan qosa aýyldar men qalalarda ákimshilikterde jumys jasaıtyn, halyqpen tikeleı baılanysta bolatyn qyzmetkerlerdiń eńbekaqysy da kóteriledi. Bular boljam boıynsha 75 myńdaı adam.

«Kóp balaly, az qamtylǵan otbasylarǵa kómek erekshe nazarda. Keıingi kezde jıi kóterilip júrgen másele ataýly áleýmettik kómek alý úshin tabys mólsheri bolatyn. Bıylǵy 1 sáýirge deıin 50 paıyz bolsa, endi bul 70 paıyz bolmaq. ıAǵnı buǵan deıin 14849 teńge bolsa, 1 sáýirden bastap 20789 teńgege jetedi. Bylaısha aıtqanda, respýblıka boıynsha ataýly áleýmettik kómek alýshylar sany 830 myńnan assa, Batys Qazaqstan oblysynda 24481 adam buǵan qol jetkizbek. Bizdiń mindetimiz - osy ózgeristerdi eskere otyryp, jumystyń bárin 1 sáýirge deıin bitirý. Sonymen qatar elimizde ár otbasynyń áleýmettik kartasy jasalatyn bolady», dedi mınıstr.

Joǵary qaraı