Awa rayı
Nur-Sultan 5 °S
Almatı 12 °S
valyuta bağamı
USD 379.36
EUR 424.47
RUB 5.88
CNY 54.95

Qazaqstan jastarı Prezïdent bastamasın qoldaw maqsatında jaña akcïya bastadı

2019 jıldıñ 23 qañtar 2019 12:23 1417

ASTANA. QazAqparat - Qazaqstannıñ barşa jastarı Prezïdent bastamalarına qoldaw körsetwі qajet. Bul pіkіrdі Qazaqstan xalqı Assambleyası «Jañğırw jolı» respwblïkalıq jastar qozğalısınıñ törağası Maksïm Spotkay bіldіrdі.

Qazaqstanda Jastar jılınıñ aşılwına oray, «Jañğırw jolı» respwblïkalıq jastar qozğalısı älewmettіk jelіlerdegі avatarğa arnayı freym ornatw akcïyasın bastadı. Bügіn, yağnï 23 qañtardan bastap, bul freymderdі akcïyağa qosılwdı qalaytın kez kelgen azamat «QazAqparat» XAA qosımşa sayt-sattelïtіnen jastar.inform.kz jüktey aladı.

«Bügіn Memleket basşısı Qazaqstan jastarı jılın resmï türde aştı.  Bіzdіñ akcïya Prezïdent usınıstarın qoldawğa bağıttalğan. Jastar jılı - bul Qazaqstan tarïxında ult Köşbasşısı tarapınan, memleket tarapınan jastardı qoldawğa jasalğan teñdessіz qadam. Sondıqtan, bіz, jastar, Forwmda köterіlgen usınıstardı tolıq qoldawımız kerek. Bügіnde jastardıñ barlığı derlіk älewmettіk jelіde otıradı. Sol sebeptі, älewmettіk jelіlerde fleşmob jürgіzwdі uyğardıq. Bul - jas köşbasşılar men jastardıñ Prezïdent bastamaların qoldawğa arnalğan jaña qozğalısı. Bügіngі akcïyanı Prezïdenttіñ 27 jıl boyı jürgіzgen sayasatın jastardıñ qoldawı dep te tüsіngen jön. Sondıqtan, men Qazaqstan jastarın Memleket basşısınıñ sayasatına, Täwelsіzdіk jıldarı qol jetkіzgen tabıstarımızğa qoldaw bіldіrwge şaqıramın», - dedі M. Spotkay.

Eske sala ketsek, bügіn EKSPO-2017 körme keşenіndegі «Nur Älem» pavïlonında «Täwelsіzdіk urpaqtarı» taqırıbında Jastar jılınıñ aşılw saltanatı öttі.

Іs-şarağa Memleket basşısı, Ükіmet müşelerі, QR Parlamentі depwtattarı, jergіlіktі atqarwşı organdar basşıları, QR Prezïdentі janındağı Jastar sayasatı keñesіnіñ müşelerі, «100 jaña esіm» bayqawınıñ jeñіmpazdarı, «Bolaşaq» bağdarlamasınıñ tülekterі, jas ğalımdar, şığarmaşılıq, stwdenttіk jäne jumısşı jastar ökіlderі, jas sportşılar, darındı balalar, zamanawï medïa salasınıñ ökіlderі, balalar üyіnіñ tärbïelenwşіlerі men tülekterі, jas äskerï qızmetşіler jäne t.b. qatıstı. 

Osılayşa, elіmіzde memlekettіk jastar sayasatın jan-jaqtı qoldaw men jüzege asırwğa bağıttalğan awqımdı іs-qïmıl josparın іske asırw bastaw aladı.

Іs-şara barısında jastar jüzege asırğan tabıstı jobalar men jaña önіmder tanıstırıldı. Spïker retіnde är türlі salalarda jetіstіkke jetken jas qazaqstandıqtar bayandama jasaydı. Mäselen, tanımal käsіpkerler, startapşılar, erіktіler, awıl şarwaşılığı, ğılım jäne ädebïet salasındağı mamandar söz söyledі. 

Eske sala ketsek, Qazaqstan Respwblïkasınıñ Prezïdentі N.Ä.Nazarbaevtıñ Jarlığımen 2019 jıl Jastar jılı dep jarïyalandı.

 

 

 

 

 

 

Avtor: Ayjan Serіkjanqızı
Bastı sözder: KAZMEDÏA, Jastar jılı, Jastar,
Joğarı qaray