Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Qazaqstan men Qyrǵyzstan arasyndaǵy saýdany arttyratyn qujat maquldandy

2019 jyldyń 16 qazan 2019 12:08

NUR-SULTAN. QazAqparat – Parlament Májilisiniń jalpy otyrysynda «2003 jylǵy 25 jeltoqsandaǵy Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Memlekettik shekara arqyly ótkizý pýnktteri týraly kelisimge ózgerister engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«Qazirgi kezde eki el arasynda 11 avtomobıl ótkizý beketi bar, olardyń beseýi kópjaqty halyqaralyq, al altaýy - ekijaqty. Ekijaqty ótkizý beketteriniń tórteýinen ótetin adamdar men kólik quraldarynyń qarqyny óte tómen bolýy sebepti olar 2010 jyly jabylǵan. Qazirgi kezde jumys istep turǵan jeti ótkizý beketinen jylyna 11 mıllıondaı adam jáne 466 myń kólik quraly ótýde. Sondaı-aq 2018 jyly avtomobıl kóligimen júk tasymaldaý Qazaqstan men Qyrǵyzstan arasynda 43 paıyzǵa artyp, 1,7 mln tonnany qurady», - dep atap ótti QR Indýstrııa jáne ınfraqurylymdyq damý mınıstri Beıbit Atamqulov.

Onyń sózine qaraǵanda, hattamada Sarytóbe jáne Aýqatty avtomobıl ótkizý pýnktteriniń mártebesin ekijaqtydan «kópjaqty halyqaralyqqa» aýystyrý eskerilgen. Sonymen qatar, «Novovoskresenovka» ótkizý beketiniń ataýyn «Sypataı batyr» dep ózgertý kózdelgen.

«Bul sharalar óz kezeginde Qarasý jáne Qordaı avtomobıl ótkizý beketterindegi kólik aǵynyn jeńildetýge múmkindik bere otyryp, Qazaqstan jáne Qyrǵyzstan arasyndaǵy saýda-ekonomıkalyq qatynastyń odan ári damýyn jaqsartady. Sondaı-aq Ortalyq Azııa memleketteriniń taýar aınalymyna oń áserin beredi», - dedi Atamqulov.

Joǵary qaraı