Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Qaraǵandyda 1 maýsymda orkestrler sherýi ótedi

2019 jyldyń 23 mamyr 2019 04:40

QARAǴANDY. QazAqparat - Balalardy qorǵaý kúnine oraı Qaraǵandyda dástúrli orkestrler sherýi ótedi. Sondaı-aq, mereke qurmetine oblys ortalyǵynda balalar damý ortalyqtarynyń festıvali men «Qaýipsiz jaz-2019» aktsııasy uıymdastyrylady, dep habarlaıdy QazAqparat tilshisi.

1-shi maýsymda ótetin jyl saıynǵy orkestrler sherýine mýzykalyq, jalpy bilim beretin mektepterdiń, shyǵarmashylyq ortalyqtar men birlestikterdiń 2000-nan astam tárbıelenýshisi qatysady. Shara barysynda qazaq jáne orys halyq aspaptar, ishekti jáne úrmeli aspaptar ansamblderi, №58 OM kadetter-barabanshylary ortaq bir áýendi oryndap, sap túzep shyǵady. Orkestrdi «Volshebnaıa strana» jáne «Iskorka» shyǵarmashylyq ujymdary bımen súıemeldeıdi. Sherýdiń dál baǵyty keıinirek jarııalanatyn bolady.

Balalardy qorǵaý kúni qaladaǵy bes alańda: Dostyq Úıiniń janynda, Ortalyq mádenıet jáne demalys saıabaǵynda, Jańa Maıqudyq MÚ, Temirjolshylar men "Molodejnyı" mádenıet úılerinde balalar damý ortalyqtarynyń festıvali ótedi. Oǵan 40-tan astam mektepke deıingi uıymdar men sporttyq klýbtar qatysady. Іs-shara qonaqtaryna jaz mezgilinde balalardyń bos ýaqytyn qalaı jáne qaıda uıymdastyrýǵa bolatyny, Qaraǵandyda qandaı úıirmeler men sektsııalar jumys isteıtini jáne balany qala syrtyndaǵy jáne mektep janyndaǵy lagerlerge jiberýge bolatyny týraly aıtyp beriledi.

Festıvalge TJ qyzmetkerleri de qatysady. Olar «Qaýipsiz jaz-2019» aktsııasyn bastaıdy. Mamandar ata-analar men pedagogtarǵa sý qoımalarynda, ormanda jáne qalada balalar demalysyn qalaısha qaýipsiz etý kerektigi týraly baıandaıdy. Іs-sharanyń bastalýy saǵat 10:00-de.




Joǵary qaraı