Awa rayı
Nur-Sultan 21 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Qasım-Jomart Toqaev: Koreya - Qazaqstan üşіn basımdıqqa ïe el

2019 jıldıñ 22 säwіr 2019 12:39 654

NUR-SULTAN. QazAqparat - Koreya Qazaqstan üşіn sawda-ïnvestïcïyalıq jäne texnologïyalıq ıntımaqtastıq turğısında basımdıqqa ïe memleketterdіñ bіrі. Bul twralı bügіn elіmіzge memlekettіk saparmen kelgen Koreya Respwblïkasınıñ Prezïdentі Mwn Çje Ïnmen keñeytіlgen quramdağı kelіssöz barısında QR Prezïdentі Qasım-Jomart Toqaev ayttı, dep xabarlaydı QazAqpart tіlşіsі.

«Qazaqstannıñ Täwelsіzdіgі jıldarı іşіnde bіzdіñ qarım-qatınasımız barlıq derlіk bağıttarda özara іs-qïmıldıñ sapalı jaña deñgeyіne köterіldі. Sawda-ekonomïkalıq ıntımaqtastıq jönіndegі ükіmetaralıq komïssïya, Іskerlіk keñesі jumıs іstep tur. Bіzdіñ elderіmіzdіñ azamattarı üşіn vïzasız rejïm іske qosılğan, memleketterіmіzdіñ arasında turaqtı tіkeley äwe qatınastarı aşılğan. Ekіjaqtı tawar aynalımı kölemіnіñ turaqtı ösіp kele jatqandığı da qwantadı. Ötken jıldıñ qorıtındısında onıñ körsetkіşі rekordtıq 4 mlrd dollarğa jetіp, 2017 jılğı kölemnen 2 esege jwıq asıp tüstі», - dedі QR Przïdentі Aqordada.

Memleket basşısı Koreya Respwblïkası Qazaqstan üşіn sawda-ïnvestïcïyalıq jäne texnologïyalıq ıntımaqtastıq turğısında basımdıqqa ïe 10 eldіñ qatarına kіretіndіgіn atap öttі.

«Bіz bul bağıtta jaña mümkіnşіlіkterdі іzdewge jäne özara іs-qïmıldı  odan arı tereñdetwge müddelіmіz. Qazaqstanğa salınğan tіkeley ïnvestïcïya ağınınıñ özі şamamen 7 mlrd dollardı quradı. Bul salada tabısqa jetw derekterіnіñ sanı jetkіlіktі. Bul kezeñdegі іrі jobalardıñ bіrі koreylіk kompanïyalardıñ qatıswımen jüzege asırılıp jatqan Ülken Almatı aynalma avtomobïl jolınıñ qurılısı sanaladı.  Korey bïznesі Qazaqstannıñ tamaq, taw-ken bayıtw, avtomobïl jäne basqa da salalarda jemіstі jumıs іstewde. Osı mısaldardıñ barlığı Qazaqstanğa ïnvestïcïya salwğa qızığwşılıq tanıtatın özge de oñtüstіkoreylіk kompanïyalar üşіn jağımdı körsetkіş», - dedі Q.Toqaev.

 

 

Joğarı qaray