Aýa raıy
Astana 5 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Qasym-Jomart Toqaev XVI Eýrazııalyq medıa forým qatysýshylaryna quttyqtaý joldady

2019 jyldyń 23 mamyr 2019 11:06

NUR-SULTAN. QazAqparat - Almatyda XVI Eýrazııalyq medıa forým jumysyn bastady. Bıylǵy forýmnyń negizgi taqyryby «Búgingi álem: shyndyq transformatsııasy», dep habarlaıdy QazAqparat tilshisi.

Alqaly jıynda QR Aqparat jáne qoǵamdyq damý mınıstri Dáýren Abaev Qazaqstan Prezıdenti Qasym-Jomart Toqaevtyń quttyqtaý hatyn oqyp berdi.

«Qurmetti forým qatysýshylary, kezekti medıa forýmnyń bastalýymen shyn júrekten quttyqtaımyn. Osydan 15 jyldan astam ýaqyt buryn atalǵan alań qurylyp, onda jýrnalıster qoǵamdastyǵy barynsha ózekti taqyryptar tóńireginde keńinen pikir almasady. Forýmnyń ózi 2001 jyly Nıý-Iorkte oryn alǵan belgili oqıǵadan keıingi álemdik geosaıasattaǵy aıtarlyqtaı ózgeristerdi oı eleginen ótkizý úshin týyndaǵan edi. Medıa forýmda jyldan jylǵa halyqaralyq jáne óńirlik kúntártiptegi eń ótkir, kókeıtesti probelmalar talqylanady», - delingen Memleket basshysynyń quttyqtaýynda.

QR Prezıdenti forým jumysyna medıaqoǵamdastyqtyń 7,5 myńnan astam ókili, onyń ishinde álemniń 60 elinen 700 sarapshy qatysyp jatqandyǵyn atap ótken.

«Qazaqstan óz damýynyń mańyzdy kezeńine ótti. 9 maýsymda kezekten tys prezıdenttik saılaý ótedi. Bul oqıǵa halyqaralyq qoǵamdastyqtyń aıryqsha nazaryn aýdaryp úlgerdi. Men is basyndaǵy Qazaqstan Prezıdenti retinde ádil, ádiletti jáne demokratııalyq saılaý ótkizýden taımaımyn. Sondyqtan halyqaralyq baıqaýshylar delegatsııalary men buqaralyq aqparat quraldary ókilderiniń qatysýyn qoldaımyn», - dep atap ótedi Memleket basshysy quttyqtaýynda.

Sonymen qatar Prezıdent álemdik qoǵamdastyq adamdardy aqparattardyń zańsyz taralýynan qorǵaý máselesine alańdaýshylyq tanytyp otyrǵandyǵyna, tsıfrlyq tehnologııalardy qoldaný arqyly saılaýlar men saıası protsessterge aralasý problemasyn belsendi talqylap jatqandyǵyna nazar aýdartty.

«Áleýmettik ınstıtýttar Internet pen áleýmettik jelilerdiń, ásirese ósip kele jatqan jas býynǵa destrýktıvti yqpalyna alańdaýshylyq tanytyp otyr. Adamdar jańa qubylystar mıen qaterlerge ımmýnıtettiń qalyptasýyn qajetsinedi. Munyń barlyǵyn jáne ózge de problemalardy medıa qoǵamdastyqtar jan-jaqty jaýap alý maqsatynda baıyppen zerdeleýi qajet», - dep atap ótedi Qasym-Jomart Toqaev.

Avtor Marlan Jıembaı
Basty sózder: BAQ, Almaty,
Joǵary qaraı