Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Qaraǵandydaǵy qaıǵyly oqıǵa: Batýtty durys ornatpaǵan azamat qamaýǵa alyndy

2019 jyldyń 26 mamyr 2019 13:14

QARAǴANDY. QazAqparat - "Bala ólimine ákelip soqqan úrmeli batýtty qoldanysqa engizgen Qaraǵandy qalasynyń 40 jastaǵy turǵyny «saýyq nysanyn zańsyz ári, talapqa saı ornalastyrmaǵany» úshin ustalyp, ýaqytsha ustaý oqshaýlaǵyshyna qamaldy", dep málimdedi Qaraǵandy oblysy PD baspasóz qyzmeti.

Eske sala keteıik, 25 mamyrda Qaraǵandy qalasynyń Ortalyq demalys saıabaǵynda qatty jeldiń saldarynan úrmeli batýt aýdarylyp ketken bolatyn.

​Oqıǵa saldarynan 11 jastaǵy bala qaza taýyp, taǵy da 2 bala túrli jaraqattarmen emhanaǵa jetkizildi.

​Atalǵan faktige qatysty QR QK-niń 306 baby 3 tarmaǵyna sáıkes «Adam ólimine alyp kelgen qaýipsizdik talaptaryna jaýap bermeıtin qyzmet kórsetý» boıynsha qylmystyq is qozǵalǵan.

​Tergeý barysy Qaraǵandy oblysy Polıtsııa departamentiniń jáne prokýratýrasy basshylyǵynyń baqylaýynda.

Sondaı-aq búgin Qaraǵandy qalasynyń ákimi Nurlan Áýbákirov jedel keńes ótkizdi, onda ýákiletti organdarǵa úrlemeli attraktsıondardyń qyzmetin toqtatý, sondaı-aq ortalyq saıabaqtyń barlyq attraktsıondarynyń qaýipsizdikke sáıkestigin tekserýdi uıymdastyrý týraly tapsyrmalar berildi.

"Qurmetti Qaraǵandy qalasynyń turǵyndary, batýttardy ornatý faktilerin baıqaǵan kezde polıtsııaǵa habarlaýdy ótinemiz.

Sonymen qatar, barlyq ata-analardy oıyn-saýyq jáne demalys oryndaryna barý kezinde qaýipsizdik tehnıkasyn saqtaýǵa shaqyramyz", - dep xabarlady

Qaraǵandy qalasy ákiminiń baspasóz qyzmeti.

Joǵary qaraı