Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Qazaq mádenıetin jahanǵa tanytý basty maqsatymyz - sheteldik ǵalym

2019 jyldyń 24 sáýir 2019 00:00

TALDYQORǴAN.QazAqparat - Qazaq mádenıetin jahanǵa tanytý - basty maqsatymyz. Taldyqorǵanda ótip jatqan «Jahandaǵy zamanaýı qazaqstandyq mádenıetti ilgerletý» atty І Halyqaralyq ǵylymı-praktıkalyq konferentsııaǵa qatysyp jatqan Parıjdik professor Olga Kıseleva osylaı dedi, - dep habarlaıdy QazAqparat tilshisi.

«Biz álemdik zamanýı ónerge áli kire qoımaǵan eldermen jumys isteımiz. Buǵan deıin Qytaı, Jańa Zelandııa, Koreıa, Ýkraına syndy elderde álemge tanylǵan mádenı jobalardy júzege asyrýǵa atsalystyq. Kórkemdik jobalarymyzdyń ishinde Qytaı elinde alǵash óneri boıynsha kommýnıkatsııalar men Ýkraınadaǵy holokostqa arnalǵan úlken eskertkishti atap ótýge bolady», - dedi Parıjdegi Sorbonna ýnıversıtetiniń professory Olga Kıseleva.

Endi sheteldik qonaqtar úsh kún boıy Qazaqstanda taǵy qandaı utymdy jobalardy iske asyrýǵa bolatynyn zerdeleıdi.




«Taldyqorǵan qalasyna Ulybrıtanııanyń, Frantsııanyń, Germanııanyń jáne TDM elderiniń úzdik ýnıversıtetteriniń professorlary men mádenıettanýshy azamattaryn, spıkerlerin shaqyrdyq. Olar ózderiniń mádenıetin eýropa, álem kóleminde qalaı nasıhattap jatqanyn kórsetýde», dedi Almaty oblystyq ishki saıasat basqarmasynyń basshysy Rýstam Alpysbaev.

Halyqaralyq konferentsııaǵa sheteldik qonaqtardan ózge, elimizdiń ár oblysyndaǵy rýhanı jańǵyrý ortalyqtarynyń ókilderi de qatysýda.

Esterińizge sala keteıik, osyǵan deıin Taldyqorǵanda Elbasynyń baǵdarlamalyq maqalasy aıasynda halyqaralyq konferentsııa bastalǵanyn habarlaǵan bolatynbyz.

Avtor Samal Qabysheva
Basty sózder: Almaty oblysy, Mádenıet, Qoǵam,
Joǵary qaraı