Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Qazaqstan-Reseı matchyn kóretinder «Astana-Arena» stadıonyna erterek kelýi kerek

2019 jyldyń 24 naýryz 2019 15:27

NUR-SULTAN. QazAqparat - Qazaqstan-Reseı matchynyń ótýine baılanysty astanalyqtar óz baǵdaryn aldyn ala josparlaýy qajet. Óıtkeni kóshelerde keptelister týyndaýy múmkin, dep habarlaıdy QazAqparat elorda ákimdigine silteme jasap.

«Qazaqstan jáne Reseı komandalary arasyndaǵy Eýropa chempıonatyna irikteý raýndynyń ótýine baılanysty 24 naýryzda qalanyń sol jaq jaǵalaýyndaǵy Turan, Qabanbaı batyr dańǵyldary, Kereı men Jánibek handar, Saraıshyq sııaqty kóshelerde keptelisterdiń týyndaýy múmkin ekendigin habarlaımyz», - dep jazdy qalalyq Qoǵamdyq damý isteri basqarmasynyń basshysy Danııar Esın Feısbýktegi paraqshasynda.

Qazaqstan fýtbol federatsııasynyń málimeti boıynsha matchty kórýge nıettilerdiń sany kóp.

«Osyǵan oraı óz baǵdaryńyzdy aldyn ala josparlaýyńyzdy suraımyz. Al oıyndy kórgisi keletin fýtbol jankúıerlerine «Astana-Arena» stadıonyna matchtyń bastalý ýaqytynan eki saǵat buryn kelýge keńes beremiz», - dep atap ótti Esın.

Qazaqstan jáne Reseı komandalary arasyndaǵy match búgin saǵat 20:00-de bastalady.

Basty sózder: Reseı, Nur-Sultan, Sport,
Joǵary qaraı