Aýa raıy
Astana 21 °S
Almaty 20 °S
valıýta baǵamy
USD 386.34
EUR 427.25
RUB 5.88
CNY 54.57

Qazaqstan Prezıdenti Bas prokýratýra aldyna birqatar mindetter qoıdy

2019 jyldyń 30 mamyr 2019 15:31 927

NUR-SULTAN. QazAqparat - Qazaqstan Prezıdenti Qasym-Jomart Toqaev Bas prokýror Ǵızat Nurdáýletovti qabyldady, dep habarlaıdy Aqorda.

Kezdesý barysynda Memleket basshysyna elimizdegi zańdylyq pen quqyq tártibiniń ahýaly jóninde esep berildi.

Bas prokýror Qazaqstan Prezıdentine qylmys deńgeıiniń tómendegenin jáne qylmystyq úderistegi azamattardyń konstıtýtsııalyq quqyǵyn qorǵaý boıynsha júrgizilip jatqan jumystar men qylmystyń jekelegen túrlerine qarsy kúres týraly baıandady.

Qasym-Jomart Toqaevqa elektrondy qylmystyq jáne ákimshilik is júrgizýdi engizý, sondaı-aq, tekserýlerdi taǵaıyndaý úderisin avtomattandyrý barysy týraly málimdeldi.

Memleket basshysy qoǵamnyń barlyq salasynda quqyq ústemdigin qamtamasyz etý jumystaryn jalǵastyrý qajettigin atap ótip, azamattardyń quqyǵy prokýrorlardyń erekshe nazarynda bolýy tıis ekenin aıtty.

«Prokýratýra organdary áleýmettik jáne basqa da memlekettik baǵdarlamalarǵa bólingen bıýdjet qarjysyn jumsaý barysynda zańnyń qatań saqtalýyna qol jetkizýi qajet. Zańdylyqtyń buzylýyna múldem jol bermeý kerek», - dedi Qasym-Jomart Toqaev.

Sońynda Qazaqstan Prezıdenti qadaǵalaýshy organnyń aldyna basqa da birqatar mindetter qoıdy.

 

 

 

Joǵary qaraı