Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

Qasym-Jomart Toqaev: Koreıa - Qazaqstan úshin basymdyqqa ıe el

2019 jyldyń 22 sáýir 2019 12:39

NUR-SULTAN. QazAqparat - Koreıa Qazaqstan úshin saýda-ınvestıtsııalyq jáne tehnologııalyq yntymaqtastyq turǵysynda basymdyqqa ıe memleketterdiń biri. Bul týraly búgin elimizge memlekettik saparmen kelgen Koreıa Respýblıkasynyń Prezıdenti Mýn Chje Inmen keńeıtilgen quramdaǵy kelissóz barysynda QR Prezıdenti Qasym-Jomart Toqaev aıtty, dep habarlaıdy QazAqpart tilshisi.

«Qazaqstannyń Táýelsizdigi jyldary ishinde bizdiń qarym-qatynasymyz barlyq derlik baǵyttarda ózara is-qımyldyń sapaly jańa deńgeıine kóterildi. Saýda-ekonomıkalyq yntymaqtastyq jónindegi úkimetaralyq komıssııa, Іskerlik keńesi jumys istep tur. Bizdiń elderimizdiń azamattary úshin vızasyz rejım iske qosylǵan, memleketterimizdiń arasynda turaqty tikeleı áýe qatynastary ashylǵan. Ekijaqty taýar aınalymy kóleminiń turaqty ósip kele jatqandyǵy da qýantady. Ótken jyldyń qorytyndysynda onyń kórsetkishi rekordtyq 4 mlrd dollarǵa jetip, 2017 jylǵy kólemnen 2 esege jýyq asyp tústi», - dedi QR Przıdenti Aqordada.

Memleket basshysy Koreıa Respýblıkasy Qazaqstan úshin saýda-ınvestıtsııalyq jáne tehnologııalyq yntymaqtastyq turǵysynda basymdyqqa ıe 10 eldiń qataryna kiretindigin atap ótti.

«Biz bul baǵytta jańa múmkinshilikterdi izdeýge jáne ózara is-qımyldy odan ary tereńdetýge múddelimiz. Qazaqstanǵa salynǵan tikeleı ınvestıtsııa aǵynynyń ózi shamamen 7 mlrd dollardy qurady. Bul salada tabysqa jetý derekteriniń sany jetkilikti. Bul kezeńdegi iri jobalardyń biri koreılik kompanııalardyń qatysýymen júzege asyrylyp jatqan Úlken Almaty aınalma avtomobıl jolynyń qurylysy sanalady. Koreı bıznesi Qazaqstannyń tamaq, taý-ken baıytý, avtomobıl jáne basqa da salalarda jemisti jumys isteýde. Osy mysaldardyń barlyǵy Qazaqstanǵa ınvestıtsııa salýǵa qyzyǵýshylyq tanytatyn ózge de ońtústikoreılik kompanııalar úshin jaǵymdy kórsetkish», - dedi Q.Toqaev.

Joǵary qaraı