Awa rayı
Nur-Sultan 21 °S
Almatı 19 °S
valyuta bağamı
USD 378.83
EUR 430.99
RUB 6.04
CNY 55.05

Qarağandıdağı qayğılı oqïğa: Batwttı durıs ornatpağan azamat qamawğa alındı

2019 jıldıñ 26 mamır 2019 13:14 941

QARAĞANDI. QazAqparat - "Bala ölіmіne äkelіp soqqan ürmelі batwttı qoldanısqa engіzgen Qarağandı qalasınıñ 40 jastağı turğını «sawıq nısanın zañsız ärі, talapqa say ornalastırmağanı» üşіn ustalıp, waqıtşa ustaw oqşawlağışına qamaldı", dep mälіmdedі Qarağandı oblısı PD baspasöz qızmetі.

Eske sala keteyіk, 25 mamırda Qarağandı qalasınıñ Ortalıq demalıs sayabağında qattı jeldіñ saldarınan ürmelі batwt awdarılıp ketken bolatın.

​Oqïğa saldarınan 11 jastağı bala qaza tawıp, tağı da 2 bala türlі jaraqattarmen emxanağa jetkіzіldі.

​Atalğan faktіge qatıstı QR QK-nіñ 306 babı 3 tarmağına säykes «Adam ölіmіne alıp kelgen qawіpsіzdіk talaptarına jawap bermeytіn qızmet körsetw» boyınşa qılmıstıq іs qozğalğan.

​Tergew barısı Qarağandı oblısı Polïcïya departamentіnіñ jäne prokwratwrası basşılığınıñ baqılawında.

Sonday-aq bügіn Qarağandı qalasınıñ äkіmі Nurlan Äwbäkіrov jedel keñes ötkіzdі, onda wäkіlettі organdarğa ürlemelі attrakcïondardıñ qızmetіn toqtatw, sonday-aq ortalıq sayabaqtıñ barlıq attrakcïondarınıñ qawіpsіzdіkke säykestіgіn tekserwdі uyımdastırw twralı tapsırmalar berіldі.

"Qurmettі Qarağandı qalasınıñ turğındarı, batwttardı ornatw faktіlerіn bayqağan kezde polïcïyağa xabarlawdı ötіnemіz.

Sonımen qatar, barlıq ata-analardı oyın-sawıq jäne demalıs orındarına barw kezіnde qawіpsіzdіk texnïkasın saqtawğa şaqıramız", - dep xabarladı

Qarağandı qalası äkіmіnіñ baspasöz qızmetі.

 

 

Joğarı qaray