Awa rayı
Nur-Sultan 11 °S
Almatı 18 °S
valyuta bağamı
USD 384.05
EUR 432.79
RUB 5.96
CNY 55.46

Qasım-Jomart Toqaev ştabınıñ müşelerі Qızılorda oblısınıñ jurtşılığımen kezdestі

2019 jıldıñ 26 mamır 2019 15:12 690

NUR-SULTAN. QazAqparat - Qazaqstan Prezïdenttіgіne kandïdat Qasım-Jomart Toqaevtıñ Respwblïkalıq qoğamdıq ştabınıñ müşelerі Qızılorda oblısında boldı. Sapar barısında olar bіrqatar eñbek ujımdarımen kezdesіp, jaqtastar forwmına qatıstı, dep xabarlaydı QazAqparat tіlşіsі «Nur Otan» partïyasınıñ saytına sіlteme jasap.

Jergіlіktі temіrjolşılarmen kezdesken Ştab müşelerі kandïdattıñ saylawaldı bağdarlamasınıñ basımdıqtarına toqtaldı. Sabaqtastıq, ädіldіk, örlew qağïdalarına negіzdelgen bağdarlamada xalıqtıñ äl-awqatın arttırw, jumıs іsteytіn azamattarğa layıqtı eñbekaqı tölew, älewmettіk qızmet türlerіnіñ sapasın jaqsartw sïyaqtı basım bağıttar naqtı körsetіlgen.

"Kandïdatımız jastar mäselesіne de erekşe män berіp otır. Jas urpaqtıñ sapalı bіlіm alıp, bäsekege qabіlettі maman bolıp qalıptaswı, turaqtı jumısqa ornalasıp, turğın üymen qamtamasız etіlwі Qasım-Jomart Toqaevtıñ bastı nazarında", - dedі ştab müşesі Gennadïy Şïpovskïx.

Sonımen bіrge Ştab müşelerі awıl şarwaşılığı salasınıñ qızmetkerlerіmen kezdesіp, bağdarlamada awıl turğındarına da qoldaw körsetw mäselesіne basımdıq berіlgenіn ayttı.

"Awıl turğındarına jağday jasaw kandïdatımızdıñ negіzgі basımdıqtarınıñ bіrі. Sondıqtan Saylawaldı bağdarlamada osı saladağı käsіpkerlerge qoldaw körsetw, olardıñ önіmderіn ötkіzwge jağday jasaw tetіkterі jan-jaqtı qarastırılğan. Sonday-aq Qasım-Jomart Toqaev «Awıl - el besіgі» jobası arqılı awıldardı keşendі türde damıtwdı, turğındardıñ ömіr sürw sapasın arttırwdı, aymaqtardıñ ïnfraqurılımın odan ärі jetіldіrwdі qolğa aladı. Bağdarlamada Elbasınıñ agroönerkäsіptіk keşendі swbsïdïyalaw іsіn jalğastırw mäselesі de körsetіlgen", - dedі Ştab basşısı Mäwlen Äşіmbaev.

Odan bölek, Qızılorda qalasında Qazaqstan Prezïdenttіgіne kandïdat Q.Toqaevtı qoldaw maqsatında jaqtastar forwmı öttі. Bіr mıñnan astam qoldawşı qatısqan forwmda kandïdattıñ bağdarlamasındağı negіzgі basımdıqtar keñіnen söz boldı.

Sonday-aq ügіt-nasïxat jumıstarı ayasında Q.Toqaevtıñ senіmdі ökіlderі oblıstıñ bіrqatar awdandarına barıp, jergіlіktі xalıqpen kezdestі.

 

 

Avtor: Marlan Jïembay
Bastı sözder: Qızılorda oblısı, Saylaw 2019,
Joğarı qaray