Aýa raıy
Astana -5 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Qasym-Jomart Toqaevtyń Astana ataýyn ózgertý usynysy zańdy - Igor Rogov

2019 jyldyń 22 naýryz 2019 23:28

ASTANA. QazAqparat - QR Tuńǵysh Prezıdenti - Elbasy qorynyń atqarýshy dırektorynyń orynbasary Igor Rogov Astana ataýyn ózgertý týraly bastamaǵa pikirin bildirdi, dep habarlaıdy QazAqparat.

«Konstıtýtsııaǵa sáıkestik turǵysynan Prezıdent Qasym-Jomart Toqaevtyń Astana ataýyn ózgertý týraly qabyldaǵan sheshimi zańdy bolyp tabylady jáne el azamaty retinde bul usynysty qoldaımyn. Men ınaýgýratsııaǵa qatystym, onda Konstıtýtsııanyń barlyq talaptary saqtaldy. Bul rásim Qazaqstan Respýblıkasynyń Konstıtýtsııasy men zańdary boıynsha minsiz oryndaldy», - dedi Igor Rogov QazAqparat tilshisine bergen suhbatynda.

Igor Rogov mundaı sheshimderdi qabyldaýda Konstıtýtsııalyq Keńes tujyrymynyń mańyzdy ekenin atap ótti. Konstıtýtsııanyń 91-babynda ózgertýge jatpaıtyn qundylyqtar kórsetilgen.

«Ózgermeıtin qundylyqtar qatarynda Qazaqstannyń táýelsizdigi, onyń aýmaqtyq tutastyǵy, basqarý formasy, Elbasy negizin qalaǵan respýblıka qyzmetiniń prıntsıpteri bar. Óz áriptesterin, Parlament pen Prezıdent Ákimshiligindegi zańgerlik qyzmet ókilderin biletin zańger retinde asa mańyzdy máselelerge jete mán berilip, barlyq protsedýralar eskerildi dep oılaımyn», - dedi ol.

Joǵary qaraı