Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qazaq jigiti Qytaı polıtsııasy arasynda «Boks patshasy» atandy - Sheteldegi qazaq tildi BAQ-qa sholý

2019 jyldyń 20 sáýir 2019 12:51

ASTANA. QazAqparat - «QazAqparat» HAA shet elde qazaq tilinde taraıtyn aqparat kózderine aptalyq sholýyn usynady.

Qazaqstannan taza et ımporttalatyn boldy - «Jenmın jıbao» (People Daily)



Qytaı Halyq Respýblıkasy Shyńjań ólkesiniń «Dostyq - Alashańqaı» shekara ótkelinde maldy soıý jáne karantındik alańdar men et óńdeý óndirisine qajetti nysandardyń irgetasyn qalaý rásimi ótti, dep habarlaıdy kazakh.people.com.cn saıty.

Atalǵan aqparat kóziniń dereginshe, nysan qurylysy aıaqtalǵan soń, bul jer Qazaqstannan tiri maldy (sıyr) tikeleı ótkizip alatyn Shyńjańdaǵy tuńǵysh orynǵa aınalmaq.

«Jańa nysandy «Juńshın qurylys» JShS 660 mıllıon ıýan qarjy shyǵaryp, salyp jatyr. Munda mal soıatyn 5 alań bolady. Birinshi merzimdegi qurylystyń aıaqtalýymen jylyna 100 myń sıyr, 30 myń qoı jáne 12 myń jylqyny soıýǵa múmkindik týmaq. Nysan bıylǵy qazan aıyna deıin salynyp bolady. Al ekinshi merzimdegi qurylys jumystary paıdalanýǵa berilgen soń, jyldyq mal soıý kólemi, sıyr 140 myńǵa, qoı 70 myńǵa, jylqy sany 18 myń basqa jetedi. Bul kezektegi nysan qurylysyn keler jyly qazan aıynda aıaqtaý josparlanǵan. Osy arqyly qytaılyq tutynýshylar Qazaqstannyń ekologııalyq taza et ónimin molyna paıdalaný múmkindigi artady», - dep jazady atalǵan BAQ.

Qytaılyq saıttyń jazýynsha, Qazaqstandaǵy túrli kásiporyndar atalǵan nysandy jem-shóppen qamdaý qajeti kelisilgen. Osy ýaqytqa deıin eki eldiń shekarasynan tek tiri jylqy ótkizilgen eken.

Qýandyq Arystanuly Mońǵolııa elinde ótken jekpe-jekte kúmis júldeger atandy - KAZNEWS



null

Mońǵolııanyń Quqyq qorǵaý ýnıversıtetiniń 85 jyldyǵyna oraı ótken jekpe-jekte 805-shi Іshki áskerı bólimniń qyzmetkeri Qýandyq Arystanuly kúmis júldege ıe boldy, dep habarlaıdy KAZNEWS aqparattyq portaly.

«Atalǵan jarysqa 22 klýbtan 300-ge jýyq sportshy qatysty. Jarystyń 55 keli salmaq dárejesinde 805-shi Іshki áskerı bólimniń qyzmetkeri Qýandyq Arystanuly kúmis júldege ıe boldy. Al, ýnıversıtettiń Shekaralyq qyzmet fakýltetiniń arnaıy daıyndyq kýrsynyń jekpe-jek úıirmesiniń ustazy Ońalbek Qaýshanuly jarystyń «úzdik» tóreshisi atandy», - dep jazady KAZNEWS aqparattyq portaly.



null

Ózbekstan men Qazaqstan joǵary oqý oryndary birlesken kafedralar ashýǵa kelisti - «ÓzA» aqparattyq agenttigi



null

Ózbekstanda ótken Qazaqstan kúnderi aıasynda Temirbek Júrgenov atyndaǵy qazaq ulttyq óner akademııasy men Ózbekstan memlekettik mádenıet jáne óner ınstıtýty birlesken kafedralar ashýǵa kelisti, dep habarlaıdy Ózbekstannyń «ÓzA» memlekettik aqparattyq agenttigi.

«Ózbekstanda ótip jatqan Qazaqstan kúnderi aıasynda Temirbek Júrgenov atyndaǵy qazaq ulttyq óner akademııasy rektory, fılosofııa doktory (PhD) Ashat Maemırov Ózbekstan memlekettik mádenıet jáne óner ınstıtýtyna keldi. Joǵary jáne arnaıy orta bilim berý mınıstrliginiń aqparatyna sáıkes, Ashat Maemırov aldymen oqý ordasy aýmaǵymen, sport jáne oqý ǵımarattarymen tanysqan. Sondaı-aq, sabaq barysymen tanysyp, mundaǵy stýdentterge jasalǵan múmkindikterge baılanysty jyly lebizin bildirgen. Sapar barysynda Ózbekstan memlekettik mádenıet jáne óner ınstıtýty rektory Ibrahym ıÝldashev pen Ashat Maemırov tarapynan ózara kelisimshartqa qol qoıyldy. Oǵan baılanysty eki jaqtyń bilim ordasynda bolashaqta birlesken kafedralar ashý, kadrlar almasý jáne stýdentterdiń eki jaqtyq bilim berý júıesin uıymdastyrý kózdelgen», - dep jazady «ÓzA» aqparattyq agenttigi.

Aıdynbek Qadylbekuly Qytaı polıtsııasynyń «Boks patshasy» ataǵyn jeńip aldy - Qytaıdyń «Ortalyq halyq radıosy» (CNR)

Aıdynbek Qadylbekuly Qytaı memleketiniń ishki ister salasynyń qyzmetkerli arasynda ótken boks chempıonatynda bas júldeni qanjyǵalady, dep jazady kazakcnr.com saıty.



null

«Aıdynbek Qadylbekuly Úrimji qalasynyń ishki ister organynda jumys isteıdi. Ol Qytaı memleketiniń ishki ister salasynyń qyzmetkerleri arasynda ótken boks chempıonatynda 81 kg salmaq dárejesi boıynsha bas júldeni jeńip aldy. Bul tek Aıdynbektiń jeke jeńisi emes, jalpy Shyńjań ólkesiniń ishki ister salasy úshin úlken mártebe boldy» dep jazady qytaılyq BAQ.

Atalǵan basylymnyń jazýynsha, Aıdynbek Qadylbekuly Altaı aımaǵy Qaba aýdanynyń týmasy. Aıdynbek Qytaıdaǵy tanymal jattyqtyrýshy, Qanat Islamnyń alǵashqy bapkeri Murat Boshaıulynyń shákirtteriniń biri. Ol 12 jasynan bastap boksqa qatysqan. 1997 jyly 17 jasynda Qytaı chempıonatynda 57 kg salmaq dárejesi boıynsha bas júlde enshilegen. 2000 jyldan bastap Úrimji qalasy ishki ister organynda polıtsııa qyzmetin atqaryp keledi.

Almatyda «Júz óleń» kitabynyń tusaýkeser rásimi ótti - «ÓzA» aqparattyq agenttigi



null

Almatydaǵy QR Ulttyq kitaphanasynda «Júz óleń» atty kitaptyń tusaýkeser rásimi ótti, dep jazady Ózbekstannyń «ÓzA» memlekettik aqparattyq agenttigi.

«Atalǵan kitap ótken 2018 jyl «Qazaqstandaǵy Ózbekstan jyly» dep jarııalanýyna oraı eki el arasyndaǵy ádebı baılanystardy nyǵaıtýǵa baǵyttalǵan joba retinde jaryq kórip otyr. «Tulǵa - dostyq» qoǵamdyq qory, «Ádebıet álemi» ortalyǵy, Abaı atyndaǵy qazaq ulttyq pedagogıkalyq ýnıversıtetiniń rektory Tahır Ospanuly Balyqpaevtyń qoldaýymen, Ózbekstan Jazýshylar Odaǵy, «Jastyq» jýrnaly redaktsııasymen birlesken «Júz óleń» atty joba aıasynda Ózbekstannyń jas býyn aqyndaryn negiz etken 20 aqynnyń óleńi qazaq tiline aýdarylyp, «Júz óleń» degen atpen kitap bolyp jaryq kórdi», - dep jazady «ÓzA» aqparattyq agenttigi.

Atalǵan saıttyń habarlaýynsha, osy joba boıynsha bıyl «Ózbekstandaǵy Qazaqstan jylynyń» ashylýyna baılanysty Qazaqstannyń jas talanttaryn negiz etken 20 aqynnyń óleńi Ózbekstan Respýblıkasynda «Júz óleń» degen atpen ózbek tiline aýdarylyp Ózbekstan Jazýshylar Odaǵy, «Jastyq» jýrnaly redaktsııasynyń qolǵa alýymen baspaǵa daıyndalyp jatyr.

Álemdegi tuńǵysh jabyq saýda ortalyǵyn bilesiz be? - TRT



null

Álemdegi tuńǵysh jáne eń iri jabyq saýda ortalyǵy - Ystanbuldaǵy Kapaly Charshy, dep jazady Túrkııa Radıo Televızııa portaly.

«Fatıh Sultan Mehmet padısha saldyrǵan Úlken bazar - tóbesi tam men kúmbezdermen jabylǵan dúkenderden turatyn tarıhı saýda ortalyǵy. 1461 jyly irgetasy qalanǵan. Kapaly Charshy estetıkalyq sáýletimen úlken labırıntke uqsaıdy. Ǵımarattyń 60-qa jýyq kóshesi, 3600-dan astam dúkeni bar. Barlyq aýmaǵy - 30 700 sharshy metr. 1460 jyldary salynǵan bazar Djevahır dep atalǵan. Onyń tabysy Aıasofııaǵa jumsalý úshin Fatıh Sultan Mehmetke berilgen. Artynan túrli dúkender ashylyp, Ystanbuldaǵy saýda ortalyǵyna aınalǵan. Úlken bazar búgingi tańda da jandylyǵyn, tanymaldyǵyn, qyzmetin jalǵastyrýda. Saýda ortalyǵyn kún saıyn 250-400 myń adam aralaıdy», - dep jazady atalǵan BAQ.



null

Tegerandaǵy QR Elshisi eki el arasyndaǵy saýda aınalymyn arttyrýǵa múddelilik tanytty - «Fars» aqparat agenttigi



null

Tegerandaǵy Qazaqstan elshisi Ashat Orazbaı eliniń Bandar-Abbas teńiz dálizindegi saýda aınalymyn arttyrýǵa múddelilik tanytty, dep habarlaıdy parstoday aqparat agenttigi.

«IRNA aqparat agenttiginiń málimeti boıynsha, Ashat Orazbaı beısenbi kúni dıplomattar tobymen Irannyń ońtústigindegi sháhıd Radjaı atyndaǵy portqa keldi. Onda elshi Qazaqstan dıplomattary tobynyń maqsatyn Iranmen kelissóz júrgizip, eki eldiń saýda aınalymyn arttyrýǵa qajet mehanızmdi tabý dep atady. Sháhıd Radjaı atyndaǵy port halyqaralyq soltústik-ońtústik dálizde ornalasqandyqtan júkti tıeý jáne túsirý turǵysynan zamanaýı múmkindikterge ıe.

Irannyń ońtústigindegi Hormozgon oblysynyń porttar jáne keme qatynasy uıymynyń dırektory Mýrodolla Afıfıpýr qazaqstandyq dıplomattar úshin Irannyń eń úlken portynyń jabdyqtalý jaǵdaıyn baıandady. Qazaqstan men Irannyń saýda aınalymy ótken alty jylda bes ese artyp, 400 mıllıon dollardan 2 mıllıard dollarǵa jetti», - dep jazady parstoday.

Avtor Baqytjol Kákesh
Basty sózder: Internet, Qandastar, Álem, BAQ,
Joǵary qaraı