Aýa raıy
Astana 17 °S
Almaty 30 °S
valıýta baǵamy
USD 387.34
EUR 428.44
RUB 6.04
CNY 54.58

Qazaqstan Elshisi Germanııa Prezıdentine senim gramotasyn tabystady

2019 jyldyń 19 tamyz 2019 21:51

BERLIN. QazAqparat – Berlındegi «Belvıý» saraıynda Qazaqstannyń Elshisi Dáýren Káripov Germanııa Federatıvtik Respýblıkasynyń Federaldy Prezıdenti Frank-Valter Shtaınmaıerge senim gramotasyn tabystady. Bul týraly QR Syrtqy ister mınıstrliginen málim etti, dep habarlaıdy QazAqparat.

Saltanatty rásimnen keıin bolǵan suhbat barysynda Elshi D.Káripov F.-V.Shtaınmaıerge Qazaqstannyń Prezıdenti Qasym-Jomart Toqaevtyń sálemin joldady, sondaı-aq Qazaqstan-Germanııa saıası, ekonomıkalyq jáne mádenı-gýmanıtarlyq qarym-qatynasy strategııalyq seriktestiginiń joǵary deńgeıin atap aıtty.

Qazaqstandyq dıplomat Germanııa Prezıdentine Qazaqstandaǵy ekonomıkany jańǵyrtý, áleýmettik salany damytý jáne demokratııalandyrý jónindegi QR Tuńǵysh Prezıdenti – Elbasy Nursultan Nazarbaevtyń jáne Memleket basshysynyń bastamasymen júzege asyrylyp jatqan sharalar týraly habardar etti. D.Káripov ekijaqty baılanystardyń barlyq kesheni boıynsha memleketaralyq qarym-qatynasty nyǵaıtý jáne ózara múddelerge jaýapty mindetterdi júzege asyrýǵa qatysty kúsh-jigerdi arttyrý jónindegi eki el arasyndaǵy yntymaqtastyq tetikterin jetildirýdiń mańyzdylyǵyn atap ótti.

Nemis Prezıdenti Qazaqstannyń turaqty damýyna joǵary baǵa berip, Memleket basshysy Q.Toqaevtyń eldegi jańa saıası bastamalaryna tabys tiledi.





Bul turǵyda Germanııanyń Federaldy Prezıdenti 2017 jyly Nur-Sultan qalasyna jasaǵan sapary aıasynda ótken Qazaqstan-German iskerlik keńesi barysynda eki eldiń bıznes qurylymdary arasynda 20-ǵa jýyq kelisimge qol qoıylǵanyn eske aldy. Ol QR Prezıdenti Q.Toqaevtyń Germanııaǵa jasaıtyn alǵashqy eýropalyq saparyn bıyl ótkizý perspektıvasyn qoldaı otyryp, eki el úshin memlekettik basym salalarda Qazaqstanmen jan-jaqty yntymaqtastyqty damytýǵa degen nemis tarapynyń shynaıy peıilin bildirdi.

Kezdesý sońynda F.-V.Shtaınmaıer Qazaqstan basshylyǵyna dostyq sálem joldap, Elshi D.Káripovke dıplomatııalyq mıssııasyn oryndaýda tabys tiledi.

Joǵary qaraı