Aýa raıy
Astana 24 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Qazaqstan Aral teńiziniń soltústik bóligin qalaı saqtap qaldy

2019 jyldyń 21 aqpan 2019 13:10 1548

ASTANA. QazAqparat - Aral máselesin sheshýge 1993 jyldan 2017 jylǵa deıin 900 mln teńgeden astam qarajat bólingen. Parlament Májilisiniń qabyrǵasynda Aral máselesine qatysty ótken dóńgelek ústelde bul týraly QR Parlamenti Májilisiniń Ekologııa máseleleri jáne tabıǵat paıdalaný komıtetiniń tóraǵasy Gleb egelskıı aıtyp berdi, dep habarlaıdy QazAqparat tilshisi.

Eske sala ketsek, búgin Parlament Májilisinde bir top depýtattar men ártúrli mınıstrlik ókilderi Aral teńiziniń tartylýy máselesin talqylaǵan bolatyn.

«Aral óńiriniń ekonomıkalyq, ekologııalyq jáne áleýmettik máselelerin zańnamalyq retteý» taqyryndaǵy dóńgelek ústel barysynda QR Parlamenti Májilisiniń Ekologııa máseleleri jáne tabıǵat paıdalaný komıtetiniń tóraǵasy Gleb egelskıı atalmysh ekologııalyq máseleni sheshý baǵytyndaǵy jumystar týraly áńgimeledi.

«Prezıdent Nursultan Nazarbaevtyń bastamasymen ári turaqty baqylaýy boıynsha 2005 jyly Kókaral sý qoımasy salynǵan edi. Osynyń arqasynda kishi Aralda sý deńgeıi kóterilip, sýdyń mıneralızatsııasy tómendedi», - deıdi depýtat.

Gleb egelskıı atalmysh joba Búkilálemdik banktiń qarjylaı qoldaýynyń arqasynda iske asqanyn eske saldy. Aral teńiziniń máselesin retteýge sonymen birge BUU, ıÝNESKO, EYQU, ıÝNISEF sekildi halyqaralyq qaýymdastyqtar da atsalysqan.

«1993 jyldan 2017 jylǵa deıin Araldyń qazaqstandyq bóliginde 905 mln teńge bolatyn 110 joba júzege asyryldy. Atalmysh qarajattyń úshten biri donorlyq qarajat ekenin aıta ketý kerek. Osy jumystardyń arqasynda teńizdiń soltústik bóligin saqtap qalý múmkindigi týdy. Kishi Aral atanǵan ol jerde qazirgi ýaqytta balyq sharýashylyǵy jumys istep tur. Aral aýdanynyń ózinde ǵana 16 shaǵyn óńdeý ónerkásibi jumys isteıdi. Ol jerde jylyna 8 myń tonnaǵa deıin balyq aýlanyp, balyqtyń basym bóligi eksportqa shyǵarylyp jatyr», - dedi Gleb egelskıı.

Foto: kazakhstan.orexca.com

 

Joǵary qaraı