Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

«Qaısar» quramyna afrıkalyq fýtbolshy qosyldy

2019 jyldyń 14 shilde 2019 19:25 247

QYZYLORDA. QazAqparat - Qyzylordanyń «Qaısar» komandasy quramyna sheteldik jartylaı qorǵaýshy qosyldy, dep habarlaıdy QazAqparat tilshisi.

«Qaısar» komandasynyń basshylyǵy Kongo Demokratııalyq Respýblıkasy elinen kelgen Andre Býkıamen kelisimshartqa otyrdy. Andre Býkıa 1995 jyldyń 3 naýryzynda atalmysh memleket astanasy - Kınshasa qalasynda dúnıege kelgen. Ol jastaıynan Portýgalııanyń «Braga» komandasynda tálim aldy. Úlken fýtboldaǵy jolyn 2014 jyly sol eldiń «Vıla Real» komandasynda bastady. 2015-2018 jyldar aralyǵynda Portýgalııanyń «Boavıshta» klýby quramynda boldy. Sondaı-aq, ol bir jyl «Arýka» komandasyna jalǵa berildi. Byltyrdan beri sol komanda quramynda 31 oıynnan keıin 5 gol soqty. Andre Býkıa «Qaısar» sapynda 77 nómirli jeıdemen oıyn kórsetedi.

Aıta ketelik, «Qaısar» búgin syrt alańda Almatynyń «Qaırat» komandasymenkezdesedi.

Andre Býkıa atalmysh kezdesýde tusaýkeser oıynyn ótkizýi múmkin.

Esterińizge sala ketelik, «Qaısar» basshylyǵy Karlos Mıgel Tavares de Olıveıramen (Karlıtos) kelisimshartty úzdi. Ol komanda quramyna bıyl qosylyp, ózi qatysqan bes kezdesýde birde-bir gol soǵa alǵan joq.

Elimizdegi transferlik kezeń 26 maýsymda bastaldy. Ol 24 shildede máresine jetedi.

Keshe elimizdiń Premer-lıga komandalary arasyndaǵy birinshiliginiń 18-týryndaǵy eki oıyn ótkizildi. Taldyqorǵannyń «Jetisýy» óz aalńynda Pavlodardyń «Ertisimen» 4:0 esebimen teń tússe, «Aqtóbe» Qaraǵandynyń «Shahterimen» 2:2 esebimen teń oınady.

Búgin, 14 shildede qalǵan úsh oıyn ótkiziledi. Bul kúni «Oqjetpes» pen «Taraz», «Ordabasy» men «Tobyl», «Qaırat» pen «Qaısar» komandalary sheberlik baıqasady.

Avtor Ádiljan Úmbet
Basty sózder: Sport, Qoǵam,
Joǵary qaraı