Awa rayı
Nur-Sultan 5 °S
Almatı 8 °S
valyuta bağamı
USD 379.86
EUR 422.97
RUB 5.85
CNY 56.33

Qazaqstan - Resey: Bіrіnşі taym boyınşa qonaqtar alda kele jatır

2019 jıldıñ 24 nawrız 2019 20:53 950

NUR-SULTAN. QazAqparat - Elordada fwtboldan Qazaqstan quraması Resey quramasımen oynap jatır. Alğaşqı taymda qonaqtar 0:2 esebіmen alğa şıqtı, dep xabarlaydı QazAqparat tіlşіsі.

Qazaqstan quramasınıñ qaqpasına 12-mïnwtta bіr gol kіre jazdadı. Ayıp dobınıñ orındalwı kezіnde Artem Dzyubanıñ baspen urğan dobı qaqpadan säl ğana bïіk ötken. Alayda reseylіkter 18-mïnwtta bärіbіr ulttıq quramanıñ qaqpasınan sañılaw taptı. Sättі berіlgen pastı Denïs Çerışev mült jіbergen joq. Quramasına alğa şığardı.

Qos komanda üşіn de bіrşama urımtal sätter bolğanın ayta ketw kerek. Tіptі Resey quramasınıñ fwtbolşıları bіr waqıtta qatarınan üş märte burıştama dobın tepken. Abıroy bolğanda, qonaqtar üş mümkіndіktі de paydalana alğan joq.

Bіrіnşі taymnıñ ayaqtalarına bar-joğı 30 sekwnd qalğanda qazaqstandıq fwtbolşılar tağı da qatelіkke jol berdі. Bul sättі utımdı paydalanğan reseylіk Denïs Çerışev ekіnşі golın salıp ülgerdі.

Ayta ketsek, 2020 jılğı Ewropa çempïonatı іrіktew kezeñіnіñ ekіnşі twr oyınınıñ fïnaldıq kezeñіne 24 qurama joldama aladı. Qazaqstan men Resey quramaları I tobında sınğa tüsedі. Qarsılastarı - Belgïya, Şotlandïya, Kïpr jäne San Marïno. Ekі qurama da 21 nawrızda alğaşqı twr oyındarın ötkіzіp ülgerdі. Qazaqstan öz alañında Şotlandïyanı 3:0 esebіmen oysırata jeñdі. Resey sırt alañda Belgïyağa 1:3 esebіmen jol bergen.

Qos qurama buğan deyіn ekі märte joldastıq kezdesw ötkіzdі. Alğaşqı oyın 2008 jıldıñ 23 mamırında boldı. Bul jolı Resey sapınan Pavel Pogrebnyak, Vladïmïr Bıstrov, Konstantïn Zıryanov, Dïnïyar Bïlyaletdïnov, Dmïtrïy Torbïnskïy jäne Dmïtrïy Sıçev gol soqtı. Qazіr atalmış quramadan Yurïy Jïrkov qana bar. Kelesі kezdesw 2015 jıldıñ 31 mamırında oynaldı. Resey astanası - Mäskew qalasında bolğan kezdeswde esep aşılğan joq.

Ayta ketsek, atalmış oyındı Prezïdent Qasım-Jomart Toqaev, Premer-mïnïstr Asqar Mamïn, Prezïdentі Äkіmşіlіgіnіñ basşısı Baqıtjan Sağıntaev tamaşalap otır.

 

Avtor: Ayan Bekenulı
Bastı sözder: Nur-Sultan, Sport, Resey,
Joğarı qaray