Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Qazaqstan men Jańa Zelandııa sút keshenderin qurý jobalaryn júzege asyrmaq

2019 jyldyń 23 mamyr 2019 10:36

NUR-SULTAN. QazAqparat - QR Aýyl sharýashylyǵy birinshi vıtse-mınıstri Aıdarbek Saparov Jańa Zelandııanyń Qazaqstandaǵy Tótenshe jáne Ókiletti Elshisi Ien Hılmen kezdesti, dep habarlaıdy QazAqparat tilshisi.

«Kezdesý barysynda taraptar Qazaqstannyń aýyl sharýashylyǵynyń qazirgi saıasaty, sondaı-aq eki el arasyndaǵy yntymaqtastyqtyń baǵyttary týraly pikir almasty. A.Saparov Qazaqstannyń agrarlyq kompanııalarynyń jáne Jańa Zelandııanyń aýyl sharýashylyǵy tehnıkasy men tehnologııalaryn jetkizetin kompanııalar arasyndaǵy kommertsııalyq yntymaqtastyq perspektıvalaryn talqylaýǵa daıyn ekendigin aıtty», - delingen QR AShM baspasóz qyzmeti taratqan aqparatta.

Vedomstvo málimetinshe, taraptar sút jáne qoı sharýashylyǵy salasyndaǵy yntymaqtastyq máselesine erekshe nazar aýdardy. Qazaqstan Respýblıkasynda mal sharýashylyǵyn damytý máselelerin sheshýdegi Jańa Zelandııanyń tehnologııalaryn qoldaný sapaly mal sharýashylyǵy ónimderin shyǵarýmen tıimdi sútti mal men qoı sharýashylyǵyn damytý úshin negiz qalaýǵa múmkindik beredi.

Jańa Zelandııa - sútti aýyl sharýashylyǵynda ınnovatsııalyq aýyl sharýashylyǵy tehnıkasy men tehnologııasyn shyǵaratyn el. Osyǵan baılanysty taraptar «Qazaqstan aýmaǵynda qazaqstandyq ónimderdi eksportqa shyǵarýdy jalǵastyra otyryp, Jańa Zelandııa tehnologııalary men jabdyqtaryn paıdalanatyn sút keshenderin qurý boıynsha birlesken ınvestıtsııalyq jobalardy iske asyrý múmkindigin talqylady. Bul baǵyt Qazaqstan men Jańa Zelandııa arasyndaǵy tehnologııalyq kópir salýdyń bastalýy desek te bolady», - dep atap ótedi mınıstrlikten.

Joǵary qaraı