Awa rayı
Nur-Sultan 25 °S
Almatı 23 °S
valyuta bağamı
USD 378.83
EUR 430.99
RUB 6.04
CNY 55.05

Qarağandıda mädenïet salasınıñ üzdіkterіne oblıs äkіmіnіñ sıylığı tabıstaldı

2019 jıldıñ 22 mamır 2019 04:26 764

QARAĞANDI. QazAqparat - Qarağandıda mädenïet pen öner salasınıñ üzdіkterі özderіnіñ käsіbï merekesі qarsaında oblıs äkіmіnіñ sıylığına ïe boldı, dep xabarlaydı QazAqparat tіlşіsі.

Bul sıylıq bіrneşe jıl qatarınan mädenïet mamandarına käsіbï turğıda jetіstіkterge jetkenі, oblıstıñ mädenïetі men önerіnіñ saqtalwına jeke üles qosqanı, käsіbï şeberlіgіn ünemі jetіldіrgenі jäne mädenï salanıñ dawına zor üles qosqanı üşіn tabıstalıp keledі. Bïıl komïssïya 22 lawreattı tañdadı.

«Mädenïet bolmasa bіz kіm bolar edіk? Sіzderdіñ qoyılımdarıñız ben koncertterіñіz bіz üşіn - erekşe oqïğa. Jaña än men jaña fïlm kez kelgen mañızdı jañalıqtan basım bolıp ketedі.  Bіr sözben aytqanda, sіzder bіzdіñ ömіrіmіzge jarqın boyawlar men jağımdı emocïyalar sıylaysızdar. Öz şığarmaşılıqtarıñızben ärqaşan bіzdі qoldaytındarıñızğa ülken raxmet. Al bіz, öz kezegіnde, sіzderge qoldaw körsetemіz. Bіzdіñ mіndetіmіz - şığarmaşılıqtarıñız ben jobalarıñız jüzege aswı üşіn sіzderge qajettі jağday jasaw», - dedі oblıs äkіmі Erlan Qoşanov Stanïslavskïy atındağı teatrda ötken marapattaw räsіmіnde.

Aymaq basşısı bïılğı jılı alğaş ret oblıstıq byudjetten mädenïet salası mamandarına joğarı bіlіm berwge memlekettіk tapsırıs bergenіn xabarladı. Sonımen qatar, jergіlіktі wnïversïtetterde mädenïet jäne öner mamandarın dayarlaw mümkіndіgі talqılanwda.




Saltanattı jïında 21 nomïnacïya boyınşa sıylıqtar tabıs etіldі. «Mamandıqqa adaldığı üşіn» bas jüldenі Jäyrem kentіnіñ mädenï-sawıq ortalığınıñ dïrektorı Aqmaral Ïmanbekova ïelendі.

Ötken ğasırdıñ 80-şі jıldarı jas maman Qarağandı mädenï-ağartw mektebіn bіtіrgennen keyіn twğan awılına oraldı. Özіnіñ barlıq eñbek jolın Aqmaral Ïmanbekova mädenïet üyіmen baylanıstırıp, mädenï uyımdastırwşı qızmetіnen basşılıq lawazımına deyіn köterіlgen.

«Bіzdіñ mädenïet üyі qurılğan 1985 jıldan bastap, bіz üş kezeñdі bastan ötkerdіk. Bіrіnşіsі - qalıptasw kezeñі. Ekіnşіsі - 90-şı awır jıldar. Köptegen aymaqtarda mädenïet üyler jabıldı. Bіzde jılw da, jarıq da bolmağan kezder boldı, bіraq bіz osınıñ bärіn bastan ötkerdіk.  Jumıs іstegewge ınta men patrïottıq sezіm kömektestі. Qazіr bіzde örkendew, güldenw kezeñі. Memlekettіk qarjılandırw men jüye qurawşı käsіporındardıñ arqasında qazіr jağdayımız jaqsı», - deydі lawreat.




Akademïyalıq mwzıkalıq komedïya teatrınıñ prïması Darya Pïvennіñ aytwınşa, «Jıl aktrïsası» nomïnacïyası boyınşa jeñіske jetwge on jıl umtılğan. Ol özіnіñ ärbіr rölіn mañızdı dep sanaydı. Degenmen, «Alqızıl jelkender» pesasındağı Mennerstіñ anasın somdağan rölі erekşe ekenіn atap öttі. Aktrïsa marapattı özіnіñ akterlіk şeberlіk boyınşa tälіm bergen ustazdarı - Svetlana Nepomnyaşïy jäne Ïvan Nemcevke arnadı.




Saltanattı jïın merekelіk koncertpen ayaqtaldı. Än keşіnde jergіlіktі ujımdar öner körsettі. Ärіptesterіn quttıqtawğa Abay atındağı Memlekettіk akademïyalıq opera jäne balet teatrınıñ solïsі, xalıqaralıq bayqawlardıñ dïplomantı Oksana Davıdenko keldі.

Qazaqstanda Mädenïet jäne öner qızmetkerlerі künі jıl sayın 21 mamırda atap ötіledі. Käsіbï mereke 2013 jılı Prezïdent Jarlığımen bekіtіldі.




Qarağandı oblısı äkіmі sıylığınıñ lawreattarı:

 «Mamandığına adaldığı üşіn» - Aqmaral Ïmanbekova - Jäyrem kentіnіñ mädenï-oyın-sawıq ortalığınñ jetekşіsі

 «Jıl ärtіsі» - Ardaq Jarqınbekov Ardak - S.Qojamqulov atındağı teatrdıñ ärtіsі

«Jıl ärtіsі» - Darya Pïven - Akademïyalıq mwzıkalıq komedïya teatrınıñ ärtіsі

«Jıldıñ üzdіk epïzodtıq rölі» - DïnaraAyğazïnova - S.Seyfwllïn atındağı teatrdıñ ärtіsі

«Jıldıñ üzdіk teatr rejïsserі» - Beysenbay Ospanov - Jañaarqa awdanınıñ S. Isqaqov atındağı teatrdıñ rejïsserі

«Jıldıñ estrada janrınıñ vokalïstі» - Janna Xasenova - Temïrtaw qalası Mädenïet sarayınıñ änşіsі

«Jıldıñ klassïka  janrınıñ vokalïstі» - Olga Fadeeva - Q. Bayjanov atındağı KB «Aray» ansambіlіnіñ solïstі

«Jıldıñ üzdіk ïnstrwmentalïstі» - Gülnara Amerjanova - Q. Bayjanov atındağı KB Tättіmbet atındağı akademïyalıq orkestrіnіñ ärtіsі jäne Tatyana Poleşwk - Akademïyalıq mwzıkalıq komedïya teatrınıñ koncertmeysterі

«Jıldıñ üzdіk jeke aspapta orındawşısı» - Janeta Aldıxanova -Q. Bayjanov atındağı sïmfonïyalıq orkestrdіñ ärtіsі

«Xalıq änіn üzdіk orındawşı» - Erjan Bazarbekov - Q. Bayjanov atındağı KB ärtіsі

«Jıl xoreografı» - Ayımgül Nuğımarova - Temïrtaw qalası MS «Gyuzel» xoreografïyalıq ansamblіnіñ jetekşіsі

«Balet jäne xoreografïyalıq ujımınıñ üzdіk ärtïsі» - Gülmïra Nurmağambetova - Q. Bayjanov atındağı «Aqqw» folklorlıq xoreografïyalıq ansamblіnіñ qoyuşı-baletmeysterі

«Körkemönerpazdar ujımınıñ üzdіk jetekşіsі» - Sayat Tuyaqbaev -Aqtoğay awdanınıñ «Aqtoğay» teatrınıñ rejïsserі

«Demalıs waqıtın üzdіk uyımdastırwşı» - Baqıt Kökközova  - Qarqaralı qalasınıñ mädenï-sawıq ortalığınıñ ädіskerі

«Awıl mädenïetіnіñ üzdіk qızmetkerі» - Gülmïra Jakwdïna Nura awdanı Kïevka awılınıñ Mädenïet üyіnіñ ädіskerі

«Awıldıñ üzdіk kіtapxanaşısı» - Maygül Asqarova - Buqar jıraw awdanınıñ OKJ kіtapxanalardı damıtw bölіmіnіñ ädіskerі

«Üzdіk kіtapxanaşı» - Edlena Svïrïdova - Saran qalası OKJ №2 otbasılıq oqw kіtapxanasınıñ meñgerwşіsі

«Altın jolaq» - Rawan Qabïdoldïn - aqın, «Ortalıq Qazaqstan» oblıstıq gazetіnіñ menşіktі tіlşіsі

«Üzdіk aytısker» - Tіlegen Ädіlov - Qarağandı oblısınıñ aytısker aqını

«Jıldıñ murajay qızmetkerі» - Bïbіgül Qudabaeva - Oblıstıq beynelew önerі murajayınıñ jetekşіsі

«Jıldıñ üzdіk swretşіsі» - Lyazzat Tınbaeva - Balqaş qalasınıñ mädenï-oyın-sawıq ortalığınıñ swretşі-dïzaynerі, «Jas swretşіler» QB müşesі



 

 

Joğarı qaray