Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Qaraǵandylyq dızaıner kómirden áshekeıler jasady

2019 jyldyń 26 naýryz 2019 17:40

QARAǴANDY. QazAqparat - Dızaıner Olga Tseller Qaraǵandyda óndirilgen kómirden jasaǵan áshekeılerin Máskeýde ótetin baıqaýda kópshilik nazaryna usynady, dep habarlaıdy QazAqparat tilshisi.

Qaraǵandyda «Úzdik dızaıner» atty ashyq halyqaralyq baıqaý ótti. Baıqaýda Qazaqstan, Reseı jáne Ózbekstannan kelgen dızaınerler ózderiniń kıim-keshekteri men áshekeılerin usyndy.

Baıqaý ulttyq kostıýmderdi kórsetýmen ashyldy. Odan ári dızaınerler etno-jáne eko-stıldegi toptamalardy usyndy. Maýsymnyń trendi kıizden jáne tabıǵı jibekten jasalǵan buıymdar boldy. Qazirgi sán obrazdardyń ártúrliligimen tańǵaldyrdy.

«Osy jylǵy baıqaý jańa baǵytta ótti. Bizge basqa qalalar men elderden dızaınerler keldi. Fashion ındýstrııasy kóp ilgerlep ketti», - deıdi jobanyń bastamashysy Irına Nechaeva.


null

Qaraǵandylyq Olga Tseller áshekeı dızaınynda úzdik dep tanyldy. Qazylar alqasy kenshiler qalasynyń ereksheligin beıneleıtin toptamany joǵary baǵalady. Sheber óz áshekeılerinde kómir men tabıǵı gúlder qoldanǵan.

«Negizi mamandyǵym ekonomıst. Tórt jyldan beri dızaın salasynda jumys jasaýdamyn. Barlyǵy hobbıden bastaldy. Men ózime jáne qurbylaryma arnalǵan aksessýarlar jasadym. Sodan keıin qara shaıyr ústine tabıǵı gúlderden áshekeı jasaý tehnologııasyn meńgerdim. Hobbıim kásibime aınaldy», - deıdi dızaıner Olga Tseller.

Joǵary qaraı