Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Qazaqstan Syrtqy ister mınıstri Tájikstan Prezıdentimen kezdesti

2019 jyldyń 19 mamyr 2019 01:18

DÝShANBE. QazAqparat - QR Syrtqy ister mınıstri Beıbit Atamqulov «Ortalyq Azııa + Japonııa» dıalogy (OAJD) Syrtqy ister mınıstrleriniń 7-shi kezdesýine qatysýy aıasynda Tájikstan Prezıdenti Emomalı Rahmonmen kezdesti, dep habarlaıdy QazAqparat.

Qazaqstan syrtqy saıası vedomstvosynyń baspasóz qyzmetinen málim etkendeı, B.Atamqulov Tájikstan bizdiń elimiz úshin Ortalyq Azııadaǵy senimdi dos jáne mańyzdy strategııalyq seriktes ekenin atap ótti. «Biz elderimiz ben memleketter basshylarynyń arasyndaǵy qalyptasqan jyly qarym-qatynastardy shynaıy baǵalaımyz», - dedi ol.

Taraptar maýsym aıynda Dýshanbede ótetin Azııadaǵy ózara is-qımyl jáne senim sharalary jónindegi keńestiń 5-shi Sammıtin talqylady.

QR SІM basshysy atap ótkendeı, Qazaqstan tájik tarapyna tóraǵa retinde belsendi qyzmeti úshin rızashylyǵyn bildiredi jáne tóraǵalyq kezinde tolyq qoldaý kórsetýge daıyn.

Óz kezeginde Tájikstan Prezıdenti E. Rahmon Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstannyń ǵana emes, sondaı-aq búkil Ortalyq Azııa óńiriniń damýyna qosqan zor úlesin aıtyp ótti. «Nursultan Ábishuly - kóregen saıasatker jáne myqty basshy. Álemdik kóshbasshylardyń arasynda eń joǵary bedelge ıe», - dedi ol.

Sonymen qatar E. Rahmon 20 jyldan astam ýaqyt boıy Prezıdent Qasym-Jomart Toqaevty jeke tanıtynyn aıtyp ketip, ony tájirıbeli dıplomat jáne kásibı maman retinde biletinin atap ótti. Sonymen qatar, ol Qazaqstanǵa jaqsy jáne aıqyn prezıdenttik saılaýdy tiledi, onyń nátıjesi, sózsiz, qazaq halqynyń ıgiligine qyzmet etedi.

Sońǵy jyldary qazaq-tájik qarym-qatynastarynyń artýy baıqalady, saıası baılanystardyń nyǵaıyp, saýda aınalymynyń kórsetkishteri artyp keledi. 2018 jyly 845,9 mln AQSh dollaryn qurady. Bul ótken jyldyń sáıkes kezeńimen salystyrǵanda 8,2% joǵary. Taraptar aldaǵy 3-4 jylda ekijaqty saýda aınalymyn 2 mlrd dollarǵa deıin ulǵaıtýdy kózdep otyr.

Qazaqstan negizinen Tájikstanǵa astyq, un, kúnbaǵys maıyn, qurylys jáne lak-boıaý materıaldaryn, munaı gazdary men gaz tárizdi kómirsýtekterin, munaı men munaı ónimderin eksporttaıdy. Tájikstan bolsa - kókónis, jemis, ken ónimderi jáne qorǵasyn, myrysh, mys kontsentrattaryn.

Tájik kompanııalarynyń «KazakhExport» qazaqstandyq eksporttyq saqtandyrý kompanııasymen ózara árekettesýiniń arqasynda temirjol ónimderin, metall ónimderin jetkizýdegi tıimdi yntymaqtastyq, avtobýs taksoparktardyń jańartylýy, Dýshanbeni energııamen jabdyqtaý ınfraqurylymy jańartylýda. Aǵymdaǵy jyldyń 20 mamyrynda Tájikstan astanasynda osy qazaqstandyq kompanııanyń keńsesin ashý josparlanyp otyr.

Kólik jáne tranzıttik áleýetti damytýda yntymaqtastyq úshin úlken áleýet bar. Eki memlekettiń aýmaǵynda taýarlardy tasymaldaý úshin ıkemdi tarıftik saıasatty júrgizýdi jalǵastyrý usynyldy. Qazaqstan Tájikstanǵa KazSat spýtnıkteri arqyly jáne tájik-aýǵan shekarasynyń qaýipti aımaqtaryn ǵaryshtyq baqylaý arqyly spýtnıktik baılanys qyzmetterin usyndy.

Búgingi tańda ekijaqty yntymaqtastyqtyń quqyqtyq bazasy yntymaqtastyqtyń barlyq salalaryn qamtıtyn 80-nen astam qujattan turady.

Joǵary qaraı