Aýa raıy
Astana 16 °S
Almaty 12 °S
valıýta baǵamy
USD 386.82
EUR 428.67
RUB 5.86
CNY 54.95

Qasym-Jomart Toqaev: Jaǵympazdardy jaqtyrmaımyn

2019 jyldyń 21 shilde 2019 22:27 1550

NUR-SULTAN. QazAqparat – Maǵan eshkim jaǵympazdanbaıdy. Bul týraly Memleket basshysy Qasym-Jomart Toqaev «31 arnada» kórsetilgen «Prezıdent 2.0» derekti fılminde aıtty, dep habarlaıdy QazAqparat tilshisi.


«Bilesiz be... Maǵan eshkim jaǵympazdanbaıdy. Bálkim, men ondaıdy unatpaıtyn bolǵandyqtan shyǵar. Unatpaý bylaı tursyn, ashyǵyn aıtsam ondaıdy jaqtyrmaımyn. Qazirdiń ózinde jaǵynýǵa tyrysyp jatqandar bar. Máselen, Ózbekstanǵa saparlap baryp qaıtqannan keıin «Tamasha!», «Mundaı esh ýaqytta bolmaǵan», «Keskin-kelbetimiz keremet boldy!» degen sııaqty sózder aıtyldy», - dedi Memleket basshysy.

Qasym-Jomart Toqaev mundaı jaǵympazdyqpen aıtylǵan sózderdi elemeýge tyrysatyndyǵyn, oǵan jaýap bermeıtindigin atap ótti.

«Estimegen adamdaı óte shyǵamyn. Óıtkeni, bul maqtaý sózderdiń kók tıyndyq quny joq. Eń basty synshy - ózim. Qaı jerde jarqyraı almaǵanymdy bilemin. Tipti qatal synshymyn deýge bolady», - dedi QR Prezıdenti.

Eske salsaq, buǵan deıin Memleket basshysy Qasym-Jomart Toqaevtyń belgili reseılik jýrnalıst Alekseı Pıvovarovqa bergen suhbatynyń negizinde «Prezıdent 2.0» derekti fılmi kórsetiletindigi týraly habarlaǵan bolatynbyz.

Avtor Marlan Jıembaı
Basty sózder: Qazaqstan Prezıdenti,
Joǵary qaraı