Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

Qasym-Jomart Toqaevtyń vırtýaldy qabyldaýy ashylady

2019 jyldyń 20 sáýir 2019 10:06

NUR-SULTAN. QazAqparat - Memleket basshysy kún saıyn ártúrli aqparat kózderinen óte aýqymdy habarlamalar alady. Odan basqa, Prezıdent zamanaýı kommýnıkatsııa quraldaryna - ınternet resýrstary men áleýmettik jelilerge de erekshe kóńil bóledi, dep habarlaıdy QR Prezıdentiniń baspasóz hatshysy Berik Ýálı Feısbýktegi paraqshasynda.

Aqparattar tasqyny kún saıyn artyp keledi. Prezıdent mańyzdy oqıǵalardyń tamyryn der kezinde dóp basyp otyrýy kerek. Al memlekettik saıasattyń basty basymdyqtarynyń biri - halyqpen tıimdi keri baılanys ornatý, qoǵammen pikir almasýdy jolǵa qoıý.

Jýyrda Qazaqstan Prezıdenti óńir basshylarymen bolǵan jıynda mınıstrler men ákimderdi áleýmettik jelilerge tirkelip, halyqpen tikeleı baılanysta belsendi jumys isteýdi tapsyrǵan bolatyn.

Memleket basshysy retinde Qasym-Jomart Toqaev ózi úlgi kórsetip, tvıtterde (@TokayevKZ) akkaýntyn júrgizip keledi, jaqynda ǵana ınstagrammda (tokayev_online) paraqshasyn ashty. Atalǵan áleýmettik jeli alańdarynda halyq (ıaǵnı, áleýmettik jeli qoldanýshylary) ózderiniń suraqtaryn qoıyp, pikirlerin, usynystaryn jazyp jatyr.

Jazylǵan pikirlerdiń arasynda júıeli túrde jumys isteýdi qajet etetin óte qundy jáne mańyzdy aqparattar da bar. Sondyqtan da, Memleket basshysy azamattar resmı túrde suraý sala alatyndaı zańdyq kúshi bar Vırtýaldy qabyldaý ashýdy tapsyrdy. Azamattardyń osy Vırtýaldy qabyldaýǵa jazǵan ár haty tirkeledi, kelip túsken hattardy Prezıdenttiń ózi jáne Ákimshilik qyzmetkerleri qarastyrady.

Vırtýaldy qabyldaý Memleket basshysyna qoǵamdaǵy ózekti áleýmettik mańyzdy máselelerdi anyqtap, olardy shuǵyl sheshýge kómektesetini sózsiz.

Vırtýaldy qabyldaý Akorda.kz saıtynda 2019 jyldyń 22 sáýirinen bastap iske qosylady.

Avtor Erbol Janat
Basty sózder: BAQ, Internet, Qoǵam, Qazaqstan Prezıdenti,
Joǵary qaraı