Aýa raıy
Astana 18 °S
Almaty 13 °S
valıýta baǵamy
USD 386.70
EUR 427.15
RUB 6.06
CNY 54.57

25 qyrkúıekte Baıqońyr ǵarysh aılaǵynan tuńǵysh ret BAÁ ǵaryshkeri ushady

2019 jyldyń 23 tamyz 2019 09:01

NUR-SULTAN. QazAqparat - Syrtqy ister mınıstri Beıbit Atamqulov Birikken Arab Ámirlikteriniń Qazaqstan Respýblıkasyndaǵy Elshisi Muhammad ál-Djaberdi qabyldady, dep habarlaıdy QR Syrtqy ister mınıstrliginiń baspasóz qyzmeti.

Taraptar ekijaqty saıası, ekonomıkalyq jáne mádenı-gýmanıtarlyq yntymaqtastyqtyń jaı-kúıi men perspektıvalary, óńirlik jáne halyqaralyq kún tártibindegi ózekti máselelerge qatysty keń aýqymdy máselelerdi talqylady.

«Qazaqstan Respýblıkasy men Birikken Arab Ámirlikteri sońǵy jyldary eleýli oń serpin alǵan dástúrli dostyq, áriptestik qarym-qatynastardy baılanystyrady. Biz barlyq salalardaǵy ózara tıimdi baılanystardy odan ári de belsendi túrde arttyrýǵa, halyqaralyq kún tártibindegi ózekti máseleler boıynsha ustanymdardy salystyrýǵa, Qazaqstan-ámirliktik eki jaqty qatynastardyń quqyqtyq negizderin nyǵaıtýǵa birlesip járdemdesýge nıettimiz», - dedi SІM basshysy.

Kezdesý barysynda ámirlik Elshi mınıstrge BAÁ Prezıdenti Sheıh Halıfa ben Zaıd Ál Nahaıannyń Qazaqstan Respýblıkasynyń Prezıdenti Qasym-Jomart Toqaevqa Ámirlikterge saparmen kelip qaıtýǵa shaqyrýyn tabys etti.

Eki eldiń syrtqy saıası vedomstvolarynyń basshylary teń tóraǵalary bolyp tabylatyn Qazaqstan-ámirlik úkimetaralyq komıssııasynyń 7-shi otyrysyna daıyndyq kelissózderdiń erekshe taqyryby boldy. Taraptar bul komıssııa ekijaqty saýda-ekonomıkalyq yntymaqtastyqty tereńdetýdiń basty tetigi bolyp tabylatynyna kelisti.

Ǵaryshty ıgerý boıynsha birlesken yntymaqtastyq keń perspektıvalary ashady. Osyǵan baılanysty, taraptar №1 alańda («Gagarındyq start») «Soıýz» starttyq keshenin jáne ushyrý qyzmetteriniń álemdik naryǵynda suranysqa ıe «Soıýz-2» orta klasty zymyran tasyǵyshyn jańǵyrtý jolymen «Baıqońyr» ǵarysh aılaǵynda ǵarysh zymyran keshenin qurý jónindegi jobanyń mańyzdylyǵyn atap ótti. Qazaqstan jáne Emırattarmen qatar Reseı Federatsııasy da jobanyń seriktesi bolyp tabylady.

Ámirlik tarap BAÁ ǵarysh salasyn damytýǵa qoldaý kórsetkeni jáne yntymaqtastyǵy úshin Qazaqstanǵa alǵys bildirdi. Elshi sondaı-aq, 25 qyrkúıekte Baıqońyr ǵarysh aılaǵynan birinshi ámirlik ǵaryshker Hazaa ál-Mansýrıdiń ushýy josparlanǵanyn jáne osy startqa BAÁ Joǵary bilim berý memlekettik mınıstri, Ulttyq ǵarysh agenttiginiń tóraǵasy Ahmad Belhýl Ál Falasıdiń qatysýy josparlanǵanyn habarlady.

Joǵary qaraı