Aýa raıy
Astana 18 °S
Almaty 13 °S
valıýta baǵamy
USD 386.70
EUR 427.15
RUB 6.06
CNY 54.57

Qaraǵandyda 12 adam dónerden ýlanyp, aýrýhana tústi

2019 jyldyń 22 tamyz 2019 18:38

QARAǴANDY. QazAqparat – Qaraǵandy qalasynyń juqpaly aýrýlar aýrýhanasyna 12 adam tamaqtan ýlaný belgilerimen tústi. Keıin anyqtalǵandaı, naýqastardyń barlyǵy dóner jegen. Qazirgi ýaqytta saýda núktesi tekserilip jatyr, dep habarlaıdy QazAqparat tilshisi.

«Oblystyq juqpaly aýrýlar aýrýhanasynda ótkir ishek ınfektsııasy dıagnozymen 12 adam jatyr. Olardyń arasynda on jasar bala da bar. Naýqastar dóner jegen soń mazalary ketkenin aıtady. Qazir medıtsına qyzmetkerleri zardap shekkenderge qajetti kómek kórsetip jatyr. Olardyń jaǵdaıy jaqsaryp keledi», - dep málimdedi Qaraǵandy oblystyq Densaýlyq saqtaý basqarmasynyń baspasóz qyzmetinen.

Naýqastar dóner jegen qoǵamdyq tamaqtaný orny qalanyń qaq ortasynda tur ári táýlik boıy jumys isteıdi. Bul jer qaraǵandylyqtardyń arasynda óte tanymal bolǵandyqtan adamnyń qarasy úzilmeıdi.

Oqys oqıǵadan keıin saýda ornynyń ıesi onyń jumysyn toqtatqan. Atalmysh fakti týraly Qaraǵandy oblysynyń Taýarlar men qyzmetterdiń sapasy men qaýipsizdigin baqylaý departamentine mekeme basshysy ózi habar bergen.

«Nysanǵa qatysty tekseris bastaldy. Derekter tıisti protsestik sheshim qabyldaý úshin Polıtsııa departamentine jiberildi», - dedi oblystyq departament ókilderi.

Basty sózder: Qaraǵandy oblysy, Oqıǵa, Aımaq,
Joǵary qaraı