Aýa raıy
Astana 8 °S
Almaty 18 °S
valıýta baǵamy
USD 389.59
EUR 429.06
RUB 6.05
CNY 55.07

Qasym-Jomart Toqaev AQSh-qa barady

2019 jyldyń 21 qyrkúıek 2019 15:44

NUR-SULTAN. QazAqparat – QR Prezıdenti Qasym-Jomart Toqaev Nıý-Iork qalasynda (AQSh) ótetin BUU Bas Assambleıasynyń 74-sessııasyna qatysady. Bul týraly QR Prezıdentiniń baspasóz hatshysy Berik Ýálı aıtty, dep habarlaıdy QazAqparat.

Berik Ýálıdiń aıtýynsha, Qazaqstan Respýblıkasynyń Prezıdenti Qasym-Jomart Toqaev 2019 jyldyń 23-25 qyrkúıek aralyǵynda Nıý-Iork qalasynda (AQSh) ótetin BUU Bas Assambleıasynyń 74-sessııasyna qatysady.

«Bas Assambleıanyń jumysyna 196 delegatsııa, 100-ge jýyq memleket basshylary, BUU-ǵa múshe elderdiń 80-nen asa Úkimet jáne syrtqy saıasat vedomstvolarynyń jetekshileri qatysady. Osy mańyzdy sharanyń aıasynda 630 túrli kezdesýler ótedi dep josparlanýda.
Memleket basshysy Bas Assambleıanyń Jalpy pikirsaıysynda baıandama jasaıdy. Bıyl atalǵan pikirsaıys «Kedeılikti joıý, sapaly bilim berýdi jáne klımatty saqtaý is-qımyldary men jan-jaqty tásilderdi ilgeriletý úshin kópjaqty kúsh-jigerdi shoǵyrlandyrý» taqyrybynda ótedi», - dep jazady Berik Ýálı facebook paraqshasynda.

Sondaı-aq Prezıdent turaqty damý máseleleri jónindegi saıası Forýmda sóz sóıleıdi.

«Prezıdent turaqty damý máseleleri jónindegi joǵary deńgeıdegi saıası Forýmda sóz sóıleıdi. Budan bólek, Qasym-Jomart Toqaevtyń BUU-nyń Bas hatshysy Antonıý Gýterrıshpen, birqatar memleket jáne Úkimet basshylarymen, halyqaralyq uıym jetekshilerimen, amerıkalyq bıznes jáne transulttyq kompanııa ókilderimen, AQSh-tyń saıası jáne sarapshy top múshelerimen kezdesýi josparlanǵan. Qazaqstan Prezıdentiniń BUU BA-nyń joǵary deńgeıdegi jıynyna qatysýy elimizdiń birqatar syrtqy saıası bastamalaryn ilgeriletýge baǵyttalǵan. Atap aıtqanda, qarýsyzdandyrý jáne ony taratpaý, bitimgershilik, terrorızmge qarsy áreket etý ustanymdary talqylanady. Sonymen birge, keń aýqymdy halyqaralyq aýdıtorııanyń nazaryna ornyqty damý, azyq-túlik qaýipsizdigi, densaýlyq saqtaý jáne bilim berý júıesimen jappaı qamtý, qorshaǵan ortanyń azyp-tozýy syndy jahandyq kún tártibindegi ózekti máselelerge qatysty Qazaqstannyń kózqarasy usynylady»,- dedi QR Prezıdentiniń baspasóz hatshysy.


Basty sózder: Amerıka, Qazaqstan Prezıdenti,
Joǵary qaraı