Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Qaraǵandyda mektepke qabyldaýdyń jańa elektrondyq júıesi iske qosylady

2019 jyldyń 15 mamyr 2019 21:37

QARAǴANDY. QazAqparat - Qaraǵandylyqtar endi balalardy mektepke onlaın rejiminde ornalastyra alady. Jańashyldyq ata-analardyń ýaqytyn únemdeýge jáne sybaılas jemqorlyqqa jol bermeýge kómektesedi, dep habarlaıdy QazAqparat tilshisi.

1 maýsymnan bastap birinshi synypqa qabyldaý jáne mektepten mektepke aýysýǵa ótinishti http://school.kargoo.gov.kz/ru/ portaly boıynsha berýge bolady. Qyzmet saǵat 9.00-den bastap qoljetimdi.

Ótinishti durys resimdeý úshin balanyń elektrondyq fotosýreti, onyń týý týraly kýáliginiń skan nusqasy jáne balanyń densaýlyq pasportynyń skanerlengen 1, 17 jáne 18-shi úsh beti qajet. Ótinish berýshi qujattardyń qaraýǵa qabyldanǵany týraly SMS-habarlama alady.

Balasy birinshi synypqa baratyn ata-analarǵa onlaın-ótinimdi qalaı durys rásimdeý kerektigi týraly jalpy qalalyq ata-analar jınalysynda baıandalady. Ol 18 mamyr kúni saǵat 11.00-de Qaraǵandy qalasynyń barlyq mektepterinde ótedi. Ata-analar balany birinshi synypqa qabyldaý týraly ótinishti qalaı durys berýin synap kórýi úshin bul kúni júıe testilik rejimde jumys isteıtin bolady. Alaıda sol kúni keshke barlyq test ótinishteri joıylady, sebebi mektepke resmı qabyldaý áli ashylmaıdy.

Birinshi kezekte tirkelgen mekenjaıy boıynsha tańdalǵan mektepke jatatyn balalar qabyldanady. Al balalaryn basqa aýdanda ornalasqan mektepke bergisi keletinder úshin kvotalyq oryndar qarastyrylǵan. Ol orynda 1 tamyzdan keıin bólinedi. Bul rette gımnazııa men lıtseılerdiń balamen áńgimelesý jáne testileý ótkizýge quqyǵy bar.

Jańa júıe bir synypta 25 baladan artyq qabyldanbaıtyndaı etilip qurylǵan. Al eger synyp ınklıýzıvti bolsa, onda bir synyptaǵy oryn sany odan da az bolýy múmkin.

- Bul júıede ata-analar qalanyń barlyq mektepteriniń tizimin kórip, olardyń reıtıngterin de salystyra alady. Sonymen qatar, ata-analar osy jyly birinshi synyp oqýshylaryn qabyldaıtyn barlyq pedagogtardy kóredi. Ár muǵalim úshin onyń marapattary, sanattary jáne jetistikter tizimi bar dose bolady. Degenmen, eger qabyldaý qujattarynyń tiziminde qandaı da bir qujat jetispese, mektep ol balany qabyldamaýǵa quqyly ekenin eskergen jón, - dep túsindirdi Qaraǵandy qalasynyń bilim bóliminiń jalpy jáne orta bilim berý sektorynyń meńgerýshisi Natalıa Golovına.

Elektrondyq júıede memlekettik-jekeshelik áriptestik júıesi boıynsha jumys isteıtin jeke mektepter de paıda bolady.



null

- Qazir qalada bes jeke menshik mektep jumys isteıdi. Mamyr aıynyń sońynda biz memlekettik bilim berý tapsyrysyn ornalastyrýǵa baıqaý ótkizemiz. Onyń somasy 15 780 teńgeni quraıdy. Oqý qunynyń qalǵan bóligin ata - analar tóleıdi, - dedi Qaraǵandy qalasy ákiminiń orynbasary Irına Lıýbarskaıa.

Ótinishterdi elektrondy túrde qabyldaýdyń sońǵy merzimi - 29 tamyz, saǵat 18: 30. Onlaın-ótinim bere almaǵandar oqý ornynyń keńsesine júginýi tıis.

Jaqyn arada 50- 78- 81 nómir boıynsha balalardy mektepke qabyldaý máseleleri boıynsha «jedel jeli» jumys isteı bastaıdy.

Joǵary qaraı