Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qasym-Jomart Toqaev Prezıdent laýazymyndaǵy maqsatyn jarııa etti

2019 jyldyń 23 naýryz 2019 13:41

ASTANA. QazAqparat - Búgin Túrkistan oblysy aktıvimen ótip jatqan jıyn barysynda Qasym-Jomart Toqaev Prezıdent laýazymyndaǵy maqsatyn jarııa etti, dep habarlaıdy QazAqparat tilshisi.

Jıyn barysynda Qazaqstan Prezıdenti eń aldymen barsha jurtshylyqtyń Ulystyń uly kúni Naýryz meıramymen shyn júrekten quttyqtady.

«Bıylǵy 19 naýryzda, kóktemniń shýaqty kúninde bárimiz elimizdegi tarıhı oqıǵaǵa kýá boldyq. Memleket bolashaǵyn oılaǵan Tuńǵysh Prezıdentimiz mańyzdy sheshim qabyldady. Osyndaı syndarly kezeńde Elbasyny jáne meni qoldaǵan barsha halqyma rızashylyǵymdy bildiremin. Biz bıliktiń aýysýyn turaqty jaǵdaıda júzege asyramyz. Mundaı jaǵdaı dúnıejúzi tarıhynda buryn bolmaǵan. Bul eń aldymen Elbasynyń parasattylyǵyn, keńdigin, sondaı-aq halqymyzdyń danalyǵyn bildiredi. Biz álemge órkenıetti el ekendigimizdi tanytyp, úlgi kórsettik. Osylaısha halqymyzdyń saıası mádenıetiniń joǵary ekendigin dáleldedik», - dep atap ótti Q.Toqaev.

Sonymen qatar Memleket basshysy bul bolashaq urpaq úshin de úlken úlgi-ónege ekendigin basa aıtty.

«Meniń negizgi maqsatym - Elbasynyń strategııalyq baǵytynyń sabaqtastyǵyn qamtamasyz etý. Men osy isti jalǵastyra beremin. Elbasy bizge tabysty memleket quryp berdi. Ol Qazaqstandy álemdegi ozyq elderdiń qataryna qosa bildi. Elbasy reformalary memlekettik ornyqty damý jolyna shyǵardy», - dedi QR Prezıdenti.

Q.Toqaev búginde búginde álemde básekelestik pen qatar jańa syn-qaterler ýshyǵyp turǵanyn, jalpy búkil dúnıejúzi daǵdarysqa ushyraǵandyǵyn atap ótti. Álemniń bolashaǵy bulyńǵyr ekendigine nazar aýdartty.

«Sondyqtan toqtap qalýǵa múldem bolmaıdy. Halqymyzdyń birligi, ultaralyq kelisim, kúshti ekonomıka ári qaraı alǵa basýymyzdyń negizi ári kepili», - dedi Memleket basshysy.




null

Joǵary qaraı