Awa rayı
Astana -4 °S
Almatı 4 °S
valyuta bağamı
USD 378.17
EUR 429.11
RUB 5.88
CNY 56.48

Qazaqstan Aral teñіzіnіñ soltüstіk bölіgіn qalay saqtap qaldı

2019 jıldıñ 21 aqpan 2019 13:10 618

ASTANA. QazAqparat - Aral mäselesіn şeşwge 1993 jıldan 2017 jılğa deyіn 900 mln teñgeden astam qarajat bölіngen. Parlament Mäjіlіsіnіñ qabırğasında Aral mäselesіne qatıstı ötken döñgelek üstelde bul twralı QR Parlamentі Mäjіlіsіnіñ Ekologïya mäselelerі jäne tabïğat paydalanw komïtetіnіñ törağası Gleb Şegelskïy aytıp berdі, dep xabarlaydı QazAqparat tіlşіsі.

Eske sala ketsek, bügіn Parlament Mäjіlіsіnde bіr top depwtattar men ärtürlі mïnïstrlіk ökіlderі Aral teñіzіnіñ tartılwı mäselesіn talqılağan bolatın.

«Aral öñіrіnіñ ekonomïkalıq, ekologïyalıq jäne älewmettіk mäselelerіn zañnamalıq rettew» taqırındağı döñgelek üstel barısında QR Parlamentі Mäjіlіsіnіñ Ekologïya mäselelerі jäne tabïğat paydalanw komïtetіnіñ törağası Gleb Şegelskïy atalmış ekologïyalıq mäselenі şeşw bağıtındağı jumıstar twralı äñgіmeledі.

«Prezïdent Nursultan Nazarbaevtıñ bastamasımen ärі turaqtı baqılawı boyınşa 2005 jılı Kökaral sw qoyması salınğan edі. Osınıñ arqasında kіşі Aralda sw deñgeyі köterіlіp, swdıñ mïneralïzacïyası tömendedі», - deydі depwtat.

Gleb Şegelskïy atalmış joba Bükіlälemdіk banktіñ qarjılay qoldawınıñ arqasında іske asqanın eske saldı. Aral teñіzіnіñ mäselesіn rettewge sonımen bіrge BUU, YuNESKO, EIQU, YuNÏSEF sekіldі xalıqaralıq qawımdastıqtar da atsalısqan.

«1993 jıldan 2017 jılğa deyіn Araldıñ qazaqstandıq bölіgіnde 905 mln teñge bolatın 110 joba jüzege asırıldı. Atalmış qarajattıñ üşten bіrі donorlıq qarajat ekenіn ayta ketw kerek. Osı jumıstardıñ arqasında teñіzdіñ soltüstіk bölіgіn saqtap qalw mümkіndіgі twdı. Kіşі Aral atanğan ol jerde qazіrgі waqıtta balıq şarwaşılığı jumıs іstep tur. Aral awdanınıñ özіnde ğana 16 şağın öñdew önerkäsіbі jumıs іsteydі. Ol jerde jılına 8 mıñ tonnağa deyіn balıq awlanıp, balıqtıñ basım bölіgі eksportqa şığarılıp jatır», - dedі Gleb Şegelskïy.

Foto: kazakhstan.orexca.com

 

Joğarı qaray