Aýa raıy
Astana 5 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

Qazaqstan batysyndaǵy úsh óńirde polıgondarda snarıadtar jarylýda

2019 jyldyń 19 mamyr 2019 20:02

ATYRAÝ. QazAqparat - Qazaqstan batysyndaǵy úsh óńirde polıgondarda snarıadtar jarylýda, dep habarlaıdy «QazAqparat» HAA arnaýly tilshisi.

«Batys» óńirlik qolbasshylyǵynyń oqý-jattyǵý polıgondarynda jarylmaı qalǵan snarıadtardan alańdy tazartý jumystary júrgizilýde. Oǵan ınjenerlik-saperlik bólimsheler men polıgondyq komandalar, sondaı-aq jol talǵamaıtyn áskerı tehnıka jumyldyrylǵan. Tazartýǵa jatatyn aýmaqtyń jalpy kólemi 50 myń gektardan astamdy quraıdy. Bul - Mańǵystaý, Atyraý jáne Aqtóbe oblystarynda ornalasqan «Oımasha», «Beket Ata», «Eset Batyr» jáne «Qarabatan» oqý-jattyǵý polıgondarynyń ýchaskeleri. Polıgondardy josparly túrde tolyqtaı tazartý jylyna eki ret júrgiziledi. Negizgi maqsat - jeke qurammen oqý-jattyǵý ótkizý barysynda qaýipsizdikti qamtamasyz etý úshin jarylmaı qalǵan snarıadtar men oq-dárilerdi joıý», - dep málim etti «Batys» óńirlik qolbasshylyǵynyń áskerleri qolbasshysy basqarmasynyń baspasóz qyzmetinen.

Atap ótilgendeı, qaýipsizdik maqsatynda jarylý qaýpi bar barlyq zattar jatqan jerinde jarý arqyly joıylady. Saper-áskerı qyzmetshiler qorǵanysqa arnalǵan jeke quraldarmen, brondalǵan keýdeshelermen, saperlerdiń arnaıy kostıýmimen qamtamasyz etilgen. Sonymen qatar jarylý qaýpi bar zattardy 0,6 metr tereńdikte anyqtaýǵa múmkindik beretin zamanaýı mına izdegishter qoldanylýda.



















Avtory A.Sokolov

Joǵary qaraı