Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Qazaqstan men Ulybrıtanııa strategııalyq yntymaqtastyqqa beıimdiligin rastady

2019 jyldyń 9 tamyz 2019 10:16

NUR-SULTAN. QazAqparat - Brıtandyq taraptyń bastamasymen Qazaqstan Syrtqy ister mınıstri Beıbit Atamqulov Ulybrıtanııa Syrtqy ister mınıstrliginiń Eýropa jáne Amerıka isteri jónindegi Memlekettik mınıstri Krıstofer Pınchermen telefon arqyly sóılesti. Bul týraly QR SІM-nen málim etti, dep habarlaıdy QazAqparat.

Mınıstr brıtandyq saıasatkerdi onyń jaqynda bolǵan taǵaıyndalýymen quttyqtap, brıtandyq Úkimet pen Syrtqy ister mınıstrliginiń jańa basshylyǵymen konstrýktıvti qarym-qatynastardyń odan ári damýyna qyzyǵýshylyqty atap ótti.

«Taraptar eki memleket arasyndaǵy strategııalyq yntymaqtastyqty odan ári nyǵaıtý men keńeıtýge ózara qyzyǵýshylyqty rastap, aldaǵy merzimde joǵary deńgeıdegi ózara saparlar men is-sharalardy uıymdastyrý boıynsha josparlardy qarastyrdy. Atap aıtqanda, kúzde Syrtqy ister mınıstrleri deńgeıindegi strategııalyq dıalogtyń jáne Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııanyń otyrystary, sondaı-aq bıylǵy. qazanda Londonda «Kazakhstan Global Investment Forum - 2019» ınvestıtsııalyq forýmy josparlanýda», - delingen vedomstvo aqparatynda.

Sondaı-aq ekijaqty yntymaqtastyqtyń ekonomıkalyq tusyn nyǵaıtý, qarjy jáne logıstıka salalaryndaǵy seriktestikti keńeıtý úshin Qazaqstannyń tranzıttik-kóliktik áleýetin jáne «Astana» Halyqaralyq qarjy ortalyǵynyń múmkindikterin barynsha tıimdi qoldaný qajettigin atap ótti.

Mádenı-gýmanıtarlyq jáne bilim salasyndaǵy yntymaqtastyqty nyǵaıtý, sonyń ishinde qazaqstandyq jastar úshin Ulybrıtanııanyń joǵary jáne orta oqý oryndarynda bilim alý múmkindikterin arttyrý, sondaı-aq eki eldiń joǵary oqý oryndary arasyndaǵy ózara yqpaldastyqty kúsheıtý mańyzdylyǵy aıtyldy.

Ulybrıtanııa taýar aınalymy boıynsha Qazaqstannyń eń iri saýda seriktesteriniń ondyǵyna kiredi. 2018 jyly ekijaqty saýda 1,2 mlrd AQSh dollaryn qurady. Sonymen qatar, Ulybrıtanııa Qazaqstannyń alty eń iri ınvestorlary qataryna kiredi. 2005-2018 jyldary tikeleı shetel ınvestıtsııalarynyń kólemi 13 mlrd AQSh dollaryn qurady. Qazaqstanda brıtandyq qatysýmen 800-den asa kompanııa tirkelgen. Aǵymdaǵy jyly Qazaqstanǵa Ulybrıtanııa Syrtqy ister mınıstrliginiń Eýropa jáne Amerıka isteri jónindegi Memlekettik mınıstri Alan Dankan jáne Ulybrıtanııa Premer-Mınıstriniń Qazaqstan boıynsha saýda ýákili Baronessa Emma Nıkolson saparmen kelip ketti.

Joǵary qaraı